Lomu 6:22 - The Keyagana NT and 25 OT books

²² Aligayaʼmonanafa Gotiʼa hosu kavapatiʼmo ago hatu maeno lapateʼnigetapa Goti kalavusi aliʼyaʼamo neʼaliya vayaʼmo hamaleʼnayaʼmofeʼmo hemenimo lapaipafatiʼmo alagepa alagamo neʼaegetapaeʼmo lapaote vayaʼmo hamaleme hamaleme neʼvayanagetapa atupa afinaʼmo alagepa hutapa maige maige huta maigae.

Lomu 6:22 ပူးပေါင်းရင်းမြစ်များ

Aepa Gemae 50:17

Lapakaemo Yosefefeʼmo ina ge hutapa ha paiyo. Kahaoke hovanagi, nepukamogi hosu kavaʼapimo afaʼa alika atalo. Apakaemo kagaetegamo hosu kavaʼmo huʼnayaʼmofeʼmae, huno laha paiʼniye. Hemenimo kahaoke honanagi afokamo Gotiʼamo aliʼyaʼamo neʼaluna vayaʼmogita hosu kavatimo afaʼa alika atalo, huʼa huʼnaya gemo Yosefeʼa afitenoʼaeʼmo aviʼyaʼmo huʼniye.

Samu 143:12

Nagaemo aliʼyakamo neʼaluva vekamo maiʼnovaʼmofeʼmo muki afinaʼmo kahau kayamopafiʼmo kahaume kahaume neʼviya kavatetiʼmo kame vayaʼnimo kamitimo apamagige nagupi mafaʼnemo aliʼa hosu huʼa neʼataya vayaʼmo apamagige huvo.

Samu 92:14

Apakaemo kosuna lege anekalo lege huteʼa maiʼneʼapaeʼmo alagamo aeʼnaya kava huʼa alagamo neʼae. Apakaemo muki afinaʼae afinaʼaeʼmo lokiyaʼapimo haneʼnigeno haitaʼamoʼmo hegafa talili huno haneme hamene neʼviye.

Aiyeya 54:17

Nehayaʼmonanafa kame nehaya yaʼmo alo huʼnaya yaʼmo aliʼa kame huʼa aeʼa lapaka osegae. Vayaʼmogimo alu ge alu gemo huteʼa aliʼa kagaepiʼmo faiʼa katege katege huʼa maisaya vayaʼmogi geʼapileʼmo afaʼa aeka atagaina huka ge hugane. Aliʼyaʼnimo neʼaliya vayaʼmogimo ani hetamaʼapimo alige fatago kavaʼapimo nagaetegatiʼmo alige hugae, huno Ala kava neʼmoʼa huʼniye.

Neniyo 3:26

Inagi Nepukanesaʼmo sitopuʼmo kipa haopaletiʼmo uno ina ge huno huʼniye. Satalakigagi Misakigagi Ameʼnagogagi hutapa lapakaemo alagi anaga Goti aliʼyaʼamo neʼaliya vayanagi emiteyo. Inagi apakaemo atafatiʼmo ataleʼa emiʼeʼnae.

Neniyo 6:20

Agaemo uno kelileʼmo avaʼyi nehunoʼaeʼmo hausoli huʼnigeno ge hunoʼaeʼmo, Neniyo, huno, muki afinaʼmo neʼmaiya Goti aliʼyaʼamo neʼalina vekamogae, Gotikamoʼmo laiyoni anagaʼmogi apavayafatiʼmo kagufamo ago alino katino kateʼnifiye, huno huʼnigeno

Napa 23:10

Yekopu nofi vayaʼmo asole vayaʼmo mumusopagana huʼa maiʼnayanagi ina laʼmo apakaemo afaʼa lekana paigiye. Ina laʼmo magokayaga vayaʼamo lekana paigiye. Fatago vayaʼmo alagepa huʼa nefaliya kava huʼna natesanageʼna faligesuve. Kaʼapimo atupaleʼmo alagepa huʼa uʼa avaʼyi nehayanageʼna kaʼnimo atupaleʼmo alagepa huʼna uʼna avaʼyi hugesuve.

Matiyu 13:40

Inoʼmo aliʼa atafiʼmo kaeʼnaya kava huno hano hisiya afinaʼmo

Matiyu 13:43

Ani afinaʼmo afole aisigeʼapaeʼmo fatago vayaʼmo Afoʼapimoʼmo yagaino neʼapateya koteʼmo yegegana huʼa aeʼa ha leʼa maigae. Lapakesa haneʼnisiyana mani gemo afiyo, huno hapa paiʼniye.

Matiyu 19:29

Muki vayaʼmogimo nagaetefeʼmo noʼapimo ataleʼa eʼnisafi konagaʼapimogi apataleʼa eʼnisafi apasaʼapimogi apataleʼa eʼnisafi afoʼapimogi apataleʼa eʼnisafi itaʼapimogi apataleʼa eʼnisafi mafaʼneʼapimo apataleʼa eʼnisafi hoyaʼapimo ataleʼa eʼnisafi huʼnisaya vayaʼmogimo vani hataletiʼa agufa yaʼmo aliteʼa alagepa huʼa maige maige huʼa maigae.

Matiyu 25:46

He, agaemo kayotetiʼmo apamagime apamagime uno apamagino hano osugiyaʼmonanafa fatago vayaʼmo alagepa huʼa maige maige huʼa maigae, huno hapa paiʼniye.

Yoni 15:16

Lapakaemo lekana paitapa oʼnateʼnafa nagaekeʼmo lekana paiʼna lapateʼnovanagetapa alagamo hanege hanege huno hanesiya alagamo aesayafeʼmo lekana paiʼna lapateʼnove. Afoʼnimofeʼmo nagiʼniletiʼmo muki kavafeʼmo ge hutapa afi gesayana afaʼa lapamigiye.

Yoni 15:2

Agaemo nagaepatiʼmo aeʼniya nofi akopamoʼmo alagamo noʼaeya nofi akopamo hatagauno alino alagepa nehiye. Ani agufa kavakeʼmo huno alagamo neʼaeya nofi akopafatiʼmo magoʼe huno alagamo aesiyafeʼmo hatagauno alino alagepa nehiye.

Yoni 4:36

Hoyafatiʼmo neʼyaʼmo neʼaliya vayaʼmogimo miyaʼapimo alige maige maige huʼa maisayafeʼmo neʼyaʼmo alige nehae. Neʼyaʼmo neʼaliyaʼmofeʼmo avina yaʼmo nehakalaya vayaʼe neʼyaʼmo neʼaliya vayaʼeʼmo magokepi apamogaga aigae.

Yoni 8:32

Lama geʼamo afitapa aeto hisageno lama geʼaletiʼmo hatu maeno lapatesigetapa afa vayaʼmo maigae, huno hapa paiʼniye.

Lomu 6:14

Na kava hinagetapaene. Lapakaemo keʼaepa gemo aiyafiʼmo oʼmaiʼnafa Gotiʼa fikumo lapa maeno nelapamiya kavaʼmo aiyafiʼmo neʼmaiyaʼmofeʼmo hosu kavaʼmoʼa yagaino olapategaiye.

Lomu 6:18

Gotiʼa hosu kavategatiʼmo ago hatu maeno lapateʼnigetapa alagepa kavaʼamo aliʼyaʼamo neʼaliya vayaʼmo hamaleʼnae.

Lomu 6:21

Lapakaemo hogotetapa huʼnaya kavafeʼmo hemenimo lapavagage nehiya kavatetiʼmo akamelegaʼamo alagepa yaʼmo aliʼnafiye. Haʼao, ani agufa hosu kavatetiʼmo atupa afinaʼmo falisaya kavakeʼmo aligae.

Lomu 7:25

Gotiʼa Ala kava netimo Yesu Kalaisitetiʼmo nagufaʼnimo afaʼa alino katino nategaiye. Agaefekeʼmo hao ke nehove. Ani kavaʼmo huʼna maiʼneʼnaeʼmo saufa naipafatiʼmo Goti keʼaepa geʼamo akame nehuvaʼmonanafa atafa naipafatiʼmo hosu kavaʼnimo lokiyaʼamo akame nehuve.

Lomu 7:4

Konagaʼnimogitapae, huʼna, mani gemo lapakaefekeʼmo nehuve. Lapakaemo alu vekaleʼmo maisayafeʼmo Kalaisi agufaʼaletiʼmo keʼaepa geʼalefeʼmo ago faliʼnae. Kanolufatiʼmo ago alino he tino ateʼniya vekaleʼmo maiʼnetapa Gotitegamo alagamo aegekana hutapa alagepa kavaʼmo hisayafeʼmae.

Lomu 8:2

Na kava hinagenoʼaeʼmo agoti huno lateteno falisuna agufa kayoʼmo olamigiye. Keʼaepa gemoʼa hosu kavaʼe nefali kavaʼeʼmo alino afole aino neʼateyaʼmonanafa Kalaisi Yesupiʼmo maiʼnonagenoʼaeʼmo Goti Aunemeʼamoʼmo afaʼa maisuna yaʼmo nelamiya Aunemeʼamoʼmo alagepa faigoko geʼaletiʼmo keʼaepa gefatiʼmo ago hatu maeno nateʼniye.

1 Kolitiyani 7:22

Ala kava neʼmo kalavusifiʼmo maiʼneʼa aliʼyaʼmo neʼaliya vayaʼaifeʼmo keya aeno ge huteno apakupi mafaʼnemo hatu maeno apateʼnigeʼa Ala kava neʼmo afa vayaʼamo maiʼnae. Kalaisiʼa afaʼa maiʼnaya vayaʼaifeʼmo keya aeno ge huteno nofi aeno apateʼnigeʼa nofiteʼmo maiʼneʼa aliʼyaʼamo neʼaliya vayaʼmo maiʼnae.

2 Kolitiyani 3:17

Ala kava neʼmo Aunemeʼamo maiʼniyaʼmofeʼmo apaipafiʼmo aliʼyaʼmo neʼaliya vayaʼmogimo kalavusifiʼmo oʼmaiʼnafa afaʼa maiʼnae.

Galesiya 1:10

Nagaemo vayaʼmogi amuse huʼa natesayafeʼmo nahaʼye nehigeʼna kahauya nehufiye. Haʼao, Gotikeʼmo amuse huno natesiyafeʼmo nahaʼye nehigeʼna kahauya nehuve. Hogoteʼna vayaʼaifeʼmo nagesamo afiʼnovaʼmonanafa hemenimo amuse huʼa natesayafeʼmo nahaʼye nehisigeʼna kahauya nehuvesinana Kalaisi aliʼyaʼamo oʼaliʼnovesine.

Galesiya 5:13

Konagaʼnimogitapae, huʼna, kalavusifiʼmo oʼmaitapa afaʼa maisayafeʼmo Gotiʼa lapakaefeʼmo ge huʼniye. Afaʼa maiʼnayaʼmonanafa fiku yanagetapa ani kavatetiʼmo lapakufamoʼmo hauʼniya kavaʼmo hisaya kaʼmo valitapa ategae. Valitapa oʼatetapa konagatapieʼmo lapau lapayamopafiʼmo lapauʼninagetapa hapa maeyo.

Galesiya 5:22

Mani hosu kavaʼmo haneʼniyaʼmonanafa Goti Aunemeʼamoʼmo apaipafiʼmo alagagana huno alagepa kavaʼmo alino afole aino neʼate. Ani alagepa kavaʼmo haneʼniyana hapau apayamopafiʼmo hapauge apamogaga aige magoke apaipa apakesamo alige hosu kavaʼmo halate aeʼa atagaina huʼa osuʼa afaʼa maige yuna apaipa kaliteʼa hapa maege muki afinaʼmo oʼataleʼa alagepa kavaʼmo huge

Efasasi 5:9

Goti Aunemeʼamoʼmo alagamo neʼaesigetapaeʼmo alagepa kavaʼmo huge fatago kavaʼmo huge lama ge kavaʼmo huge hutapa maigae.

Filipai 4:17

Nagaemo mago yaʼmo fikumo alisuvafeʼmo nagesamo noʼafufa lapakaekeʼmo akamelegati magoʼe yaʼmo alisayafeʼmo nagesamo neʼafuve.

Kolosi 1:10

Gotiʼa ani kavaʼmo hisigeta ala agiʼamo amisaya kavaʼmo hutapa maisageno alagepa kavaʼmoʼa lapaipafatiʼmo alagagana huno afole aisigetapa Gotiʼmo magoʼe magoʼe hutapa agesaya kavaʼmo hutapa maisayafeʼmo nunumuʼmo nehune.

Kolosi 4:12

Epafalasiʼa lapakaepati vekamoʼmo Kalaisi aliʼyaʼmo neʼaliya vekamoʼmo ge lapamamaeʼniye. Lapakaemo alopa Kalisitini vayaʼmo hamaletetapa oʼataleta lokiya vaita maiʼnetapa Gotiʼa hauʼniya kavaʼmo agetetapa akame hisayafeʼmo lusi kava huno nunumuʼmo huno nelapate.

Taitasi 1:1

Nagaemo Poloʼnamo Goti kalavusifiʼmo maiʼneʼnaeʼmo aliʼyaʼamo alige Yesu Kalaisi apa vekaʼamo maige huʼneʼnaeʼmo mani gemo avoʼmo nekaove. Gotiʼa lekana paino apateʼniya vayaʼmogi apakesamo afiʼa fatago huge lama gemo alagepa huʼa afiʼneʼa Gotifekeʼmo alagepa huʼa mono huge hisayafeʼmo nagaemo aliʼyaʼmo neʼaluve.

Himulu 12:14

Lapakaemo muki vayaʼeʼmo alagepa hutapa magokepi lokaeta maiʼnetapa aote kavaʼmo alisayafeʼmo nagu nagu hutapa vegala aeyo. Aote kavaʼmo oʼaliʼnisaya vayaʼmogimo Ala kava neʼmo oʼagegayaʼmofeʼmae.

Yemisi 1:1

Nagaemo Yemisiʼnamo Gotiʼe Ala kava neʼmo Yesu Kalaisiʼeʼmo aliʼyaʼanimo neʼaluve. Nagaemo tuolofuʼa Yu nofi vayaʼmo kotapimo ataletapa atagu faetapa uteta huʼnaya vayaʼmogitapaeʼmo ge lapamamaeʼna mani gemo avoʼmo nekaove.

1 Pita 1:9

Lapakesamo afita fatago nehaya kavaʼmoʼa alagamo aeʼnigeno Gotiʼa lapakupi mafaʼnemo alino katino lapateʼniye.

1 Pita 2:16

Lapakaemo keʼaepa gemo afeʼalumelaga oʼmaita afa vayaʼmo maiʼnayaʼmofeʼmo hosu kavaʼmo hisaya vayaʼmo oʼmaitapa Goti aliʼyaʼamo neʼaliya vayaʼageʼmo maiyo.

Leveleseni 7:13

Mago vayatama vekamoʼmo, Yatala yaveyaveʼage kukenamo vaiʼa aliʼnaya vayaʼmo ina lagimae. Ani vayaʼmo haiyategatiʼmo eʼnae, huno nafi geʼnigeʼnaeʼmo,