Lomu 8:15 - The Keyagana NT and 25 OT books

¹⁵ Aliʼnaya Aunemeʼamoʼmo halate koli hisayafeʼmo lapavaleno kalavusi aliʼyateʼmo olapateʼnifa Goti afamo anagapiʼmo lapavalelino uno haino faleno lapateʼniye. Faleno lateʼnigeta Aunemeʼaʼe himamuʼaletiʼeʼmo hutaeʼmo, Afo, Afotimogae, huta keya neʼaone.

Lomu 8:15 ပူးပေါင်းရင်းမြစ်များ

Hatu maeno apate'niya gemae 20:19

Apakaemo Mosesefeʼmo ha paiʼapaeʼmo, Kagaekeʼmo laha paigeta afino. Gotiʼa laha paisiyaʼmoʼmo fiku yanageta faligune, huʼa huʼnae.

Napa 17:12

Isaleli vayaʼmogimo Mosesefeʼmo huʼapaeʼmo, Vaehae, huʼa, Alagi faligune. Mukiʼamogitamo falita lageso hugune,

Matiyu 25:25

kolikamo huteʼna namiʼnana vani tauseni monikamo alininuʼna keli kafiteʼna kelifiʼmo maleʼnove.

Maki 14:36

Nunumuʼmo hunoʼaeʼmo, Afoʼnimogae, huno, kagaemo muki kavaʼamo huguve huka hisana kavaʼmo afaʼa hugane. Mani kapumo nagaetegatiʼmo alika atalo. Ani ge huʼna huvaʼmonanafa nagaemo nahauʼni kavaʼmo osuka kagaemo kahauʼnisiya kavaʼmo afaʼa huvo, huno nunumuʼmo huʼniye.

Luki 11:2

nunumuʼmo hisayafeʼmo ina gemo hutapa hiyo. Afotimogae, hutapa, kokuʼnapi maiʼnanageno kagikamoʼmo alagepa huno kaote haneʼniyanagi aliʼa asaga hiyo. Vayaʼaiteʼmo yagaika apatesana kavaʼmo ma mopafiʼmo afole aino. Muki kokuʼnapi maiʼnaya vayaʼmogimo gekamo akame nehaya kava huʼa ma mopafiʼmo maiʼnaya vayaʼmogimo gekamo akame hiyo.

Luki 22:42

Afo, huno, kapufiʼmo atu ofa anikana huno haneʼnigi oʼnesuvafeʼmo kahauʼnisiyana alika atalo, huʼna huvaʼmonanafa nagaemo nahauʼniya kavaʼmo akame osuka kagaikamo kahauʼnisiya kavaʼmo akame huvo, huno nunumuʼmo huʼniye,

Luki 8:28

Agaemo Yesuʼa agetenoʼaeʼmo, ai, aeteno Yesu aiyafiʼmo eno agoʼya faiʼneno alopa gefatiʼmo ge hunoʼaeʼmo, Yesuo, huno, Hogote Anaga vekamo mafaʼneʼamogae, huno, nagaetegamo na agufa kavaʼmo huka natesanafeʼmo neʼane. Nagafu kisiya agufa kavaʼmo nagaetegamo osisanafeʼmo kahao ke nehove, huno ha paiʼniye.

Luki 8:37

Ani koʼmo agiʼamo Gelasini koʼmo haopaleʼmo maiʼnaya vayaʼmogimo ani kavafeʼmo lusi kava huʼa koli huteʼapaeʼmo, mani kotetiʼmo ataleka uvo, huʼa ha paiʼnageno sipifiʼmo uno haino maitegeʼapaeʼmo geʼamo neʼafiya vayaʼeʼmo halate aiʼa atagi neʼa uʼnae.

Yoni 16:8

Emiʼnenoʼaeʼmo ma mopafi vayaʼai hosu kavaʼapigi fatago kavaʼnigi agoti huʼna apatesuva kavaʼnigi huno alino apave lisigeʼa agegae.

Yoni 20:17

afoʼnimotegamo uʼna ohaiʼnovaʼmofeʼmo nanu okiyo. Naganaʼnimogifeʼmo uka hapa paikaeʼmo, kokuʼnapi Afoʼnimoʼmo Gotiʼnimotegamo Afotapimoʼmo Gotitapimotegamo uʼna haiguve, huno huʼniye, huka uka hapa paiyo, huno ha paiʼniye.

Apa 16:29

Kalavusi vayaʼaiteʼmo yagaino neʼapateya vekamoʼmo hunoʼaeʼmo, kani aeka namiyo, huno huteno alinino nagu nagu huno nopiʼmo uno haino Poloʼe Sailasiʼeʼmo anaiyafiʼmo asagauno aino agoʼya faiteno atete huʼniye.

Apa 2:37

Ani gemo afiʼnagenoʼaeʼmo apaipafiʼmo aeʼnigeʼa Pitaʼe muki apa vayaʼefeʼmo huʼapaeʼmo, Vayatimogitapae, huʼa, haiya kavaʼmo hisune, huʼa ge huʼa apafi geʼnae.

Lomu 8:16

Goti Aunemeʼamoʼmo launelamefeʼmo, Goti mafaʼneʼamo maiʼnae, huno laha nepaigeta neʼafune.

Lomu 8:23

Ani yaʼamogigeʼmo kage kage nosafa lagaemo Gotiʼa lamisiya yapatiʼmo hogoteno Aunemeʼamo ago lamiʼniya vayaʼmogitaʼeʼmo muki yaʼamo lamisiyafeʼmo kage kage nehune. Gotiʼa lagufale nofiʼmo hatu maeno latesigeta alopa mafaʼnegana huta maisunafeʼmo agava maiʼneta kage kage nehune.

Lomu 8:26

Goti Aunemeʼamoʼmo ani kavaʼmo huno lagaemo lokiya oʼvaiʼnona vayaʼmo laha neʼmae. Lagaemo haiya kavafeʼmo nunumuʼmo hisupi huta oʼafiʼnonaʼmonanafa Goti Aunemeʼamoʼmo agaiʼamo laha neʼmaegeta lavayaʼaletikeʼmo ge osuta laipafatiʼeʼmo yulagefa aigekana agufa gemo huta nunumuʼmo nehune.

Lomu 9:4

Apakaemo Goti vayaʼamo Isaleli nofi vayaʼmo maiʼnagenoʼaeʼmo, mafaʼneʼnimo maiʼnae, huno huteno agaiʼamo ha le konali vekamoʼmo apakaeʼeʼmo magokepi lokaeno maiʼniye. Gotiʼa apakaefeʼmo kotalakeʼamo hapa paime hapa paime ege keʼaepa geʼamo apamige mono kavaʼmo alino apave lige lapa maegauve, huno hapa paiʼniya polomasi geʼamo hapa paige huno maiʼniye.

1 Kolitiyani 2:12

Lagaemo Gotiʼa fiku laha maeno lamiʼniya yaʼmo agesunafeʼmo ma mopafi vayaʼai apauneʼapameʼmo oʼaliʼnopa Gotitegatikeʼmo Aunemeʼamo aliʼnone.

2 Kolitiyani 11:4

Mago hogoteʼa eʼnaya vayanagi henagaʼamo esaya vayanagi huʼa lapakaetegamo eʼa alu Yesufeʼmo lagaemo aeta hakalo huta lapa opaiʼnona Yesufeʼmo aeʼa hakalo huʼa lapa paisagetapa afigae. Alu auneʼamo lagaetetiʼmo oʼaliʼnaya auneʼamo lapakaemo aliʼnisafi alu alagepa faigoko gemo lagaetetiʼmo oʼafiʼnaya agufa alagepa faigoko gemo afisafi hutetapa afaʼa apaketapa apataleʼnetapa geʼapimo afaʼa afigae.

Galesiya 2:4

mago vayaʼmo aigofe konagatimogimo agufamo lagausayafeʼmo hapauʼniye. Ani vayaʼmo kesi katetiʼmo lamata huliʼa eʼa alita anupa huta maiʼnona vayapiʼmo eʼa maiʼnae. Kalaisi Yesuʼa hatu maeno lateʼnigeta agaepiʼmo afa vayaʼmo maiʼnonageʼapaeʼmo kalavusi huʼa lateteʼa keʼaepa gemo afeʼalumelagamo aliʼa latesayafeʼmo eʼa lamata huʼa maiʼnayaʼmonanafa

Galesiya 5:1

Kalaisiʼa afa vayaʼmo maisunafeʼmo hatu maeno lateʼnigeta afa vayaʼmo maiʼnonaʼmofeʼmo ani kava huta lokiya vaita afa vayakeʼmo maigetao. Keʼaepa gemo afeʼalumelagamo aliʼa lapatesayafeʼmo nehayanagi halate kana huʼniya aliʼyaʼmo alitetapa kalavusifiʼmo oʼmaiyo.

Efasasi 1:5

Agaemo lagaefeʼmo hau ayamopafiʼmo hauʼnigeno hogoteno hunoʼaeʼmo, nahauʼniyanageʼa Yesu Kalaisitetiʼmo nagaiʼnilefeʼmo mafaʼneʼnimo maigae, huno lokiya gemo hu maleʼniye.

2 Timoti 1:7

Na kava nehiyaʼmofeʼmae. Gotiʼa lamiʼniya Aunemeʼamoʼmo laipafiʼmo aliʼyaʼmo neʼaligetaeʼmo lamoʼya oʼaita himamuʼamo aliʼneta lahau layamopafiʼmo lahauʼnigeta lagesamo neʼafuna kavateʼmo neʼyagaune.

Himulu 2:15

Alitenoʼaeʼmo nefaliya kavaʼmo afoʼamoʼmo Nevoʼmo aeno agaseno himamuʼamo alino atalesiyafeʼmo faliʼniye. Falisaya kavafeʼmo koli huteʼa kanamo neʼaliya vayaʼmo hatu maeno apatesiyafeʼmo faliʼniye.

Yemisi 2:19

Kagaemo Gotifeʼmo magoke vekamo maiʼniye, huka kagesamo afika fatago huʼnana kavaʼmo kanalene. Nehanaʼmonanafa hosu apaune vayaʼmogiʼeʼmo Gotiʼa maiʼniye, huʼa apakesamo afiʼa fatago nehuʼapaeʼmo atete nehae.

1 Yoni 4:18

Gotiʼa lagaefeʼmo hau ayamopafiʼmo hauʼniye, huta huteta agaefeʼmo lahau layamopafiʼmo lahauʼnisiyana koli nosune. Haino hapaiʼniya hau ayamopafiʼmo hauʼniya kavaʼaletiʼmo lamoʼya neʼaiya kavatimo laipafatiʼmo alino neʼatale. Apamoʼya neʼaiya kavaʼmo aepaʼamo haneʼniyana hosu kavaʼmo nehunaʼmofeʼmo hosu miyatimo aligune, huʼa apakesamo neʼafiye. Gotiʼa hau ayamopafiʼmo hauʼniya kavaʼamoʼmo koli nehaya vayaʼai apaipafiʼmo kosino afu nole.