Lomu 8:26 - The Keyagana NT and 25 OT books

²⁶ Goti Aunemeʼamoʼmo ani kavaʼmo huno lagaemo lokiya oʼvaiʼnona vayaʼmo laha neʼmae. Lagaemo haiya kavafeʼmo nunumuʼmo hisupi huta oʼafiʼnonaʼmonanafa Goti Aunemeʼamoʼmo agaiʼamo laha neʼmaegeta lavayaʼaletikeʼmo ge osuta laipafatiʼeʼmo yulagefa aigekana agufa gemo huta nunumuʼmo nehune.

Lomu 8:26 ပူးပေါင်းရင်းမြစ်များ

Samu 10:17

O Ala kava nene, huʼna, kagaemo yagu yaga vayaʼmogimo nunumuʼmo nehaya gemo afigane. Koli osisayafeʼmo apaipamo alika falu hugane. Kagetafo huka afigane.

Samu 6:3

Nagupi mafaʼnemoʼmo lusi kava huno kana hauʼnigi na magi afinaʼmo maiteka naha maegane.

Samu 6:9

Neyafeʼmo aukaya nehaya kava huʼna keya aeʼna nunumuʼmo huʼna ge nehugenoʼaeʼmo afiʼniyanageno afaʼa naha maegaiye.

Samu 69:3

Keya aeʼna ge huge huge hufʼna maiʼnogenoʼaeʼmo lusi kava huno alagaʼmo nahaeʼniye. Lugoʼnileʼmo hau huʼnigeʼna Gotiʼnimofeʼmo agava maiʼnogeno naulagafatiʼmo nagafu kiʼniye.

Matiyu 10:20

Lapakaitapimo ani gemo afaʼa osugayaʼmonanafa afotapimo Aunemeʼamoʼmo lapavayafatiʼmo ge hugiye.

Matiyu 20:22

Yesuʼa hunoʼaeʼmo, na agufa yafeʼmo ge huta afi nekopi huta oʼafiʼnae. Aise afinaʼmo utesigeʼna kapufi aniʼmo nesuva agufa kava hutana ani kapufi aniʼmo afaʼa negaʼafiye, huno anafi geʼnigeʼanaeʼmo, afaʼa negauʼae, huʼana ha paiʼnaʼae.

Luki 22:44

Lusi kava huno kana hauʼnigeno aipafiʼmo kaveta hugekana huʼnigeno maiʼnenoʼaeʼmo magoʼe huno lokiya vaino nunumuʼmo nehigenoʼaeʼmo amuko hauteno haisemoʼmo kolakana huno lusi kava huno mopafiʼmo lape tape huno asagauno aiʼniye.

Yoni 14:16

Nagaemo muki yaʼmo Afoʼamofeʼmo nunumuʼmo hisugeno magoʼe huno lapa maesiya vekamo emineno lapakaeʼeʼmo muki afinaʼmo alagi magokepi lokaeno maisiyafeʼmo lapamigiye.

Lomu 15:1

Lokiya vaita lagesamo afita fatago nehuna vayaʼmogitamo lagaitiekeʼmo lagesamo afiteta lahauʼnisiya kavaʼmo osuta lokiya oʼvaiʼnaya vayaʼmogimo afiʼa ha leʼa noʼafiya kavatefeʼmo vase vase huta hapa maesuna kavaʼmo haneʼniye.

Lomu 7:24

Vaehae, huʼna, lusi kana yaʼmo aliteʼna hosu kavaʼmo huʼna maiʼnove. Hosu kavaʼnimoʼmo nagufaleʼmo yagaino nateʼneno falisuvategamo navalelino visiyafeʼmo nehiyanageno ina laʼmo nagufaʼnimo alino katino nategaiye.

Lomu 8:15

Aliʼnaya Aunemeʼamoʼmo halate koli hisayafeʼmo lapavaleno kalavusi aliʼyateʼmo olapateʼnifa Goti afamo anagapiʼmo lapavalelino uno haino faleno lapateʼniye. Faleno lateʼnigeta Aunemeʼaʼe himamuʼaletiʼeʼmo hutaeʼmo, Afo, Afotimogae, huta keya neʼaone.

2 Kolitiyani 5:2

Seli notifiʼmo maiʼneta kage kage nehutaeʼmo kokuʼnapi notimo alita akalo huta vaisunafeʼmo lusi kava huno lahauʼniye.

2 Kolitiyani 5:4

Lagaemo seli notifiʼmo maiʼnetaeʼmo lusi kava huta kana yaʼmo aliʼneta kage kage nehune. Kukenatimo asagita atalesunafeʼmo lagesamo oʼafita saufa kukenamo alita akalo huta vaisunageno maige maige huta maisuna kavatimoʼmo falisuna kavaʼmo alino hano huno atalesiyafeʼmo lahauʼniye.

Galesiya 4:6

Lapakaemo mafaʼneʼamo maiʼnayaʼmofeʼmo Gotiʼa Mafaʼneʼamo Aunemeʼamo alino ateʼnigeno emineno lapaipafiʼmo uno haino maiʼnigetapaeʼmo, Afo, Afotimogae, hutapa ge nehae.

Efasasi 2:18

Agaemo lagaeʼe lapakaeʼeʼmo kaʼmo valino lateʼniyanageta hemenimo magoke Aunemeʼaletiʼmo muki yaʼmo Afoʼamotegamo afaʼa uta haigune.

Efasasi 6:18

Aliʼnetapaeʼmo muki alu nunumu alu nunumuʼmo huge Gotifeʼmo ge huge nehutapa Goti Aunemeʼaletiʼmo nunumuʼmo hutapa maiyo. Muki afinaʼmo oʼataletapa muki Goti aote vayaʼaeʼmo nunumuʼmo hutapa apateyo.

Himulu 4:15

Hogote ala vekatimo mono huno nelateya vekatimoʼmo himamutimo ohaneʼniya vayaʼmogitaeʼmo hau huno nelate. Muki alu hosu kava alu hosu kavaʼmo hisunafeʼmo lamalageka nehaya kava huʼa amalageka huʼnayaʼmofeʼmo hau huno nelate. Amalageka huʼnayaʼmonanafa hosu kavaʼmo alagi osuʼniye.

Himulu 5:2

Himamuʼapimo ohaneʼniyaʼmofeʼmo afiteʼa oʼageʼnaya vayaʼaitegaʼe alagepa kaʼmo ataleʼa uʼnaya vayaʼaitegaʼeʼmo vase vase kavaʼmo afaʼa hugae.

Yemisi 4:3

Gotifeʼmo nunumuʼmo hutapa afi nekayaʼmonanafa noʼaliye. Lapakufamoʼmo hauʼniya kavaʼmo hisayafeʼmo hosu gemo hutapa ge huta afi nekayaʼmofeʼmo noʼaliye.