Lomu 6:16 - The Keyagana NT and 25 OT books

¹⁶ Lapakaemo ago afiʼnayana mago vekaeʼmo hutapaeʼmo, aliʼyakamo aligune, hutapa huʼnisayana ani vekamo kalavusi aliʼyaʼamo neʼaliya vayaʼmo maiʼnae, hutapa afiʼnae. Lapakaemo hosu kavaʼmo kalavusi aliʼyaʼamo neʼaliya vayaʼmo maiʼnisayana faligae. Goti kalavusifiʼmo geʼamo akame hutapa kalavusi aliʼyaʼamo neʼaliya vayaʼmo maiʼnisayana lapaipafatiʼmo fatago kavaʼmo afole aigiye.

Lomu 6:16 ပူးပေါင်းရင်းမြစ်များ

Aepa Gemae 4:7

Alagepa kavaʼmo hisanageʼnaeʼmo amuse huʼna kateteʼna kavalegauve. Hosu kavaʼmo huʼnisanaʼmoʼmo hosu kavaʼmoʼa katafausiyafeʼmo eno kipateʼmo yagaino maiʼniye. Hosu kavaʼmoʼa yagaino katesiyafeʼmo hauʼniyaʼmofeʼmo kagaemo hosu kavaʼmo aiyafi oʼmaika aeka aga so, huno ha paiʼniye.

Matiyu 20:4

lapakaeʼeʼmo nofi hoyaʼnifiʼmo uta magokepi aliʼyaʼmo aligeʼnao, kanale miyaʼmo lapamiguve, huno hapa paiʼnigeʼa uʼnae.

Matiyu 6:24

Mago aliʼyaʼmo neʼalisiya vekamoʼmo lole aliʼyaʼmo afoʼalaʼmoganiteʼmo aliʼyaʼmo afaʼa oʼaligiye. Agaemo mago alu aliʼyaʼmo afoʼamofeʼmo aini huʼnisiyana mago alu vekaeʼmo hau ayamopafiʼmo hauʼnisigeno geʼamo afiteno alu aliʼyaʼmo afoʼamofeʼmo ohauʼnisigeno akameʼyamo amigiye. Lapakaemo ani kava hutapa Goti aliʼyaʼe ma mopafi aliʼyaʼeʼmo afaʼa oʼaligae.

Yoni 8:34

alagi lama gemo lapa nepauve, huno, haiya vayaʼmogi hosu kavaʼmo nehisafigeno hosu kavaʼapimoʼa kalavusi huno apateʼnigeʼa aliʼyaʼamo neʼaliya vayaʼmo maiʼnae.

Lomu 11:2

Gotiʼa akeyaʼvilaga hunoʼaeʼmo, mafaʼneʼnimo maiʼnae, huno huʼniya vayaʼmo alino oʼapataleʼniye. Goti mukufi avoʼmo kae maleʼniya gemoʼa Ilaiyafeʼmo ava gemo huʼniya gemo lapakaemo afiʼnafiye. Ilaiyaʼa Gotifeʼmo,

Lomu 12:1

Konagaʼnimogitapae, huʼna, Gotiʼa ani kavaʼmo nehiyaʼmofeʼmo nagaemo lapa maeno hau huno lapateʼniya kavaʼaletiʼe kavaʼaletiʼefeʼmo huʼnaeʼmo, Lahapao ke hovanagi Gotikeʼmo lapakufamo amiyo. Ofaliʼniya ofalinimo aunemeʼe ofalinimo aote ofalinimo Gotiʼa amuse huno lapatesiya agufa ofalinimo amiyo. Ani agufa kavaʼmo lapakesafatiʼmo mono hisaya kavaʼmo haneʼniye.

Lomu 6:17

Hogoteno hosu kavaʼmoʼa yagaino lapateʼnigetapa kalavusi aliʼyaʼamo neʼaliya vayaʼmo maiʼnayaʼmonanafa Gotiʼa lapavalelino eno geʼamo aiyafiʼmo lapateʼnigetapa lapaipafatiʼmo geʼamo akame nehayaʼmofeʼmo Gotifeʼmo hao ke hegetao.

1 Kolitiyani 3:16

Lapakaemo magokepi lokaeta maiʼnetapaeʼmo Goti mono noʼamo maiʼnageno Goti Aunemeʼamoʼmo lapakaepiʼmo maiʼniye, hutapa oʼafiʼnafiye.

1 Kolitiyani 5:6

Lapakitapileʼmo alita asaga hutapa nelapataya kavaʼmo alagi alagepa kavaʼmo nosae. Peleti maya falaovafiʼmo aise yaʼatomo aliʼa ateʼnageno uneno huno muki falaovamo alino ko sino neʼate, hutapa oʼafiʼnafiye.

1 Kolitiyani 6:2

Goti apaote vayaʼamogimo muki ma mopafi vayaʼmo agoti huʼa apategae, hutapa oʼafiʼnafiye. Lapakaemo muki ma mopafi vayaʼmo agoti hutapa apategayaʼmofeʼmo aise kavaʼmo afaʼa alita fako osugafiye.

1 Kolitiyani 6:3

Lagaemo enisole vayaʼmo agoti huta apategaune, hutapa oʼafiʼnafiye. Ani kava hugunaʼmofeʼmo ma mopafi kavaʼmo magoʼe huta afaʼa alita fako hugune.

1 Kolitiyani 6:9

Hosu kavaʼmo nehaya vayaʼmogimo Gotiʼa yagaino neʼapateya koteʼmo uʼa haiʼa oʼmaigae, hutapa oʼafiʼnafiye. Lapakaitapieʼmo humi olapateyo. Kumai kavaʼmo nehaya vayaʼmofi aigofe gotiʼapimogi apakame nehaya vayaʼmofi alu vayaʼai aʼnemo apayate neʼaliya vayaʼmofi vemogi aʼnegana huʼa kumai kavaʼmo nehaya vayaʼmofi negafo negafo huteʼa magokepi lokaeʼa neʼmaiya kavaʼmoʼa kumai kavakana agufa kavaʼmo nehaya vayaʼmofi

1 Kolitiyani 9:13

Yu vayaʼai alopa mono nopiʼmo aliʼyaʼmo neʼaliʼapaeʼmo mono nopatiʼmo neʼyaʼapimo neʼaliye, hutapa oʼafiʼnafiye. Ofalinimo neʼmalaya hiʼyalamuteʼmo aliʼyaʼmo neʼaliya vayaʼmogimo hiʼyalamutetiʼmo ameʼamo aliʼa neʼnae, hutapa oʼafiʼnafiye.

1 Kolitiyani 9:24

Asole vayaʼmogimo nagu nagu huʼa yokalomo nelayaʼmonanafa magoke vayaʼmogigeʼmo aeʼa apakaseteʼa maleʼnaya yaʼmo neʼaliye. Ani kava hutapa aeta agasetapa hetamatapimo alisayafeʼmo nagu nagu hiyo.

Yasuva 24:15

Lapakaemo Ala kava neʼmo akame hisayafeʼmo olapauʼnisiyana apakame hisaya gotigimo hemenimo lekana paiyo. Lapakaemo lapakinago vayaʼmogi Yufaleti aniʼmo mugagayaga faliga maiʼneʼapaeʼmo aigofe gotigimo apakame huʼnaya gotigimo apakame hisafi hemenimo lapakaemo Emo vayaʼmogi mopaʼapileʼmo maiʼnetapaeʼmo Emo vayaʼmogi gotiʼapimogimo apakame hugae. Lagaetefeʼmo nagaiʼniʼe afamo anagaʼniʼeʼmo lagaemo Ala kava nekeʼmo akame huta aliʼyaʼamo aligune

2 Pita 2:19

Apakaemo huʼapaeʼmo, lapakufamoʼmo hauʼniya kavaʼmo hisayana lapatafauno lapatesiya keʼaepa gemo alagi ohaneʼniyanagetapa afa vayaʼmo maigae, huʼa huteʼa aliʼa hosu huʼa neʼapataya kavaʼmoʼa apatafauno apateʼnigeʼa kalavusifiʼmo maiʼnae. Hosu kavaʼmoʼa aeno apakaseʼnisiya vayaʼmo nofi aeno apateʼnigeʼa maiʼnae.