Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lomu 8:11 - The Keyagana NT and 25 OT books

11 Goti Aunemeʼamoʼmo Yesuʼmo faliʼniyatetiʼmo ago alino he tino ateʼniya vekamo lapaipafiʼmo maiʼnisiyana Kalaisiʼa alino he tino ateʼniya vekamoʼmo ani kava huno lapaipafiʼmo maiʼniya Aunemeʼaletiʼmo falisiya lapakufamo alino he tino lapategaiye.

အခန်းကိုကြည့်ပါ။ ကော်ပီ




Lomu 8:11
37 ပူးပေါင်းရင်းမြစ်များ  

Kagaemo nofi vayakamo faliʼnayanageʼa he tigae. Isaleli vayaʼmogimo huʼapaeʼmo, lagae lagufamo he tigiye, huʼa huʼnae. Mopafiʼmo kanolufi maiʼnaya vayanagi he tita yokemo hiyo. Na agufa kavatefene. Lao yaʼmo mopaleʼmo asagauno neʼaigenoʼaeʼmo kahaumo nelagiya kava huno Gotiʼa lao yaʼamo alino atesigenoʼaeʼmo faliʼnaya vayaʼaiteʼmo asagauno aisigeʼa he tigae.


Gotiʼa Aunemeʼamo alagi lama geʼage aepa Aunemeʼamo lapamigiye. Ma mopafi vayaʼmogimo agaemo oʼageʼnayaʼmofeʼmo ageʼa aeto osuʼnayanageʼa afaʼa oʼagegayaʼmonanafa lapakaeʼeʼmo maiʼniyaʼmofeʼmo ago ageʼnae. Agaemo lapakaeʼeʼmo ago maiʼniyanageno lapakaepiʼmo maigiye.


Muki yaʼmo Afoʼamoʼmo faliʼnaya vayaʼmo alino he tino apateteno afaʼa maisaya yaʼmo neʼapamiya kava huno Mafaʼneʼamoʼa afaʼa maisaya yaʼmo apamisiyafeʼmo hauʼnisiya vayaʼaina afaʼa neʼapamiye.


Faliʼnigenoʼaeʼmo Gotiʼa faliʼniya nofipatiʼmo hatu maeno ateteno kanolufatiʼmo ago alino he tino ateʼniye. Faliʼniya kavaʼmoʼa alagi afaʼa atafauno oʼategaiye.


Apelisiʼa Kalaisiʼmo oʼataleno akame huʼniyaʼmofeʼmo agimo haneʼniya vekaeʼmo ha paitapaeʼmo, Poloʼa ge kamamaeʼniye, hutapa ha paitapa nateyo. Alisitomulasi afamo anagaʼaifeʼmo hapa paitapaeʼmo, Poloʼa ge lapamamaeʼniye, hutapa hapa paitapa nateyo.


Pilisilaʼe Akuvilaʼeʼmo Kalaisi Yesu aliʼyaʼamo nagaeʼeʼmo neʼaliʼa yalavelafeʼmo, Poloʼa ge lanamamaeʼniye, hutapa hana paita nateyo.


Atalonikasiʼe Yuniyasiʼefeʼmo hana paitanaeʼmo, Poloʼa ge lanamamaeʼniye, hutapa hana paitapa nateyo. Nagaemo Kalaisipiʼmo oʼmaiʼnova afinaʼmo hogoteʼana Kalaisipiʼmo maiʼnaʼa vekalane. Anakaemo nagae nofi vekalaʼmo maiʼneʼana mago afinaʼmo nagaeʼeʼmo magokepi kalavusi huʼnone. Anakaemo apa vayapatiʼmo ala anaki vekalane.


Epaniʼa Kalaisi aliʼyaʼamo lagaeʼeʼmo aliʼniya vekaʼe Setekisiʼefeʼmo nahau nayamopafiʼmo nahauʼniya vekalaʼanifeʼmo, Poloʼa ge lanamamaeʼniye, hutapa hana paitapa nateyo.


Lapakaemo ani kava hutapa neʼmaiyaʼmofeʼmo hosu kavaʼmo afaʼa ateʼnigenoʼa nefaliya lapakufaleʼmo yagaino olapateno. Fikumo yanagetapa lapakufamoʼmo hauʼniya kavaʼmo hugae.


Kalaisiʼa hosu kavatilefeʼmo faliʼniyaʼmofeʼmo Gotiʼa Kalaisi Yesupiʼmo maiʼnisaya vayaʼaifeʼmo hunoʼaeʼmo, hosu vayane, huno huteno agoti huno oʼapatege kayoʼmo oʼapamige hugiye. Apakaemo atafa apaipamo akame nosafa Goti Aunemeʼamo hauʼniya kavaʼmo akame nehae.


Konagaʼnimogitapae, huʼna, ani kavaʼmo hugiyaʼmofeʼmo anonatimo haneʼniyaʼmonanafa atafa laipamo akame hisuna anonatimo ohaneʼniye.


Na kava hinagenoʼaeʼmo agoti huno lateteno falisuna agufa kayoʼmo olamigiye. Keʼaepa gemoʼa hosu kavaʼe nefali kavaʼeʼmo alino afole aino neʼateyaʼmonanafa Kalaisi Yesupiʼmo maiʼnonagenoʼaeʼmo Goti Aunemeʼamoʼmo afaʼa maisuna yaʼmo nelamiya Aunemeʼamoʼmo alagepa faigoko geʼaletiʼmo keʼaepa gefatiʼmo ago hatu maeno nateʼniye.


Osugayaʼmonanafa Goti Aunemeʼamo lapaipafiʼmo maiʼnisiyana atafa lapaipamoʼmo magoʼe huno yagaino nolapate. Muki vayaʼmogi Kalaisi Aunemeʼamo oʼaliʼnisayana Kalaisi vayaʼamo oʼmaiʼnae.


Faliʼnaya vayaʼmo henagaʼamo he otigaesinana Kalaisiʼa he otiʼniyesine.


Gotiʼa Ala kava neʼmo alino he tino ateʼniya kava huno himamuʼaletiʼmo lagaeʼeʼmo alino he tino lategaiye.


Yesuʼa afaʼa maiʼniya himamuʼamo kasalisiya lagufaleʼmo lagesayafeʼmo afaʼa neʼmaiyategamo neʼmauna vayaʼmo Yesu agiʼalefeʼmo lamagisageta falisuna kavategamo maiʼnone.


Lagaemo afiʼnonana Ala kava neʼmo Yesuʼa ago alino he tino ateʼniya vekamoʼmo Yesuʼe lagaeʼeʼmo alino he tino latetenoʼaeʼmo lapakaeʼeʼmo lavalelinuno agaeʼeʼmo magokepi lokaeno latesigeta lokaeta maigune, huta afiʼnonaʼmofeʼmo ge nehune.


Lagaemo seli notifiʼmo maiʼnetaeʼmo lusi kava huta kana yaʼmo aliʼneta kage kage nehune. Kukenatimo asagita atalesunafeʼmo lagesamo oʼafita saufa kukenamo alita akalo huta vaisunageno maige maige huta maisuna kavatimoʼmo falisuna kavaʼmo alino hano huno atalesiyafeʼmo lahauʼniye.


Vayaʼmogimo atafa apaipamoʼmo nehaiya kavaʼmo nehisayana hosu neʼyaʼmo afole aisigeʼa aliteʼa faligae. Vayaʼmogimo Goti Aunemeʼamoʼmo hauʼniya kavaʼmo nehisayana alagepa neʼyaʼmo afole aisigeʼa aliteʼa maige maige huʼa maigae.


Lagaemo Goti geʼamo ago amagita ataleteta hosu kavapiʼmo falisuna kavategamo maiʼnonagenoʼaeʼmo alino he tino latetenoʼaeʼmo afaʼa maisuna yaʼmo lamiʼnigeta Kalaisiʼeʼmo afaʼa maiʼnone. Fikumo lapa maeno lapamiʼniya kavatetiʼmo lapakufamo alino katino lapateʼniye.


Agaemo ayamufaʼaletiʼmo muki yaʼe vayaʼeʼmo alino aiyafiʼmo apateteno yagaino apatesiya ayamufaʼaletiʼmo hosu lagufamo lokiya oʼvaino nekasaliya lagufamo agaiʼa agufagana agufa lagufamo ha le konali lagufamo alino hamaleno lategaiye.


Gotiʼmo Ala kava netimo Yesuʼa hogote vekamo sipisipileʼmo yagaino neʼapateya vekamo kolaʼaletiʼmo hanege hanege huno hanesiya kotalakemo hu maleʼniya kolaʼaletiʼmo faliʼniyatetiʼmo ago alino he tino ateʼniye. Nagaemo Gotiʼa alino nanu aeno lateʼniya vekaeʼmo nunumuʼmo huʼnaeʼmo,


Lapakaemo agaetetiʼmo Gotifeʼmo lapakesamo afita fatago nehae. Agaemo faliʼniyatetiʼmo ago alino he tino ateteno ha le konali yaʼamo amiʼnigetapaeʼmo Gotifeʼmo lapakesamo afita fatago hutetapa agava maiʼnetapaeʼmo lapavayagunagu nehae.


Ani kavatefeʼmo fatago vekamo Kalaisiʼa fatago vayaʼmo oʼmaiʼnaya vayaʼai apaimuʼyaleʼmo muki afinatefeʼmo magoke afinaʼmo ago faliʼniye. Agaemo Gotitegamo lavalelino uno haisiyafeʼmo agufaʼamo faliʼniyaʼmonanafa Goti Aunemeʼamoʼmo ago alino he tino ateʼniye.


Afaʼa neʼmauva vekamo maiʼnove. Afiyo, huno, faliʼnovanageʼna maige maige huʼna maiʼna hano osuʼna afaʼa maiguve. He, lama ge. Nagaemo kitamo yakiʼna apatesuva kiʼmo aliʼnovaʼmofeʼmo falisayafeʼmofi afaʼa maisayafeʼmofi huʼna muki vayaʼaiteʼmo yagaiʼna neʼapatove.


Loleʼe magoʼe afinanagi mago atupa afinanagi huno utegeno Gotiʼa fu huteno halate afaʼa maisaʼa yaʼmo anamiʼnigeʼana he tiʼana afaʼa maiʼnaʼageʼa anaketeʼapaeʼmo lusi kava huno apamoʼya aiʼniye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ