Lomu 7:11 - The Keyagana NT and 25 OT books

¹¹ Hosu kavaʼmoʼa kaʼmo agetenoʼaeʼmo keʼaepa geletiʼmo humi nateteno namagiʼnigeʼna faliʼnove.

Lomu 7:11 ပူးပေါင်းရင်းမြစ်များ

Aepa Gemae 3:13

Ala kava neʼmo Gotiʼa a kanoeʼmo ge huno afi geʼniye. Na kava higeka ani kava hane, huno ge huno afi geʼnigenoʼaeʼmo, Nagaloʼyavemokeʼmo humi nateʼnigeʼna neʼnove, huno ha paiʼniye.

Omataiya 1:3

Lapakaemo himuʼnamu kavaʼmo hutetapa lapakufamo avalelita haiʼnaya kavatapimoʼmo humi lapateʼniye. Lapakaemo alopa taonitapileʼmo lokiya yafa kegiʼyamoʼmo faino vego huno lapateʼnigetapa anaga ave koteʼmo maiʼnetapa alopa yafa kapiʼmo fala kiʼnayaʼmofeʼmo lapakaemo lapaipafiʼmo hutapaeʼmo, Ina lagimo eʼa hai eʼa lavaleliʼuʼa lamiʼa aliʼa afepiʼmo lategae, hutapa nehae.

Lomu 3:20

Hapa nepaiyaʼmofeʼmo Gotiʼa muki vayaʼmogimo keʼaepa geʼamo akame nehisaya kavatetiʼmo, naulagaleʼmo fatago vayaʼmo maiʼnae, huno osugiyaʼmonanafa keʼaepa geʼaletiʼmo vayaʼai hosu kavaʼapimo alino apave neliye.

Lomu 7:13

Alagepa gemoʼa nagaeteʼmo fali kavaʼmo alino afole aino ateʼnifiye. Haʼao, alagi atalegeno hano hino. Hosu kavaʼmoʼa hosu kavaʼnimo afole aisigeʼna ageʼna aeto hisuvafeʼmo alagepa geʼaletiʼmo naipafiʼmo fali kavaʼnimo alino he tino ateʼniye. Gotiʼa keʼaepa geʼaletiʼmo, hosu kavafeʼmo alagi hosu faipa kavaʼmo haneʼniye, huno alino nave lisiyafeʼmo ani kavaʼmo huʼniye.

Lomu 7:8

Naipafi hosu kavaʼnimoʼa alu hosu kava alu hosu kavafeʼmo nahaʼye nehiya kavaʼnimo alino he tino atesiya kaʼmo ago ageʼniye. Agetenoʼaeʼmo keʼaepa geletiʼmo hosu nahaʼye nehiya kavaʼnimo alino afole aino ateʼniye. Keʼaepa gemo afole oʼaiʼnigenoʼaeʼmo hosu kavaʼnimoʼa faligekana huno haneʼniye.

Efasasi 4:22

Agaemo hunoʼaeʼmo, hogotetapa huʼnaya kavatapilefeʼmo atafa vekatapimo alita ataleyo, huno alino lapaya maleʼniye. Atafa vekatapimoʼa lapaʼye nehiya kavatapiletiʼmo kasalime kasalime uno humi nelapate.

Himulu 3:13

Hosu kavaʼmoʼa humi lapateteno alino lokiya lapaipamo kalino lapategaiyanagi muki afinaʼae afinaʼaeʼmo konagatapieʼmo hutapaeʼmo, atafauta alagi hiyo, hutapa alita lokiya vaita apateyo. Akeyaʼvilagamo Gotiʼa hunoʼaeʼmo, hemenimo afiyo, huno huʼniya gemo hemeni kanatapimo hano osuno afaʼa haneʼniyaʼmofeʼmo hemenigeʼmo konagatapimo alita he titapa apateyo.

Yemisi 1:22

Goti geʼamo fikumo afisayana lapakaitapieʼmo humi lapategayanagi fikumo oʼafitapa alagepa huta afitetapa akame hiyo.

Yemisi 1:26

Mago vekamoʼmo hunoʼaeʼmo, mono vekamo maiʼnove, huno agesamo afiʼnisiyaʼmoʼmo avayaleʼmo alagepa huno oʼyagaino hosu gemo nehisiyana mono nehiya kavaʼamo ina agufa kavaʼmo haneʼniyanageno alagi ha oʼmaegaiye. Agaiʼaeʼmo humi neʼate.