Lomu 7:15 - The Keyagana NT and 25 OT books

¹⁵ Nehuva kavafeʼmo oʼnahauʼniye. Nahauʼniya kavaʼmo nosufa alagi naini huʼnova kavaʼmo nehuve.

Lomu 7:15 ပူးပေါင်းရင်းမြစ်များ

Samu 1:6

Ala kava neʼmoʼa fatago vayaʼmogimo nehaya kavaʼapieʼmo apakeno amuse nehiyaʼmonanafa agaefeʼmo mono nosaya vayaʼai aliʼyaʼapimo alino hano huno atalesigeʼa alagi afela hegae.

Samu 101:3

Nagaemo hosu kavaʼmo hisuvafeʼmo nagesamo oʼafiguve. Alagepa kaʼmo ataleʼa neʼvaya vayaʼai kavaʼapieʼmo naini huʼnovanageno ani agufa hosu kavaʼapimoʼa nagaeteʼmo aino okamaegaiye.

Samu 119:104

Namiʼnana keʼaepa gemoʼmo gemo aepaʼamo neʼafuva kavaʼmo alino namiʼniyaʼmofeʼmo muki aigofe gelefeʼmo naini huʼnove.

Samu 119:113

Nagaemo lole apakesamo neʼafiya vayaʼaifeʼmo naini nehuvaʼmonanafa keʼaepa gekaeʼmo nahau nayamopafiʼmo nahauʼniye.

Samu 119:128

Gekamo aeʼa ati kaeʼnayaʼmofeʼmo muki kavatefeʼmo namiʼnana keʼaepa gekaeʼmo, fatago gemo haneʼniye, huʼna nagesamo afiteʼna aigofe kavatefeʼmo naini nehuve.

Samu 119:163

Aigofe gelefeʼmo naini huʼnovaʼmonanafa keʼaepa gekaeʼmo nahau nayamopafiʼmo nahauʼniye.

Samu 119:32

Magoʼe huka naipa nagesamo namisanageʼnaeʼmo nagu nagu huʼna gekamo hiyo, huka laha paiʼnana gemo akame huʼna huguve.

Samu 119:40

Namiʼnana gekaeʼmo nahaʼye nehiye. Fatago kavakaletiʼmo alika he tika nato.

Samu 19:12

Muki vayaʼmogimo muki hosu kavaʼapifatiʼmo faiʼa kasalo nepaya kavaʼapimo alagepa huʼa afaʼa oʼagegae. Ala kava nene, huʼna, hosu kavaʼmo haneʼniye, huʼna oʼageʼna huʼnova hosu kavaʼnimo aeka kalo paeka atalo.

Samu 36:4

Hipaʼapileʼmo havaeʼa maiʼneʼapaeʼmo hosu kavaʼmo hisayafekeʼmo apakesamo neʼafiye. Muki nehaya kavaʼapimo hosu kavaʼageʼmo haneʼnigeʼapaeʼmo muki hosu kavaʼapieʼmo, haʼao, alagi oʼnahaiye, huʼa nosae.

Samu 65:3

Hosu kavaʼmoʼmo aeno neʼnagase. Hosu kavatilefeʼmo kagaemo aeka kalo paeka atalegane.

Samu 97:10

Ala kava nefeʼmo lapau lapayamopafi lapauʼnisiya vayaʼmogitapae, huʼna, Hosu kavafeʼmo lapaini hino. Agaemo apaote vayaʼamo maige maige huʼa maisayafeʼmo yagaino neʼapate. Agaemo hosu vayaʼai apayapatiʼmo neʼapavale.

Mai'naya kavane 13:5

Fatago vayaʼmogimo aigofe geeʼmo nohapaiyaʼmonanafa hosu vayaʼmo apavagage hisigeʼa hosu apakiʼapimo aligae.

Mai'naya kavane 8:13

Ala kava nefeʼmo koli nehaya kavaʼmoʼa hosu kavafeʼmo nohapaiya kavaʼmae. Nagaemo ala apaki alisayafe hisaya kavanagi vayaʼmo aliʼa afepi apatesayafe hisaya kavanagi hosu kateʼmo neʼvaya kavanagi aigofe nehaya geʼenagi alagi huno oʼnahaiye.

Neyomi 1:7

Ala kava neʼmoʼa alagi alagepa vekamo maiʼniye. Agaemo vayaʼamo kana yaʼmo neʼaliya afinaʼmo fala nekiya koʼapigana huno maiʼneno alagepa huno yagaino neʼapate. Agaefeʼmo aliʼa amufa neʼamiya vayaʼaifeʼmo, Vayaʼnimo maiʼnae, huno apakeʼniye.

Luki 11:48

Hapaeʼnagetapa kanoluʼapileʼmo konali alita neʼapatayaʼmonanafa lapakaeʼe lapakinago vayaʼeʼmo magoke agufa lapakesamo neʼafiye.

Yoni 15:15

Aliʼyaʼmo afoʼamoʼmo aliʼyaʼamo neʼaliya vayaʼmo muki aliʼyaʼamo alisayafeʼmo aliʼyaʼmo aepaʼamo alino apave noliyaʼmonanafa aliʼyaʼnimo neʼaliya vayaʼageʼmo maiʼnayaʼmofeʼmo hemenimo magoʼe huʼna ge osuguve. Afoʼnimotegatiʼmo muki geʼamo afiʼnova gemo ago lapa paiʼnovaʼmofeʼmo nao vayaʼmo maiʼnae, huʼna nehuve.

Lomu 12:9

Aigofe olahapauno lapaipafatiʼmo lapau lapayamopafiʼmo lahapaino. Hosu kavafeʼmo alagi olahapauʼninagetapa alagepa kavateʼmo atafautapa alagi hutapa maiyo.

Lomu 14:22

Ani kavatefeʼmo lapakesamo afita fatago nehaya kavaʼmo alita lapaipafiʼmo malegeno Goti aulagaleʼmo haneno. Vayaʼmogi nehaya kavafeʼmo lole apakesamo oʼafiʼa, alagepa kavaʼmo nehune, huʼa apakesamo neʼafiya vayaʼmogi apamogaga neʼaiye.

Lomu 7:16

Hosu kavaʼmo nehuʼnaeʼmo oʼnahauʼniyaʼmofeʼmo keʼaepa gemoʼe naipamoʼeʼmo magoke agufa gemo nehaʼae.

Galesiya 5:17

Atafa laipamoʼmo Goti Aunemeʼaeʼmo kame huno neʼategenoʼaeʼmo Goti Aunemeʼamoʼmo atafa laipaʼeʼmo kame huno neʼate. Kame huno neʼateyaʼmofeʼmo lapauʼnisiya kavaʼmo afaʼa osugae.

2 Timoti 2:19

Asagauno aiʼniyaʼmonanafa Goti noʼamo lokiya yafateʼmo faino ateʼniya yafaʼmo afaʼa haneʼniye. Gotiʼa faino ateʼniya yafateʼmo alagena yaʼmo hu maleʼniya yateʼmo haneʼniya gemoʼmo hunoʼaeʼmo, Ala kava neʼmoʼa vayaʼamo apakeʼniye, huno huteno magoʼe gemoʼmo hunoʼaeʼmo, Muki vayaʼamogimo Kalaisi agiʼamo neʼaya vayaʼmogi hosu kavategatiʼmo ataleʼa viyo, huno hu maleʼniye.

Himulu 1:9

Kagaemo alagepa kavafekeʼmo kahauʼnigekaeʼmo gemo amagiʼa neʼatalaya kavafeʼmo kaini huʼnanageno Gotikamoʼmo uvelimo lakino kateʼnigekaeʼmo lusi kava huka kamogaga aiteka kafalukamogimo ago aeka apakaseka maiʼnane, huno huʼniye.

Yemisi 3:2

Mukiʼamogitamo muki kavaʼalefeʼmo uta haita me netalone. Mago vekamoʼmo avayaletiʼmo alagepa geʼageʼmo nehisiyana hosu kavaʼamo alagi ohaneʼniye. Ani agufa gemo nehisiya vekamoʼmo uno haino hapaiʼniya vekamogeno muki agufaʼaleʼmo alagepa huno afaʼa yagaigiye.

Yuti 1:23

Hugayaʼmonanafa alu vayaʼmogi apakufamo alita katita apatetetapaeʼmo koli hiyo. Apakufamoʼmo hauʼniya kavaʼmo nehaya kavaʼmoʼa kukena yaʼapileʼmo oʼaniʼya faigekana agufa kavaʼmo nehiye. Hapa maesayafeʼmo apame oʼalitapa koli huʼnetapaekeʼmo atafatiʼmo atafaeta apateyo.