Lomu 8:19 - The Keyagana NT and 25 OT books

¹⁹ Ani yatefeʼmo ma mopaʼe muki ma mopafi haneʼniya yaʼeʼmo Goti mafaʼneʼamoʼmo afole yateʼmo alino afole aino apatesiyafeʼmo agava maiʼnae.

Lomu 8:19 ပူးပေါင်းရင်းမြစ်များ

Aiyeya 65:17

Afiyo, huʼna, Nagaemo saufa kokuʼnaʼe saufa mopaʼeʼmo afa yatetiʼmo alo nehuve. Hogoteno afole aiʼniya kavafeʼmo magoʼe huʼa apakesamo oʼafigae.

Matiyu 5:9

Gotiʼa aliʼa nanu aeʼa neʼapataya vayaʼaifeʼmo hapa painoʼaeʼmo, mafaʼneʼnimo maiʼnae, huno hapa paigiyaʼmofeʼmo Goti aulena vayaʼamo maiʼnae.

Yoni 1:12

Muki vayaʼmogi aliʼa falu fala huʼa oʼateʼnayaʼmonanafa agaiʼa agiʼalefeʼmo apakesamo afiʼa fatago huteʼa aliʼa falu fala huʼa ateʼnaya vayaʼmo Goti mafaʼneʼamo ha malesayafeʼmo himamuʼamo apamiʼniye.

Apa 3:21

Agaemo hogoteno kokuʼnapiʼmo maime maime neʼvisigenoʼaeʼmo muki yaʼamo saufa yaʼmo alino hamaleno atesiya afinakeʼmo afole aisigenoʼaeʼmo eminegaiye. Ani kavatefeʼmo Gotiʼa akeyaʼvilaga apaote vayaʼmogi agaetegati gemo alini eʼa aeʼa hakalo huʼa hapa nepaiya vayaʼai apavayafatiʼmo huʼniye.

Lomu 8:14

Goti Aunemeʼamoʼmo apayate aligeʼa akame nehaya vayaʼmo Goti mafaʼneʼamo maiʼnae.

Lomu 8:16

Goti Aunemeʼamoʼmo launelamefeʼmo, Goti mafaʼneʼamo maiʼnae, huno laha nepaigeta neʼafune.

Lomu 8:18

Nagesa afifi nehuʼnaeʼmo, hemenimo kana yaʼmo neʼaliya yaʼmo aise yanageno ha le konali yaʼamo lamisiya yaʼmo alopa yaʼmo haneʼniye.

Lomu 8:23

Ani yaʼamogigeʼmo kage kage nosafa lagaemo Gotiʼa lamisiya yapatiʼmo hogoteno Aunemeʼamo ago lamiʼniya vayaʼmogitaʼeʼmo muki yaʼamo lamisiyafeʼmo kage kage nehune. Gotiʼa lagufale nofiʼmo hatu maeno latesigeta alopa mafaʼnegana huta maisunafeʼmo agava maiʼneta kage kage nehune.

Lomu 9:26

Vayaʼnimo oʼmaiʼnae, huʼna hapa paiʼnova vayaʼai koteʼmo maiʼnaya vayaʼmogi alagi afaʼa neʼmaiya Goti mafaʼneʼamo maiʼnae, huʼa hugae huno huʼniye.

1 Kolitiyani 1:7

Ani kava hutapa maiʼnetapaeʼmo lapaunelapameʼmo yafeʼmo kafu osutapa Ala kava netimo Yesu Kalaisiʼa afole aisiyafeʼmo agava maiʼnae.

1 Kolitiyani 1:8

Agaemo atupa afinaʼmo he titapa maisayafeʼmo lokiya vaino lapateme lapateme neʼunoʼaeʼmo Ala kava netimo Yesu Kalaisiʼa agaiʼa afinaʼmo vaiʼmo afaʼa olapamigiye.

2 Kolitiyani 6:18

Afotapimoʼnamo maisugetapa mafaʼne aʼmafaʼneʼnimo maigae, huno Ala kava neʼmo ayamufaʼage vekamoʼmo ani gemo hu maleʼniye, huno huʼniye.

Galesiya 3:26

Muki vayaʼamogitapamo Kalaisi Yesufekeʼmo lapakesamo afita fatago huʼnaya kavatetiʼmo Goti mafaʼneʼamo maiʼnae.

Filipai 1:20

Hosu kavaʼmo huteʼna navagage hisiya kavafeʼmo alagi noʼnahaiye. Alagepa kavaʼmo huguve, huʼna naipamo kaliteʼna navayagunagu huʼna agava neʼmauve. Hogoteʼna Kalaisi agiʼaleʼmo muki afinaʼmo aliʼna asaga huʼnovanageʼna falisufi afaʼa maisufigeʼna hemeniʼeʼmo ani kavaʼmo huʼna aiseʼamo koli osuʼnovanageʼna agiʼaleʼmo aliʼna asaga hugesuve.

Kolosi 3:4

Kalaisiʼa afaʼa neʼmauna yaʼmo afoʼamoʼmo vekamo afole aisigetapaeʼmo ha le konali yaʼamo agaeʼeʼmo alisageʼa lapakegae.

Himulu 12:27

Agaemo hunoʼaeʼmo, halate, huʼniya gemo aepaʼamo haneʼniyana alino kanage kanage osisiya kavaʼmo oʼageʼnona kavaʼmo hanesiyafeʼmo alino kanage kanage hisiya kavaʼmo apayatetiʼmo alo huʼnaya yaʼmo ageʼnona yaʼmo alino ataleʼniye, huno alino lave liʼniye.

1 Pita 1:13

Ani alagepa faigoko gemo afole aiʼniyaʼmofeʼmo alagepa huta afisayafeʼmo lapakesamo alo hutetapa lapakufaleʼmo yagaita lapateyo. Yesu Kalaisiʼa emineno vayaʼai apaulagaleʼmo afole aitenoʼaeʼmo fikumo laha maeno lamigiye, huta ani geʼaekeʼmo lapakesamo afitetapa agava maiʼnetapa lapavayagunagu hutapa maiyo.

1 Pita 1:7

Gotiʼa lapakesamo afita fatago nehaya kavafeʼmo amalageka huno agegenoʼaeʼmo, Lama ge kavaʼmo haneʼniye, huno hisiyafeʼmo hanageke yaʼmo lapamiʼniye. Vayaʼmogimo hano hisiya goli yafaʼmo atafiʼmo kaeʼa age nekaya kava huno Gotiʼa lapakesamo afita fatago nehaya kavaʼmoʼa alopa monileʼyaʼmo aeno agaseʼniya kavaʼmo goli yafaʼmo ago aeno agaseʼniya kavaʼmogeno amalageka huno age neke. Agegenoʼaeʼmo lama ge kavaʼmo haneʼninagenoʼaeʼmo Yesu Kalaisiʼa afole aisiya afinaʼmo ala lapakitapimo lapamige ha le konali yaʼamo lapamige lapakitapileʼmo alino asagauno lapatege hisiyafeʼmo amalageka huno age neke.

1 Yoni 3:1

Afiyo, huʼna, Afotimoʼmo lagaefeʼmo aeto agufa kavaʼmo huno hau ayamopafiʼmo hauʼnigenoʼaeʼmo, Mafaʼneʼnimogitapae, huno nehigetaeʼmo lahau neʼaune. Ma mopafi vayaʼmogimo Gotiʼmo oʼageʼnayaʼmofeʼmo lagaeʼeʼmo lageʼa aeto nosae.

1 Yoni 3:2

Nahauʼniya vayaʼmogitapae, huʼna, hemenimo Goti mafaʼneʼamo maiʼnonanageta henagaʼamo haiya agufa vayaʼmo maisupi, huta oʼafiʼnonaʼmonanafa agaemo emineno afole aisigetaeʼmo agaekana huta maigune, huta afiʼnone. Haiya agufa vekamo maiʼnifi, huta ageta aeto hugunaʼmofeʼmo agaekana huta maigune.

Leveleseni 21:7

Aeʼa neʼapakasaya vayaʼmogimo muki yaʼmo alisageʼna Gotiʼapimoʼnamo maisugeʼapaeʼmo mafaʼneʼnimo maigae.