Lomu 6:10 - The Keyagana NT and 25 OT books

¹⁰ Na kava higenoʼaene. Faliʼniya afinaʼmo hosu kavatilefeʼmo muki afinatefeʼmo magoke afinaʼmo ago faliʼniyaʼmofeʼmae. Hemenimo afaʼa maiʼnenoʼaeʼmo Gotitefeʼmo afaʼa maiʼniye.

Lomu 6:10 ပူးပေါင်းရင်းမြစ်များ

Luki 20:38

Agaemo alagi faliʼnaya vayaʼmogi Gotiʼapimoʼmo oʼmaiʼnifa afaʼa maiʼnaya vayaʼmogi Gotiʼapimoʼmo maiʼniye. Muki vayaʼamogimo Gotitefeʼmo afaʼa maiʼnae, huno agesamo neʼafiye, huno hapa paiʼnigeʼapaeʼmo

Lomu 6:11

Lapakaemo hutapaeʼmo, hosu kavatefeʼmo faliʼnonaʼmonanafa Ala kava netimo Kalaisi Yesupiʼmo maiʼnetaeʼmo Gotitefeʼmo afaʼa maiʼnone, hutapa lapakesamo afiyo.

Lomu 6:9

Ago afiʼnonana Gotiʼa Kalaisiʼmo faliʼniyatetiʼmo ago alino he tino ateʼnigeno afaʼa maiʼniyanageno halate afaʼa ofaligiye. Fali kavaʼmoʼa magoʼe huno yagaino oʼategaiye.

Lomu 8:3

Atafa laipamo haneʼnigenoʼaeʼmo keʼaepa gemo akame hisuna himamutimo ohaneʼniyaʼmofeʼmo keʼaepa gemoʼa afaʼa laha oʼmaeʼniyaʼmofeʼmo Gotiʼa laha maeno hosu kavatilefeʼmo agaiʼa mafaʼneʼamo alino ateʼnigeno emineno hosu kavaʼmo nehaya vayaʼai apakufagana agufamo aliʼnigenoʼaeʼmo Gotiʼa Kalaisi agufafiʼmo hosu kavatilefeʼmo agoti huno ateteno amagiʼniye.

2 Kolitiyani 5:15

Faliʼnayaʼmonanafa afaʼa maiʼnaya vayaʼmo apakaiʼapi hapauʼniya kavaʼmo magoʼe huʼa osuʼa faliteno he tiʼniya vekalefeʼmo muki kavaʼmo hisayafeʼmo ani muki vayaʼaitefeʼmo falino apateʼniye.

2 Kolitiyani 5:21

Na kava higetaene. Lagaemo Kalaisipiʼmo maiʼnetaeʼmo Goti fatago kavaʼamo hamalesunafeʼmo Gotiʼa hosu kavaʼmo alagi osuʼniya vekamo alino hamaleno ateʼnigeno hosu kavaʼmo hamaleʼniye.

1 Pita 3:18

Ani kavatefeʼmo fatago vekamo Kalaisiʼa fatago vayaʼmo oʼmaiʼnaya vayaʼai apaimuʼyaleʼmo muki afinatefeʼmo magoke afinaʼmo ago faliʼniye. Agaemo Gotitegamo lavalelino uno haisiyafeʼmo agufaʼamo faliʼniyaʼmonanafa Goti Aunemeʼamoʼmo ago alino he tino ateʼniye.

1 Pita 4:6

Ani kavatefeʼmo faliʼnaya vayaʼaifeʼmo alagepa faigoko geʼamo ago aeʼa hakalo huʼa hapa paiʼnae. Apakaemo ma mopafiʼmo maiʼnageʼapaeʼmo, hosu kavaʼmo huʼnae, huʼa aliʼa fako huʼa apateʼnayaʼmonanafa apauneʼapamepatiʼmo Goti geʼamo akame hisayafeʼmo alagepa faigoko geʼamo afiʼnae.