Lomu 7:5 - The Keyagana NT and 25 OT books

⁵ Atafa laipamoʼmo yagaino lateʼniya afinaʼmo keʼaepa gemoʼa hosu lahaʼye nehiya kavaʼmo alino afole aino ateʼnigeno lagufafiʼmo aliʼyaʼmo aliʼnigeta hosu alagamo aegekana huta maiʼnetaeʼmo falisuna agufa kavaʼmo huʼnone.

Lomu 7:5 ပူးပေါင်းရင်းမြစ်များ

Matiyu 15:19

Apaipafatiʼmo afole neʼaiya kavaʼmo haneʼniyana hosu apakesa neʼafiya kavaʼmo hanege vayaʼmo nehapaya kavaʼmo hanege kumai kavaʼmo hanege aʼnemo apayate neʼaliya kavaʼmo hanege kumayaʼmo neʼaliya kavaʼmo hanege aigofe gemo nehaya gemo hanege huʼa faipa huʼa neʼapataya gemo hanege huʼniye.

Yoni 3:6

Atafa apaipamo haneʼniya vayaʼmogi atafa apaipaʼe vayaʼmo aliʼa neʼapatae. Goti Aunemeʼamoʼmo saufa apaipaʼe vayaʼmo alino neʼapate.

Lomu 1:26

Ani hosu kavaʼmo huʼnayaʼmofeʼmo Gotiʼa magoʼe huno apatafauno oʼmaiʼnifa afa apakeno apataleʼnigeʼapaeʼmo alagi hosu hapaʼye kavaʼmo huʼnae. Aʼne anagaʼapimogimo vele neʼmaiya kavaʼmo ataleʼa ani kavaʼmo aimuʼyaleʼmo aʼne apafalugiʼeʼmo aeto agufa hosu kavaʼmo huʼnae.

Lomu 3:20

Hapa nepaiyaʼmofeʼmo Gotiʼa muki vayaʼmogimo keʼaepa geʼamo akame nehisaya kavatetiʼmo, naulagaleʼmo fatago vayaʼmo maiʼnae, huno osugiyaʼmonanafa keʼaepa geʼaletiʼmo vayaʼai hosu kavaʼapimo alino apave neliye.

Lomu 4:15

Na kava higenoʼaene. Keʼaepa geʼamo ohaneʼniyesinana keʼaepa geʼamo amagiʼa noʼatalaesine. Hiyaʼmonanafa keʼaepa geʼamo haneʼniyaʼmofeʼmo aipamo leno neʼapateya kayoʼmo apamisiya agufa kavaʼmo alino afole aino neʼate.

Lomu 5:20

Magoʼe gemo haneʼniyana Gotiʼa hosu kavaʼmo magoʼe huno afole aisiyafeʼmo keʼaepa geʼamoʼa hosu kavaʼmo haopaleʼmo alino afole aino ateʼniye. Hosu kavaʼmo magoʼe huno afole aiʼniyaʼmonanafa Gotiʼa hosu kavaʼmo ago afole aitegenoʼaeʼmo fikumo hapa maeno apamiʼniya kavaʼamoʼmo magoʼe huno aeno agaseno havai teteno aino vali lamino asagauno aiʼniye.

Lomu 6:13

Lapakaemo lapakufafi alu ya alu yatapimoʼa hosu kavaʼmo hisayafeʼmo hosu kavaʼmo ayapiʼmo lapakufafi haneʼniya alu ya alu yatapimo oʼamiyo. Lapakaemo faliʼnayatetiʼmo ago he titapa afaʼa maiʼnayaʼmofeʼmo lapakufafi haneʼniya alu ya alu yatapiletiʼmo alagepa kavaʼmo hisayafeʼmo lapakufaʼaʼe muki lapakufafiʼmo haneʼniya yatapiʼeʼmo Gotikeʼmo amiyo.

Lomu 6:19

Alagepa hutapa oʼafisaya agufa vayaʼmo maiʼnayaʼmofeʼmo ma mopafi kavafeʼmo aeʼna kalafefa gemo nehuve. Lapakaemo hogotetapa lapakufafi haneʼniya alu ya alu yaʼatapimo hosu kavaʼmo ayapiʼmo maletetapa kalavusi aliʼyaʼamo neʼaliya vayaʼmo maiʼnetapaeʼmo hosu kavaʼmo huge Goti geʼamo amagitapa atalege hutapa maiʼnaya kava hutapa hemenimo lapakufafi haneʼniya alu ya alu yaʼatapimo alita Goti ayapiʼmo maletetapa fatago kavaʼmo hutapa kalavusi aliʼyaʼamo neʼaliya vayaʼmo maigenoʼao lapaote kavatapimo afole aino.

Lomu 6:21

Lapakaemo hogotetapa huʼnaya kavafeʼmo hemenimo lapavagage nehiya kavatetiʼmo akamelegaʼamo alagepa yaʼmo aliʼnafiye. Haʼao, ani agufa hosu kavatetiʼmo atupa afinaʼmo falisaya kavakeʼmo aligae.

Lomu 6:23

Na kavaʼmo nehagenoʼaene. Hosu kavaʼmo aliʼyaʼamo neʼaliya vayaʼai miyaʼapimo falisaya kavaʼmo haneʼniyaʼmonanafa Gotiʼa fikumo hapa maeno neʼapamiya kavaʼmo alagepa huʼa maige maige huʼa maisaya kavaʼmo haneʼniye. Agaemo Ala kava netimo Yesu Kalaisipiʼmo neʼmaiya vayaʼmo neʼapamiye.

Lomu 7:23

aeto agufa lokiya yaʼmoʼa nagufafiʼmo aliʼyaʼmo neʼaliye. Ani lokiya yaʼmo saufa naipafiʼmo haneʼniya lokiya yateʼmo kame huno neʼate. Kame huno ateteno kalavusi huno neʼnategenoʼaeʼmo hosu kavaʼmo lokiyaʼamoʼmo nagufafi alu ya alu yaʼnileʼmo lokiya vaino yagaino neʼnate.

1 Kolitiyani 15:56

Vayaʼmo nefaliya kavaʼmo hosu kavaʼapilefeʼmo neʼapamagiye. Goti keʼaepa geʼamoʼmo ma kavaʼmo hiyo ina kavaʼmo osiyo, huno huʼniya gemoʼa hosu kavaʼapimo alino lokiya vaino neʼate.

2 Kolitiyani 10:3

Lagaemo ma mopafiʼmo maiʼnetaeʼmo lagufafiʼmo maiʼnonaʼmonanafa ma mopafi vayaʼmogi nehaya agufa kavaʼmo huta lagufaʼaletikeʼmo kamemo nosune.

Galesiya 3:10

Goti Mukufiʼmo avoʼmo kae maleʼniya gemoʼmo hunoʼaeʼmo, Ina lagimo muki afinaʼmo muki keʼaepa geʼamo akame huʼa hano nosisafigeno Gotiʼa lifana huno neʼapate, huno huʼniyaʼmofeʼmo Goti keʼaepa gemo akame nehaya kavaʼapilefeʼmo aliʼa amufa amiʼnaya vayaʼaifeʼmo lifana huno apateʼniye.

Galesiya 5:24

Kalaisi Yesu vayaʼamogimo atafa apaipa apakesagi atafa apaipafatiʼmo hapaʼye nehiya kavanagi huʼa aliʼa malipu yosaleʼmo nili aiteʼa aliʼa he tiʼa ateʼnae.

Efasasi 2:11

Alo huno lapateʼniyaʼmofeʼmo lapakaemo, hogoteta maiʼnona afinaʼmo haiya agufa kavaʼmo huta maiʼnopi, hutapa lapakesamo afita ho hiyo. Itatapimogimo aliʼa lapateʼnagetapaeʼmo Yu nofi vayaʼmo oʼmaiʼnae. Yu vayaʼmogi apayatetiʼmo apakufamo lagauʼnaya vayaʼmogimo lapakaefeʼmo huʼapaeʼmo, Goti keʼaepa geʼamo oʼafiʼnaya vayaʼmogeʼapaeʼmo apakufamo olagauʼnaya vayaʼmo maiʼnae, huʼa nehae.

Efasasi 2:3

Mukiʼamogitamo apakaekana huta maiʼnogeno lagufamoʼe lagesamoʼeʼmo lahaʼye huʼnigetaeʼmo lagufamoʼmo hauʼniya kavaʼmo huge hosu kavafeʼmo lagesamo afita akame huge huʼnone. Itatimogi aliʼa lateʼnagetaeʼmo muki ma mopafi vayakana huta hosu laipamo alita maiʼnonaʼmofeʼmo Gotiʼa aipamo leno nelateyanageno kayoʼmo lamisiya agufa kavaʼmo huta maiʼnone.

Kolosi 3:5

Aligayaʼmofeʼmo ma mopafi haneʼniya lapakufafiʼmo alu ya alu yatapiletiʼmo nehaya kavaʼmo amagita falita ataleyo. Kumai kavanagi oʼaniʼya kavanagi hosu lapaipa nekaliya kavanagi hosu kavafeʼmo lapaka neteya kavanagi ma mopafi yafeʼmo lapaʼye nehiya kavanagi hutapa amagitapa falita ataleyo. Ma mopafi yafeʼmo hapaʼye nehisiya vayaʼmogi aigofe gotitefeʼmo mono nehae.

Taitasi 3:3

Hogoteta apakaekana huta maiʼneta negi kava huta ge oʼafita aigofe gegeʼmo afita maiʼnone. Asole agufa hosu kavatimo haneʼniyana lagufamoʼmo hauʼniya kavatimoʼe hosu lahaʼye nehiya kavaʼmoʼeʼmo yagaino lateʼnigeta alagepa huʼa oʼmaisayafeʼmo lagesamo afiʼnetaeʼmo hosu laipamo kalita apatege laipa kafa hapaege huta maiʼnone. Lagaefeʼmo apaini huʼnagetaeʼmo lagaeʼeʼmo apakaefeʼmo laini huʼnone.

Yemisi 1:15

Aʼnemogi apaipaguʼeʼmo maiteʼa mafaʼnemo aliʼa neʼapataya kava huno apakufamoʼmo hauʼniya kavaʼmoʼa aipaguʼeʼmo maiteno hosu kavaʼmo alino neʼate. Hosu kavaʼmo alino ateʼnigeno ko sino alopa hetenoʼaeʼmo nefaliya kavaʼmo alino afole aino neʼate.

Yemisi 4:1

Kame huge kaveta huge nehaya kavaʼmo aepaʼaeʼmo lapa paigesuve. Lapakufamoʼmo hauʼniya kavatapimoʼa lapakufafiʼmo kamemo nehigenoʼaeʼmo kaveta nehaya kavaʼe kame hutapa neʼapataya kavaʼeʼmo afole aiye.

1 Yoni 3:4

Hosu kavaʼmo nehaya vayaʼmogimo Goti keʼaepa geʼamo ago amagiʼa neʼatalae. Hosu kavaʼmo Goti keʼaepa geʼamo amagiʼa neʼatalaya kavaʼmo haneʼniye.