Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lomu 8:18 - The Keyagana NT and 25 OT books

18 Nagesa afifi nehuʼnaeʼmo, hemenimo kana yaʼmo neʼaliya yaʼmo aise yanageno ha le konali yaʼamo lamisiya yaʼmo alopa yaʼmo haneʼniye.

အခန်းကိုကြည့်ပါ။ ကော်ပီ




Lomu 8:18
15 ပူးပေါင်းရင်းမြစ်များ  

falisuva kavaʼmo ina agufa kavaʼmogeʼna nagesa oʼafiʼnove. Gotiʼa fiku hapa maeno neʼapamiya gemo Ala kava neʼmo Yesufeʼmo alagepa faigoko geʼamo aeʼna hakalo huʼna hapa paisuva aliʼyaʼamo namiʼniye. Nagaemo ofaliʼna afaʼa maisuvafeʼmo ataleʼna maiʼna halove huʼna maiguve, huʼna nagesa noʼafufa namiʼniya aliʼyaʼnimo aliʼna hano huʼna atesuvafeʼmo nagu nagu huʼna uʼna atupaleʼmo avaʼyi huteʼna namogaga aiguve, huʼna nagesamo neʼafuve.


Ani yatefeʼmo ma mopaʼe muki ma mopafi haneʼniya yaʼeʼmo Goti mafaʼneʼamoʼmo afole yateʼmo alino afole aino apatesiyafeʼmo agava maiʼnae.


Kalaisiʼa afaʼa neʼmauna yaʼmo afoʼamoʼmo vekamo afole aisigetapaeʼmo ha le konali yaʼamo agaeʼeʼmo alisageʼa lapakegae.


Lagaemo alagepa faigoko geʼamo aeta hakalo huta lapa nepaunagenoʼaeʼmo Gotiʼa Ala kava netimo Yesu Kalaisi ha le konali yaʼamo alisayafeʼmo keya aeno ge huʼniye.


Ani kavaʼmo nehutaeʼmo ala vekamo Gotitimoʼmo lagufamo alino katino nelateya vekamo Yesu Kalaisiʼa ha le konali yaʼaʼeʼmo alino auleno atesiya afinaʼmo afole aisiyafeʼmo lamogaga aita agava neʼmaune.


Gotiʼa apakesamo afiʼa fatago huʼnaya kavatetiʼmo mafaʼneʼapimo faliʼnayatetiʼmo halate alino he tino apateʼnigeʼa itaʼapimogimo halate apavaleʼnae. Huʼnayaʼmonanafa magoʼamo apakafu kiʼnigeʼa faliʼnae. Kame vayaʼapimogimo huʼapaeʼmo, lapakaemo atalesayana afaʼa hatu maeta lapategaune, huʼa hapa paiʼnageʼapaeʼmo kanolufatiʼmo he tiʼapaeʼmo maige maige huʼa maisaya kavafeʼmo apakesamo afiteʼapaeʼmo, oʼatalegaune, huʼa huʼnae.


Ani alagepa faigoko gemo afole aiʼniyaʼmofeʼmo alagepa huta afisayafeʼmo lapakesamo alo hutetapa lapakufaleʼmo yagaita lapateyo. Yesu Kalaisiʼa emineno vayaʼai apaulagaleʼmo afole aitenoʼaeʼmo fikumo laha maeno lamigiye, huta ani geʼaekeʼmo lapakesamo afitetapa agava maiʼnetapa lapavayagunagu hutapa maiyo.


Kana yaʼmo aliʼniya kava huno kana yaʼmo neʼalitapa agaeʼeʼmo magoke agufa kana yaʼmo aliʼnayaʼmofeʼmo lapamogaga aiyo. Kalaisi ha le konali yaʼamo afole aisiya afinaʼmo lusi kava hutapa lapamogaga aigayaʼmofeʼmo magoʼe hutapa lapamogaga aiyo.


Nagaemo lapakaeʼeʼmo magokepi lokaeʼa maiʼneʼa yagaiʼa nelapataya vayatama vayaʼaifeʼmo gemo hapa paigesuve. Nagaeʼeʼmo yagaiʼna neʼapatova vayatama vekamo maiʼnove. Naulagafatiʼmo Kalaisiʼa ageʼnogeno kana yaʼmo aliʼnigeʼna ageteʼnaeʼmo aeʼna hakalo huʼna hapa nepauva vekamo maiʼnovanageʼna Kalaisiʼa ha le konali yaʼamo afole aisigeʼnaeʼmo hetamaʼnimo aliguve. Lapao ke hovanagi,


Nahauʼniya vayaʼmogitapae, huʼna, hemenimo Goti mafaʼneʼamo maiʼnonanageta henagaʼamo haiya agufa vayaʼmo maisupi, huta oʼafiʼnonaʼmonanafa agaemo emineno afole aisigetaeʼmo agaekana huta maigune, huta afiʼnone. Haiya agufa vekamo maiʼnifi, huta ageta aeto hugunaʼmofeʼmo agaekana huta maigune.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ