Lomu 6:4 - The Keyagana NT and 25 OT books

⁴ Muki yaʼmo Afoʼamoʼmo ha le konali yaʼaletiʼmo Kalaisiʼa faliʼniyatetiʼmo ago alino he tino ateʼniya kava huta he tita saufa kavaʼmo huta maisunafeʼmo Gotiʼa Kalaisipiʼmo aniʼmo faleno lateʼnigeta agaeʼeʼmo magokepi faliʼnonagenoʼaeʼmo agaeʼeʼmo magokepi kino lateʼniye.

Lomu 6:4 ပူးပေါင်းရင်းမြစ်များ

Yoni 11:40

Yesuʼa hunoʼaeʼmo, kagesamo afika fatago huʼnisanaʼmoʼmo Goti ha le konali yaʼaʼe himamuʼaʼeʼmo agegane, huʼna kaha opaiʼnofiye, huno ha paiʼnigeʼapaeʼmo

Yoni 2:11

Yesuʼa hogote afinaʼmo ani noʼagaya agufa aune kavaʼmo Kena taonifiʼmo huʼniye. Ani taonifiʼmo ha le konali yaʼamo alino apave liʼnigeʼapaeʼmo geʼamo neʼafiya vayaʼmogimo agaefeʼmo apakesamo afiʼa fatago huʼnae.

Apa 2:24

Faliʼnigenoʼaeʼmo Gotiʼa faliʼniya nofipatiʼmo hatu maeno ateteno kanolufatiʼmo ago alino he tino ateʼniye. Faliʼniya kavaʼmoʼa alagi afaʼa atafauno oʼategaiye.

Apa 2:32

Gotiʼa mani vekamo Yesuʼmo ago alino he tino ateʼnigeta ageteta aeta hakalo huta hapa nepauna vayaʼmo maiʼnone.

Lomu 6:19

Alagepa hutapa oʼafisaya agufa vayaʼmo maiʼnayaʼmofeʼmo ma mopafi kavafeʼmo aeʼna kalafefa gemo nehuve. Lapakaemo hogotetapa lapakufafi haneʼniya alu ya alu yaʼatapimo hosu kavaʼmo ayapiʼmo maletetapa kalavusi aliʼyaʼamo neʼaliya vayaʼmo maiʼnetapaeʼmo hosu kavaʼmo huge Goti geʼamo amagitapa atalege hutapa maiʼnaya kava hutapa hemenimo lapakufafi haneʼniya alu ya alu yaʼatapimo alita Goti ayapiʼmo maletetapa fatago kavaʼmo hutapa kalavusi aliʼyaʼamo neʼaliya vayaʼmo maigenoʼao lapaote kavatapimo afole aino.

Lomu 6:3

Kalaisi Yesupiʼmo muki vayaʼamo ago alino aniʼmo faleno lateʼniya vayaʼmogitamo agaeʼeʼmo faliʼnone, hutapa oʼafiʼnafiye.

Lomu 6:8

Kalaisiʼeʼmo faliʼnisunana agaeʼeʼmo afaʼa maigune, huta lagesamo afita fatago nehune.

Lomu 6:9

Ago afiʼnonana Gotiʼa Kalaisiʼmo faliʼniyatetiʼmo ago alino he tino ateʼnigeno afaʼa maiʼniyanageno halate afaʼa ofaligiye. Fali kavaʼmoʼa magoʼe huno yagaino oʼategaiye.

Lomu 7:6

Huʼnonaʼmonanafa hemenimo keʼaepa gemoʼa nofi aeno lateʼniya gelefeʼmo faliʼnonagenoʼaeʼmo Gotiʼa ago hatu maeno lateʼniye. Hemenimo Goti geʼamo akame nehutaeʼmo magoʼe huta atafa gemo avoʼmo kae maleʼniya keʼaepa gemoʼa ma kavaʼmo hiyo ina kavaʼmo osiyo huno huʼniya kateʼmo noʼunaʼmonanafa saufa kaʼmo Goti Aunemeʼamoʼmo valino nelateya katekeʼmo neʼune.

Lomu 8:11

Goti Aunemeʼamoʼmo Yesuʼmo faliʼniyatetiʼmo ago alino he tino ateʼniya vekamo lapaipafiʼmo maiʼnisiyana Kalaisiʼa alino he tino ateʼniya vekamoʼmo ani kava huno lapaipafiʼmo maiʼniya Aunemeʼaletiʼmo falisiya lapakufamo alino he tino lapategaiye.

1 Kolitiyani 6:14

Gotiʼa Ala kava neʼmo alino he tino ateʼniya kava huno himamuʼaletiʼmo lagaeʼeʼmo alino he tino lategaiye.

2 Kolitiyani 13:4

Malipu yosaleʼmo nili aiteʼa aliʼa he tiʼa ateʼnagenoʼaeʼmo lokiyaʼamo ohaneʼniyaʼmonanafa hemenimo Goti himamuʼaletiʼmo afaʼa neʼmaiye. Ani kava huta agaeʼeʼmo magokepi lokaeta maiʼnetaeʼmo lokiyatimo ohaneʼniyaʼmonanafa lagaemo lapakaetegamo utaeʼmo Goti himamuʼaletiʼmo agaeʼeʼmo afaʼa maiʼneta aliʼyaʼamo aligune.

2 Kolitiyani 5:17

Gotiʼa ina lagimo Kalaisipiʼmo maiʼnisafi ago saufa vayaʼmo alo huno apateʼniye. Afiyo, huʼna, atafa kavaʼapimo ago hano huʼnigenoʼaeʼmo muki saufa kavaʼapimo afole aiʼniye.

Efasasi 4:17

Ani kavaʼmo hutapa maiʼnayaʼmofeʼmo nagaemo Ala kava neʼmo agiʼaletiʼmo lokiya gemo huʼna lapa paiʼnaeʼmo, Malaga vayaʼmogi nehaya agufa kavaʼmo hogotetapa huʼnayaʼmonanafa hemenimo magoʼe hutapa osiyo. Fikumo apakesamo neʼafigenoʼaeʼmo apaipa apakesamoʼmo hani huʼnigeno apaipamo lokiya vaiʼniyaʼmofeʼmo noʼagayaʼmofeʼmo Gotiʼa afaʼa maisaya yaʼmo neʼapamiya yaʼmo oʼaliʼa malaga vayaʼmo maiʼnae.

Efasasi 5:8

Hogotetapa hanipiʼmo maiʼnayaʼmonanafa hemenimo Ala kava nepiʼmo maiʼnetapaeʼmo ha le yakana hutapa maiʼnayaʼmofeʼmo ha le mafaʼneʼamogimo hisaya agufa kavaʼmo hiyo.

Kolosi 4:1

Aliʼyaʼmo afoʼamogitapae, huʼna, yagaitapa neʼapataya vayaʼmo maiʼnaya kava huno Ala kava netapimo kokuʼnapiʼmo maiʼniye, huta ago afiʼnayaʼmofeʼmo aliʼyatapimo neʼaliya vayaʼaitegamo fatago kavaʼmo hutapa alagepa yaʼmo apamiyo.

1 Pita 3:21

Apakaemo sipifiʼmo maiʼnagenoʼaeʼmo Gotiʼa anipatiʼmo apakufamo alino katino apateʼniya kavaʼmo aune kavaʼmo huno Gotiʼa aniʼmo faleʼa nelataya kavatetiʼmo lagufamo alino katino nelate. Fikumo aniʼmo faleʼa neʼapataya kavaʼmoʼa amega apakufale oʼaniʼyaʼageʼmo aeno kalo paeno neʼataleyaʼmonanafa Gotiʼa Yesu Kalaisiʼmo alino he tino ateʼniya kavatetiʼmo yuʼilaga mafaʼnetimo alino alagepa huno lateʼniya mafaʼnetifatiʼmo Goti geʼaleʼmo aeta atagaina huta nehune.

1 Yoni 2:6

Agaepiʼmo alagi maiʼnone, huʼa nehisaya vayaʼmogimo Yesuʼa huʼniya kavaʼmo akame huʼa hugae.