Lomu 6:3 - The Keyagana NT and 25 OT books

³ Kalaisi Yesupiʼmo muki vayaʼamo ago alino aniʼmo faleno lateʼniya vayaʼmogitamo agaeʼeʼmo faliʼnone, hutapa oʼafiʼnafiye.

Lomu 6:3 ပူးပေါင်းရင်းမြစ်များ

Matiyu 28:19

Namiʼniyaʼmofeʼmo uta muki alu nofi alu nofi vayaʼmo alita apaya malegeʼapao geʼnimo afisaya vayaʼmo hamaleyo. Hamalesagetapaeʼmo Afoʼnimo agiʼaletinagi mafaʼneʼamoʼna nagiʼniletinagi aote Aunemeʼamo agiʼaletinagi hutapa aniʼmo faleta apateyo.

Apa 19:5

Ani gemo afiʼnagenoʼaeʼmo Ala kava neʼmo Yesu agiʼaletiʼmo aniʼmo faleno apateʼniye.

Apa 2:38

Pitaʼa hunoʼaeʼmo, Lapaipamo alita afe letetapa Yesu agiʼaletiʼmo aniʼmo falegenoʼao Gotiʼa hosu kavatapimo alino ataleteno Aunemeʼamo fikumo lapamaeno lapamino.

Apa 8:16

Ala kava neʼmo Yesu agiʼalefeʼmo aniʼmo faleʼa apateʼnayaʼmonanafa Goti Aunemeʼamo oʼaliʼnae.

Lomu 6:16

Lapakaemo ago afiʼnayana mago vekaeʼmo hutapaeʼmo, aliʼyakamo aligune, hutapa huʼnisayana ani vekamo kalavusi aliʼyaʼamo neʼaliya vayaʼmo maiʼnae, hutapa afiʼnae. Lapakaemo hosu kavaʼmo kalavusi aliʼyaʼamo neʼaliya vayaʼmo maiʼnisayana faligae. Goti kalavusifiʼmo geʼamo akame hutapa kalavusi aliʼyaʼamo neʼaliya vayaʼmo maiʼnisayana lapaipafatiʼmo fatago kavaʼmo afole aigiye.

Lomu 6:8

Kalaisiʼeʼmo faliʼnisunana agaeʼeʼmo afaʼa maigune, huta lagesamo afita fatago nehune.

Lomu 7:1

Konagaʼnimogitapae, huʼna, lapakaemo keʼaepa gemo ago afiʼnayaʼmofeʼmo hisuva gemo afaʼa afigae. Lapakaemo ago afiʼnayana keʼaepa gemoʼmo ofaliʼa afaʼa neʼmaiya afinaʼmo muki vayaʼaiteʼmo yagaino neʼapate.

1 Kolitiyani 10:2

Gotiʼa hiyapiʼe anipiʼeʼmo Mosesetefeʼmo faleno apateʼnigeʼapaeʼmo Moseseʼa akame huʼa uʼnae.

1 Kolitiyani 12:13

Ani kavatefeʼmo Kalaisiʼa mukiʼamogitamo Aunemeʼaletiʼmo agufafiʼmo faleno lateʼnigeta magoke agufaʼamo maiʼnone. Ani kavaʼmo huno Aunemeʼamo lamiʼnigeta aniʼmo negekana huta neteta aliʼnone. Mukiʼamogitamo Yu vayanagi Yu nofi vayapatiʼmo oʼmaiʼnaya vayanagi kalavusifi maiʼneʼa afa aliʼyaʼmo neʼaliya vayanagi afaʼa neʼmaiya vayaʼmogi huta magoke Kalaisi agufaʼamo maiʼnone.

1 Kolitiyani 15:29

Mago vayaʼmo ago faliʼnaya vayaʼai apaimuʼyaleʼmo eʼa aniʼmo nefalae. Faliʼnaya vayaʼmo he otigaesinana na agufa kavatefeʼmo apamagiʼnaya vayaʼai apaimuʼyaleʼmo eʼa aniʼmo nefalae.

1 Kolitiyani 3:16

Lapakaemo magokepi lokaeta maiʼnetapaeʼmo Goti mono noʼamo maiʼnageno Goti Aunemeʼamoʼmo lapakaepiʼmo maiʼniye, hutapa oʼafiʼnafiye.

1 Kolitiyani 5:6

Lapakitapileʼmo alita asaga hutapa nelapataya kavaʼmo alagi alagepa kavaʼmo nosae. Peleti maya falaovafiʼmo aise yaʼatomo aliʼa ateʼnageno uneno huno muki falaovamo alino ko sino neʼate, hutapa oʼafiʼnafiye.

1 Kolitiyani 6:19

Lapakufamo aote Aunemeʼamo mono noʼamo haneʼniye, hutapa oʼafiʼnafiye. Gotiʼa Aunemeʼamo ago lapamiʼnigeno lapaipafiʼmo neʼmaiye. Lapakaemo lapakaitapi vayaʼmo oʼmaiʼnafa Yesu Kalaisiʼa lapakaemo ago miya faiʼniyaʼmofeʼmo lapaunelapamepatiʼe lapakufaletiʼeʼmo Goti agiʼalekeʼmo alita asaga hutapa ateyo.

1 Kolitiyani 6:9

Hosu kavaʼmo nehaya vayaʼmogimo Gotiʼa yagaino neʼapateya koteʼmo uʼa haiʼa oʼmaigae, hutapa oʼafiʼnafiye. Lapakaitapieʼmo humi olapateyo. Kumai kavaʼmo nehaya vayaʼmofi aigofe gotiʼapimogi apakame nehaya vayaʼmofi alu vayaʼai aʼnemo apayate neʼaliya vayaʼmofi vemogi aʼnegana huʼa kumai kavaʼmo nehaya vayaʼmofi negafo negafo huteʼa magokepi lokaeʼa neʼmaiya kavaʼmoʼa kumai kavakana agufa kavaʼmo nehaya vayaʼmofi

1 Kolitiyani 9:13

Yu vayaʼai alopa mono nopiʼmo aliʼyaʼmo neʼaliʼapaeʼmo mono nopatiʼmo neʼyaʼapimo neʼaliye, hutapa oʼafiʼnafiye. Ofalinimo neʼmalaya hiʼyalamuteʼmo aliʼyaʼmo neʼaliya vayaʼmogimo hiʼyalamutetiʼmo ameʼamo aliʼa neʼnae, hutapa oʼafiʼnafiye.

1 Kolitiyani 9:24

Asole vayaʼmogimo nagu nagu huʼa yokalomo nelayaʼmonanafa magoke vayaʼmogigeʼmo aeʼa apakaseteʼa maleʼnaya yaʼmo neʼaliye. Ani kava hutapa aeta agasetapa hetamatapimo alisayafeʼmo nagu nagu hiyo.

2 Kolitiyani 13:5

Lapaipa lapakesafiʼmo alita fako hutapa lapaketapaeʼmo, Kalisitini vayaʼmo maiʼneta lagesamo afita fatago huʼnopi osuʼnopi, hutapa lapamalageka hutapa lapakeyo. Lapakaitapimo lapamete lapamete hutapa alita fako hutapa lapakeyo. Yesu Kalaisiʼa laipafiʼmo neʼmaiye, hutapa oʼageʼnafiye. Lapaipafiʼmo oʼmaiʼnisiyana uta haitapa ohapaiʼnafa uta haita metaleʼnae.

Galesiya 3:27

Aniʼmo faleʼa neʼapataya kava huno Kalaisipiʼmo faleno lapateʼnigetapa Kalaisiʼa kukenamo vaigekana hutapa alita vaitetapa maiʼnae.

Yemisi 4:4

Veyalave kotalakemo amagitapa ataleʼnaya ve aʼnemogitapae, huʼna, ma mopafi vayaʼe kavaʼeʼmo aliʼa apao yaʼmo nehisaya vayaʼmogi Gotiʼmo kame huʼa neʼatae, hutapa oʼafiʼnafiye. Haiya vekamoʼmo ma mopafi kavaʼmo ao vekamo maisiyafeʼmo hauʼnifi agaiʼamo Goti kameʼamo hamaleʼniye.

1 Pita 3:21

Apakaemo sipifiʼmo maiʼnagenoʼaeʼmo Gotiʼa anipatiʼmo apakufamo alino katino apateʼniya kavaʼmo aune kavaʼmo huno Gotiʼa aniʼmo faleʼa nelataya kavatetiʼmo lagufamo alino katino nelate. Fikumo aniʼmo faleʼa neʼapataya kavaʼmoʼa amega apakufale oʼaniʼyaʼageʼmo aeno kalo paeno neʼataleyaʼmonanafa Gotiʼa Yesu Kalaisiʼmo alino he tino ateʼniya kavatetiʼmo yuʼilaga mafaʼnetimo alino alagepa huno lateʼniya mafaʼnetifatiʼmo Goti geʼaleʼmo aeta atagaina huta nehune.