Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lomu 8:1 - The Keyagana NT and 25 OT books

1 Kalaisiʼa hosu kavatilefeʼmo faliʼniyaʼmofeʼmo Gotiʼa Kalaisi Yesupiʼmo maiʼnisaya vayaʼaifeʼmo hunoʼaeʼmo, hosu vayane, huno huteno agoti huno oʼapatege kayoʼmo oʼapamige hugiye. Apakaemo atafa apaipamo akame nosafa Goti Aunemeʼamo hauʼniya kavaʼmo akame nehae.

အခန်းကိုကြည့်ပါ။ ကော်ပီ




Lomu 8:1
32 ပူးပေါင်းရင်းမြစ်များ  

Nehayaʼmonanafa kame nehaya yaʼmo alo huʼnaya yaʼmo aliʼa kame huʼa aeʼa lapaka osegae. Vayaʼmogimo alu ge alu gemo huteʼa aliʼa kagaepiʼmo faiʼa katege katege huʼa maisaya vayaʼmogi geʼapileʼmo afaʼa aeka atagaina huka ge hugane. Aliʼyaʼnimo neʼaliya vayaʼmogimo ani hetamaʼapimo alige fatago kavaʼapimo nagaetegatiʼmo alige hugae, huno Ala kava neʼmoʼa huʼniye.


Ani afinaʼmo afole aisigetapaeʼmo agetapaeʼmo Afoʼamopiʼmo maiʼnigeta agaepiʼmo maiʼnonageno lagaepiʼmo maiʼniye, hutapa nagegae.


Nagaepiʼmo aeta hanitapa maigeʼnao nagaemo lapakaepiʼmo alagi maino. Nofi akopamoʼmo nofiʼafiʼmo aeno ohaniʼnigeno alagamo noʼaeya agufa kavaʼmo hutapa nagaepiʼmo alagi oʼmaiʼnisayaʼmoʼmo alagamo alagi oʼaegae.


Lama gemo lapa nepauve, huno, ina lagimo geʼnimo afiteʼa alino nateʼnigeʼna emineʼnova vekaeʼmo apakesamo afiʼa fatago nehisafigeʼa alagepa huʼa maige maige huʼa maisaya yaʼmo aliʼnae. Apakaemo fali kavategatiʼmo atale eʼa afaʼa neʼmaiyategamo maiʼnayanageʼna agoti huʼna apateteʼnaeʼmo, hosu vayaʼmo maiʼnae, huʼna hapa opaiguve.


Pilisilaʼe Akuvilaʼeʼmo Kalaisi Yesu aliʼyaʼamo nagaeʼeʼmo neʼaliʼa yalavelafeʼmo, Poloʼa ge lanamamaeʼniye, hutapa hana paita nateyo.


Atalonikasiʼe Yuniyasiʼefeʼmo hana paitanaeʼmo, Poloʼa ge lanamamaeʼniye, hutapa hana paitapa nateyo. Nagaemo Kalaisipiʼmo oʼmaiʼnova afinaʼmo hogoteʼana Kalaisipiʼmo maiʼnaʼa vekalane. Anakaemo nagae nofi vekalaʼmo maiʼneʼana mago afinaʼmo nagaeʼeʼmo magokepi kalavusi huʼnone. Anakaemo apa vayapatiʼmo ala anaki vekalane.


Lagesamo afita fatago huʼnonagenoʼaeʼmo Gotiʼa, naulagaleʼmo fatago vayaʼmo maiʼnae, huno laha paiʼnigeta afitetaeʼmo, aipamo falu huno nelate, huta huteta maiʼnonagenoʼaeʼmo Ala kava netimo Yesu Kalaisitetiʼmo laipamoʼmo falu nehiye.


Gotiʼa fikumo hapa maeno neʼapamiya kavatetiʼmo alino afole aino neʼateya kavaʼe magoke vekamoʼmo huʼniya kavatetiʼmo alino afole aino neʼateya kavaʼeʼmo alu kava alu kavaʼmo haneʼniye. Magoke hosu kavaʼmo akamelegaʼamo Gotiʼa hunoʼaeʼmo, hosu vayaʼmo maiʼnae, huno huteno agoti huno apateʼniyaʼmonanafa vayaʼmogi asole hosu kavaʼapimo akamelegaʼamo Gotiʼa fikumo hapa maeno apamitenoʼaeʼmo, naulagaleʼmo fatago vayaʼmo maiʼnae, huno nehiye.


Ani kavaʼmo nehuvaʼmofeʼmo nagaiʼnimo nosufa naipafiʼmo haneʼniya hosu kavaʼmoʼa nehiye.


Osuguve, huʼna nehisuvana nagaiʼnimo nosuvaʼmonanafa naipafiʼmo haneʼniya hosu kavaʼmoʼa nehiye.


Goti Aunemeʼamoʼmo Yesuʼmo faliʼniyatetiʼmo ago alino he tino ateʼniya vekamo lapaipafiʼmo maiʼnisiyana Kalaisiʼa alino he tino ateʼniya vekamoʼmo ani kava huno lapaipafiʼmo maiʼniya Aunemeʼaletiʼmo falisiya lapakufamo alino he tino lapategaiye.


Goti Aunemeʼamoʼmo apayate aligeʼa akame nehaya vayaʼmo Goti mafaʼneʼamo maiʼnae.


Na kava hinagenoʼaeʼmo agoti huno lateteno falisuna agufa kayoʼmo olamigiye. Keʼaepa gemoʼa hosu kavaʼe nefali kavaʼeʼmo alino afole aino neʼateyaʼmonanafa Kalaisi Yesupiʼmo maiʼnonagenoʼaeʼmo Goti Aunemeʼamoʼmo afaʼa maisuna yaʼmo nelamiya Aunemeʼamoʼmo alagepa faigoko geʼaletiʼmo keʼaepa gefatiʼmo ago hatu maeno nateʼniye.


Ina laʼmo agoti huno latetenoʼaeʼmo, hosu vayaʼmo maiʼnae, huno hugiye. Haʼao, Kalaisiʼa ago faliʼniye. Faliʼniyaʼmonanafa Gotiʼa ago alino he tino ateʼnigenoʼaeʼmo magoʼe huno laha maesiyafeʼmo Goti lamaga haopaleʼmo maiʼnenoʼaeʼmo nunumuʼmo huno nelate.


Keʼaepa gemoʼa hunoʼaeʼmo, fatago kavaʼmo hiyo, huno huʼniya fatago kavaʼamo lagaepiʼmo afole aisiyafeʼmo Gotiʼa ani kavaʼmo huʼniye. Lagaemo atafa laipamo akame osuta Goti Aunemeʼamo hauʼniya kavaʼmo akame nehune.


Osugayaʼmonanafa Goti Aunemeʼamo lapaipafiʼmo maiʼnisiyana atafa lapaipamoʼmo magoʼe huno yagaino nolapate. Muki vayaʼmogi Kalaisi Aunemeʼamo oʼaliʼnisayana Kalaisi vayaʼamo oʼmaiʼnae.


Gotiʼa Kalaisi Yesupiʼmo faleno lapateʼnigetapa maiʼnae. Gotiʼa Kalaisiʼmo alino hamaleno ateʼniyanageta Gotitegatiʼmo ageteta afisuna agufa kavaʼmo hamaleʼniye. Ina kava huno Kalaisiʼa Goti aulagaleʼmo fatago vayaʼmo maisunafeʼmo fatago kavatimo maiʼniyanageno hemenimo magoʼe magoʼe huno alino alagepa huno nelateyanageno muki hosu kavapatiʼmo lagufamo alino katino lategaiye.


Atamupiʼmo maiʼnisaya vayaʼmo mukiʼamo nefaliya kava huʼa muki Kalaisipiʼmo maiʼnisaya vayaʼmo mukiʼamo he tigae.


Nagaemo mago Kalaisipiʼmoʼmaiʼniya vekamo ageʼnove. Akeyaʼvilaga fotiniʼa kafugamo Gotiʼa ani vekamo avalelino uno haino napa tali kokuʼnapiʼmo ateʼniye. Agufafiʼmo maiʼnifi oʼmaiʼnifi huʼna oʼageʼnovana Gotiʼa ageʼniye.


Gotiʼa ina lagimo Kalaisipiʼmo maiʼnisafi ago saufa vayaʼmo alo huno apateʼniye. Afiyo, huʼna, atafa kavaʼapimo ago hano huʼnigenoʼaeʼmo muki saufa kavaʼapimo afole aiʼniye.


Kalaisiʼa lagaetefeʼmo lifana vekamo hamaleʼniyaʼmofeʼmo Gotiʼa lifana huno ateʼnigeno Kalaisiʼa keʼaepa gemoʼmo lifana huno lateʼniya kavapatiʼmo miya faino hatu maeno lateʼniye. Goti mukufiʼmo avoʼmo kae maleʼniya gemoʼmo ani kavatefeʼmo hunoʼaeʼmo, Gotiʼa hosu kavaʼapilefeʼmo yosaleʼmo apaneʼmu aeʼa asai maleʼnaya vayaʼmo lifana huno neʼapate, huno huʼniye.


Muki vayaʼamogitapamo Kalaisi Yesufekeʼmo lapakesamo afita fatago huʼnaya kavatetiʼmo Goti mafaʼneʼamo maiʼnae.


Kalaisipiʼmo magoke aiyaya vayaʼmo maiʼnayaʼmofeʼmo mago vayaʼmo Yu vayaʼmo maige mago vayaʼmo alu nofi vayaʼmo maige huʼnone, hutapa osuge kalavusi aliʼyaʼmo neʼaliya vayaʼmo maige afa vayaʼmo maige huʼnone, hutapa osuge ve maige aʼne maige huʼnone, hutapa osuge hutetapa maiyo. Kalaisi Yesupiʼmo maiʼnetapaeʼmo magoke aiyaya vayaʼmo maiʼnae.


Ani geeʼmo huʼnaeʼmo, Goti Aunemeʼamoʼmo hauʼnisiya kavaʼmo akame hutapa maigenoʼao atafa lapaipamoʼmo haʼye nehiya kavaʼmo afole aiteno ko osigiyanagi.


Goti Aunemeʼamoʼmo afaʼa maisuna kavaʼmo alino lamiʼniyaʼmofeʼmo akame higetao.


Nagaemo Poloʼnaeʼmo Gotiʼa hauʼnigeno lekana paino nateʼnigeʼna Yesu Kalaisi apa vekaʼamo maiʼnove. Efasasi taonifiʼmo maiʼnaya vayaʼmogitapamo Kalaisi Yesupiʼmo maiʼnageʼna aliʼna amufa nelapamugenoʼaeʼmo Gotiʼa lapavaleno alino lapaote lapateʼniya vayaʼamogitaeʼmo mani avoʼmo nekaove.


Nagaemo keʼaepa gemo akame huteʼna nagaiʼni fatago kavaʼnimo aliʼnovanageno atupa afinaʼmo Gotiʼa nagesiyafeʼmo oʼnahauʼniye. Kalaisifekeʼmo nagesamo afiʼna fatago huʼnova kavatetiʼmo Gotitegatiʼmo fatago kavaʼamo aliʼnovanageno Gotiʼa Kalaisipiʼmo nagesiyafeʼmo nahauʼniye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ