Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lomu 7:24 - The Keyagana NT and 25 OT books

24 Vaehae, huʼna, lusi kana yaʼmo aliteʼna hosu kavaʼmo huʼna maiʼnove. Hosu kavaʼnimoʼmo nagufaleʼmo yagaino nateʼneno falisuvategamo navalelino visiyafeʼmo nehiyanageno ina laʼmo nagufaʼnimo alino katino nategaiye.

အခန်းကိုကြည့်ပါ။ ကော်ပီ




Lomu 7:24
36 ပူးပေါင်းရင်းမြစ်များ  

Hiyo, huka huʼnana gekaeʼmo naga teʼnigeʼnaeʼmo navayamo aka huneʼna ha ha huʼnove.


Hanageke yaʼmo nagaeteʼmo afole aiʼnigeno nagafu kiʼniyaʼmonanafa hiyo, huka huʼnana gekaeʼmo namogaga neʼauve.


Nagaemo hiyo, huka huʼnana gekaeʼmo nage okaniʼniyaʼmofeʼmo kahauya huka nago. Afela heʼniya sipisipigana huʼna kataleʼna uʼnovanagi aliʼyakamo neʼaluva vekamo kahauya huka nageka navalo.


Muki afinaʼmo alika fako nehana keʼaepa gekamo afisuva nagupi mafaʼnemoʼmo aipamo nekaliyaʼmofeʼmo naipafiʼmo nagafu nekiye.


Kevekaletiʼmo nahaeʼnanageno eno nagufafiʼmo haniʼnigekaeʼmo kayatetiʼmo namagiʼnane.


Yulagefa neʼaugenoʼaeʼmo lusi kava huno alagaʼmo neʼnahae. Muki haniʼilagamo hipaʼnileʼmo havaeʼnogenoʼaeʼmo naunuʼmoʼmo hipaʼnileʼmo uno lamiʼnigenoʼaeʼmo lanitani nehiye.


Kagemi yaʼapimo ohaneʼnisiya vayaʼmogimo agaefeʼmo keya aeʼa ge nehisagenoʼaeʼmo apakufamo alino katino apategaiye. Kafu nehaya vayaʼmo hapa maege hapa noʼmaya vayaʼmo hapa maege hugiye.


Halate alu agesamo afiteno lagaefeʼmo hau ayamopafi hausigeno hosu kavatiʼeʼmo kame huno aeno aga seteno hosu kavatileʼmo yagaino ategaiye. Kagaemo muki hosu kavatimo alika yaga auka atalesanageno solovala aniʼmo afepilagamo lusi vasilonafiʼmo uno lamigiye.


Gotiʼa yulagefa neʼaiya vayaʼai apaipamo alino falu huno apategaiyaʼmofeʼmo Goti aulena vayaʼamo maiʼnae.


Goti fatago kavaʼaeʼmo apaka neteya vayaʼmo apamisigeʼa neʼa apamu hugayaʼmofeʼmo Goti aulena vayaʼamo maiʼnae.


Agaemo kagemi yaʼmo oʼaliʼnisaya vayaʼaifeʼmo alagepa faigoko gemo aeʼna hakalo huʼna hapa paisuvafeʼmo uvelimo ago lakino nateʼniyaʼmofeʼmo Ala kava neʼmo Aunemeʼamo emineno nagaeteʼmo maiʼniye. Agaemo alino nateʼnigeʼna emineʼna hosu kavaʼapieʼmo apaipamo kana nehiya vayaʼaina aliʼna hapageʼna apatege kalavusifi maiʼnaya vayaʼaifeʼmo huʼnaeʼmo, hatu maeʼna lapategauve, huʼna hapa paige apaulagamo ali huʼniya vayaʼaifeʼmo huʼnaeʼmo, agetapa ayakeyo, huʼna hapa paige aliʼa afepi apateteʼa huʼa apami neʼmalaya vayaʼmo hatu maeʼna apatege


Ago afiʼnonana lagufafi hosu kavatimo lokiyaʼamo hano hisigeno hosu kavaʼmoʼa yagaino lateʼnisigeta aliʼyaʼamo magoʼe huta oʼalisunafeʼmo Gotiʼa atafa vekatimo Kalaisiʼeʼmo malipu yosaleʼmo nili aiʼnigeno faliʼniye.


Atafa lapaipamoʼmo hauʼniya kavaʼmo akame nehisayana faligayaʼmonanafa Goti Aunemeʼaletiʼmo lapakufamo hauʼniya kavaʼmo amagita falitapa ataleme ataleme neʼvisayana ofalitapa afaʼa maigae.


Na kava hinagenoʼaeʼmo agoti huno lateteno falisuna agufa kayoʼmo olamigiye. Keʼaepa gemoʼa hosu kavaʼe nefali kavaʼeʼmo alino afole aino neʼateyaʼmonanafa Kalaisi Yesupiʼmo maiʼnonagenoʼaeʼmo Goti Aunemeʼamoʼmo afaʼa maisuna yaʼmo nelamiya Aunemeʼamoʼmo alagepa faigoko geʼaletiʼmo keʼaepa gefatiʼmo ago hatu maeno nateʼniye.


Ani yaʼamogigeʼmo kage kage nosafa lagaemo Gotiʼa lamisiya yapatiʼmo hogoteno Aunemeʼamo ago lamiʼniya vayaʼmogitaʼeʼmo muki yaʼamo lamisiyafeʼmo kage kage nehune. Gotiʼa lagufale nofiʼmo hatu maeno latesigeta alopa mafaʼnegana huta maisunafeʼmo agava maiʼneta kage kage nehune.


Goti Aunemeʼamoʼmo ani kavaʼmo huno lagaemo lokiya oʼvaiʼnona vayaʼmo laha neʼmae. Lagaemo haiya kavafeʼmo nunumuʼmo hisupi huta oʼafiʼnonaʼmonanafa Goti Aunemeʼamoʼmo agaiʼamo laha neʼmaegeta lavayaʼaletikeʼmo ge osuta laipafatiʼeʼmo yulagefa aigekana agufa gemo huta nunumuʼmo nehune.


Kalaisipiʼmo maiʼnagenoʼaeʼmo vayaʼmogi lapakufamo lagauʼa olapateʼnafa Kalaisiʼa lapakufamo lagaugekana huno hosu kavaʼmo nehiya atafa lapaipa lapakesamo alino ataleʼniye.


Inagi Ala kava neʼmoʼa muki hosu kavapatiʼmo nagufamo alino katino nateteno kokuʼnapiʼmo yagaino neʼapateya koteʼmo navalelino uno haino nategaiye. Muki afinaʼmo ha le konali agiʼamo alagi hanege hanege huno haneno. He, lama gemae.


Agaemo muki keʼaepa gemo amagita ataleʼnona kavategatiʼmo miya faino hatu maeno latetenoʼaeʼmo hosu kavatimo aeno kalo paeno lateʼnigeta agaiʼa vayaʼamo maiʼneta layamukiki huta alagepa kavaʼmo huta maisunafeʼmo agaiʼa agufaʼamo ofalinigana huno Gotina amiʼniye.


Alitenoʼaeʼmo nefaliya kavaʼmo afoʼamoʼmo Nevoʼmo aeno agaseno himamuʼamo alino atalesiyafeʼmo faliʼniye. Falisaya kavafeʼmo koli huteʼa kanamo neʼaliya vayaʼmo hatu maeno apatesiyafeʼmo faliʼniye.


Agaemo apaulagafatiʼmo apaunumo alagi alino laneno atalegaiye. Muki vayaʼamo halate magoʼe huʼa ofalige magoʼe huʼa yulagefa oʼaige magoʼe huʼa aviʼyaʼmo osuge magoʼe huno apakafu okige hugiye. Muki kavaʼamo atafa kavaʼmogeno alagi hano huʼniye, huno huʼnigeʼna afiʼnove.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ