Lomu 6:17 - The Keyagana NT and 25 OT books

¹⁷ Hogoteno hosu kavaʼmoʼa yagaino lapateʼnigetapa kalavusi aliʼyaʼamo neʼaliya vayaʼmo maiʼnayaʼmonanafa Gotiʼa lapavalelino eno geʼamo aiyafiʼmo lapateʼnigetapa lapaipafatiʼmo geʼamo akame nehayaʼmofeʼmo Gotifeʼmo hao ke hegetao.

Lomu 6:17 ပူးပေါင်းရင်းမြစ်များ

Esala 7:27

Esalaʼmo ani avoʼmo lekana paino afitenoʼaeʼmo Goti aulena agiʼamo amiʼniye. Agaemo hunoʼaeʼmo, Laginago vayaʼmogi Gotiʼapimoʼmo Ala kava nefeʼmo namogaga aiʼna haoke nehove. Agaemo Ala kava neʼmo Yulusalemu taonifiʼmo mono noʼaleʼmo alagepa kavaʼmo hisiyafeʼmo Gotiʼa kini vekamo aipafiʼmo alagepa kavaʼmo maleʼniye.

Samu 18:44

Alu nofi vayaʼmogimo nava gemo afiteʼapaeʼmo malage huʼa geʼnimo akame huʼnae.

Apa 11:18

Ani gemo afiteʼapaeʼmo mago gemo osuʼa Goti agiʼalekeʼmo aliʼa asaga huteʼapaeʼmo, Gotiʼa alu nofi vayaʼmo ofaliʼa afaʼa maisayafeʼmo apaipamo aliʼa afe lesaya kavaʼmo alino apamiʼniyanageʼa afaʼa maigae, huʼa huʼnae.

Apa 28:15

Lava gemo huʼnaya gemo Lomu taonifi konagatimogimo afiteʼapaeʼmo Apiyasi maketi kumateʼmo neʼageta fotu hutetaeʼmo lavaleʼnageta magokepi neʼunageʼapaeʼmo nata vayaʼai noʼmo loleʼe magoʼe noʼmo haneʼniya yateʼmo magoʼe huʼa Lomu taonifi konagatimogimo neʼageta fotu huteta Poloʼa apaketenoʼaeʼmo Gotifeʼmo hao ke heteno aipamo alino lokiya vaino ateʼniye.

Lomu 1:5

Gotiʼa agaetetiʼmo fikumo naha maeno namiteno Kalaisi agiʼalefeʼmo apa aliʼyaʼamo alisuvafeʼmo navaleno nateʼniye. Gotiʼa muki nofi vayaʼaifeʼmo akame hiyo, huno huʼniya geʼamo akame huʼa apakesamo afiʼa fatago hisayafeʼmo apa aliʼyaʼamo alisuvafeʼmo navaleno nateʼniye.

Lomu 1:8

Muki ma mopafi vayaʼmogimo lapakesamo afita fatago nehaya kavafeʼmo lapava gemo nehayaʼmofeʼmo hogoteʼna ani kavatefeʼmo Gotifeʼmo Yesu Kalaisitetiʼmo hao ke nehove.

Lomu 15:18

Kalaisiʼa lokiya vaino nateʼnigeʼna alu nofi vayaʼmogi Goti geʼamo afiteʼa akame hisayafeʼmo ge huge lokiya kavaʼmo huge nehuʼnaeʼmo aiʼna apavayu huliʼna neʼova kavafekeʼmo ava gemo huʼna lapa paiguve.

Lomu 16:26

hemenimo Gotitegati gemo alini eʼa aeʼa hakalo huʼa hapa nepaiya vayaʼmogimo avoʼmo kae maleʼnaya gemo alagepa faigoko geʼamo ha le yategamo ago afole aiʼniye. Maige maige huno neʼmaiya Gotiʼa, alita aeta hakalo hiyo, huno huʼnigeʼa muki nofi vayaʼmogi apakesamo afiʼa fatago hisaya gemo akame hisayafeʼmo aeʼa hakalo huʼa hapa paiʼnae.

Lomu 2:8

Apamigiyaʼmonanafa Gotifeʼmo kame huʼa ateteʼa lama geʼamo akame osuʼa hosu kavaʼmo akame nehaya vayaʼaifeʼmo aipamo leno neʼapateya kayoʼmo apamisigeʼa lusi kana yaʼmo alisageno apakafu kigiye. Ani agufa kavaʼmo muki hosu kavaʼmo nehisaya vayaʼaiteʼmo afole aigiye. Hogoteno Yu vayaʼaiteʼmo afole aiteno Yu nofi vayapatiʼmo oʼmaiʼnaya vayaʼaiteʼmo afole aigiye.

1 Kolitiyani 1:4

Gotiʼa Kalaisi Yesutetiʼmo fikumo lahapa maeno lapamiʼniya kavatefeʼmo muki afinaʼmo Gotiʼnimofeʼmo hao ke nehove.

1 Kolitiyani 14:6

Konagaʼnimogitapae, huʼna, Nagaemo lapakaetegamo uʼna avaʼyi huteʼnaeʼmo alu nage alu nagemo aisuvana haiya kava huʼna lapa maegauve. Lapa oʼmaegauvaʼmonanafa Gotiʼa alino nave liʼniya gemo lapa paisufi afisaya agufa gemo huʼna lapa paisufi Gotitegatiʼmo geʼamo aliʼna aeʼna hakalo huʼna lapa paisufi aliʼna lapaya malesufi huʼnisuvana lapa oʼmaegauve.

2 Kolitiyani 2:14

Vaehae, huʼna, Gotifeʼmo hao ke heʼnove. Gotiʼa muki afinaʼmo alagepa huno laha neʼmaegeta Kalaisipiʼmo maiʼnetaeʼmo kame vayatimo aeta apakaseta neʼune. Neʼunagenoʼaeʼmo Kalaisifeʼmo ava gemo afiʼa aeto hisaya faigoko geʼamo alagepa atumo aigekana huno muki kotegamo aino atagu faenuneno nehiye.

Efasasi 1:16

Gotifekeʼmo hao ke heʼna lapateteʼnaeʼmo muki afinaʼmo oʼataleʼna nunumuʼmo huʼna nelapatove.

1 Tesaloniyani 3:9

Goti aulagaleʼmo lamogaga aige aige huta maiʼnetaeʼmo lapakaetefeʼmo lamogaga neʼauna kavatefeʼmo alagepa huta Gotifeʼmo afaʼa hao ke oseta uta haita ohapaigune.

2 Tesaloniyani 1:3

Konagatimogitapae, huta, lapakesamo afita fatago nehaya kavaʼmoʼa ko sino alopa heʼnigetapaeʼmo konagatapimogifeʼmo lapauʼniyanageno magoʼe magoʼe huno nelapaiye. Ani kavaʼmo nehayaʼmofeʼmo kanale kavaʼmogeta lapakaefeʼmo muki afinaʼmo Gotifeʼmo hao ke hesuna kavaʼmo haneʼniye.

2 Timoti 1:13

Kagaemo aliʼna kaya maleʼnogeka afiʼnana geleʼmo atafauka alagi huvo. Ani gemoʼa kaita haugekana huno ohaneʼneno vayaʼmo alino hapageno neʼapateya gemo akame hisana kavaʼmo auneʼamo aliʼna kave liʼnove. Kalaisi Yesupiʼmo maiʼnekaeʼmo kagesamo afika fatago nehukaeʼmo kahau kayamopafiʼmo kahauʼninageka ani geleʼmo atafauka alagi huvo.

Failimoni 1:4

Konagatimoga Failimoniyo, huʼna, muki afinaʼmo kagaefeʼmo nunumuʼmo huʼna nekateʼnaeʼmo Gotiʼnimofekeʼmo hao ke heʼna nekatove.

Himulu 11:8

Gotiʼa Emalehamuʼmo amiʼniya kotegamo visiyafeʼmo keya aeno ge huʼnigeno Emalehamuʼa agesamo afino fatago huʼniya kavatetiʼmo ani gemo afiteno koʼamo ago ataleno oʼageʼniya kotegamo uʼniye.

Himulu 5:9

Gotiʼa aliʼyaʼamo alisiyafeʼmo avaleno aote ateʼnigenoʼaeʼmo agaemo geʼamo akame nehaya vayaʼai apakufamo alino katino neʼapateya kavaʼmo afoʼamoʼmo hamaleʼniye.

1 Pita 1:22

Lama gemo afitetapaeʼmo lapaipamo sese huta atetetapa konaga vayatapieʼmo lama ge huno lapau lapayamopafiʼmo lapauʼniyaʼmofeʼmo lokiya kavaʼmo hutapa yaveyave lapaipafatiʼmo lapau lapayamopafiʼmo lapaino.

1 Pita 2:9

Huno hu maleʼniyaʼmonanafa ago lekana paino lapateʼniya vayaʼmo maiʼnae. Lapakaemo lapaote nofi vayaʼamo maiʼnae. Mono hutapa neʼapataya kini vayaʼamo maiʼnae. Lapakaemo Goti agaiʼa vayaʼamo maiʼnae. Gotiʼa keya aeno ge huʼnigetapaeʼmo hani huʼniya kavategatiʼmo eta agetetapa lapau aiʼnaya ha le kavaʼalegamo maiʼnae. Agaemo lapakaefeʼmo keya aeno ge huʼniya vekamoʼmo alagepa kavaʼmo huʼniya kavaʼaeʼmo ava gemo aeta hakalo hutapa hapa paisageno ala agiʼamo alisiyafeʼmo lekana paino lapateʼniye.

1 Pita 3:1

Aʼneʼapimogitapae, huʼna, lapakaemo ani kavaʼmo hutapa anautapimogi apaiyafiʼmo maiʼnetapa geʼapimo afiyo. Lapakaemo ge osisageʼa Goti geʼamo noʼafiya anautapimogimo lapaketeʼapaeʼmo, apauneʼapameʼmoʼa hosu kavafeʼmo ohapauʼnigeʼa Gotifeʼmo koli nehae, huʼa hisagetapaeʼmo alagepa kavatapiletiʼmo Gotitegamo apavalelitapa egae.

1 Pita 4:17

Gotiʼa agoti huno apateteno kayoʼmo apamisiya afinaʼmo ago afole aiʼniyaʼmofeʼmo afamo anagaʼaleʼmo aepa faigiye. Gotiʼa lagaetegamo ago aepa faino agoti huno nelatesiyana alagepa faigoko geʼamo akame nosaya vayaʼmogi atupa afinaʼapimo haiya kava huʼa maigae. Vaehae, huʼna,

2 Yoni 1:4

Mago mafaʼne anagakamogimo muki yaʼmo Afoʼamoʼa akame hiyo, huno laha paiʼniya keʼaepa geʼamo lama geʼamo akame nehageʼna apaketeʼnaeʼmo lusi kava huʼna namogaga aiʼnove.

3 Yoni 1:3

Mago konagatimogi eʼa huʼapaeʼmo, lama geleʼmo alagepa huno maiʼniye, huʼa kava gemo huʼa naha paiʼnageʼna afiteʼnaeʼmo namogaga aiʼnove. Ageʼnovana lama gemo alagepa huka akame nehane.