Lomu 5:2 - The Keyagana NT and 25 OT books

² Agaetetiʼmo lagesamo afita fatago huʼnona kavatetiʼmo eta haiteta Gotiʼa fikumo laha maeno nelamiya kavaʼafiʼmo maiʼnetaeʼmo, Goti ha le konali hetamatimo aligune, huteta lavayagunagu huta agava neʼmaune.

Lomu 5:2 ပူးပေါင်းရင်းမြစ်များ

Samu 17:15

Kagemi yaʼapimo neʼaliyaʼmonanafa nagaemo fatago kavakamo aliʼnovanageʼna kaugosafiʼmo kagegauve. Nagaemo naupatiʼmo he tiʼna kagaekana huʼna maiʼneʼnaeʼmo magoʼe huno mago kavafeʼmo nahaʼye osugiye.

Samu 73:24

Hemenimo kagaemo gekaletiʼmo alika ho huka nateteka henagaʼamo ha le konali koteʼmo navalelika uka haigane.

Mai'naya kavane 14:32

Hosu vayaʼmogimo alagi hosu kavaʼapifiʼmo maiʼnagenoʼaeʼmo alino hapa faino neʼapataleyaʼmonanafa fatago vayaʼmo faliteʼapaeʼmo afole aisiya kavafeʼmo apavayagunagu huʼa neʼmaiye.

Hamakaki 3:18

nagaemo Ala kava netefeʼmo namogaga aiguve. Nagufamo alino katino neʼnateya Gotifeʼmo namogaga aiguve.

Matiyu 25:21

aliʼyaʼmo afoʼamoʼmo ha painoʼaeʼmo, aliʼyakamo oʼataleʼnanaʼmofeʼmo aliʼna amufa nekamuve, huno, alagepa kavaʼmo huʼnane. Aise yateʼmo alagepa huka yagaiʼnanaʼmofeʼmo alopa yateʼeʼmo afaʼa yagaisanafeʼmo kavalegauvanagi eka nagaeʼeʼmo kamogaga aiyo, huno ha paiʼniye.

Yoni 10:7

Afiʼa aeto osuʼnayaʼmofeʼmo Yesuʼa halate hapa painoʼaeʼmo, alagi lama gemo lapa nepauve. Nagaemo sipisipi anagaʼmogi kipaʼapimo maiʼnove.

Yoni 10:9

Nagaekeʼmo kipaʼapimo maiʼnove. Gotiʼa nagaetetikeʼmo kegiʼya yuʼilagamo eno hainesiya vekamo agufamo alino katino atesigeno alagepa huno maigiye. Eno haineteno uno lamiteno nehunoʼaeʼmo neʼyaʼmo neteno alagepa huno maigiye.

Yoni 14:6

Nagaemo kaʼmo maiʼneʼna lama gemo aepa vekamo maiʼneʼnaeʼmo vayaʼmo afaʼa maisaya yaʼmo aepa vekamo maiʼnove. Muki vayaʼmogimo muki yaʼmo Afoʼamotegamo apakaiʼapimo afaʼa oʼugafa nagaeteʼmo eteʼapaekeʼmo muki yaʼmo Afoʼamotegamo afaʼa ugae.

Yoni 5:24

Lama gemo lapa nepauve, huno, ina lagimo geʼnimo afiteʼa alino nateʼnigeʼna emineʼnova vekaeʼmo apakesamo afiʼa fatago nehisafigeʼa alagepa huʼa maige maige huʼa maisaya yaʼmo aliʼnae. Apakaemo fali kavategatiʼmo atale eʼa afaʼa neʼmaiyategamo maiʼnayanageʼna agoti huʼna apateteʼnaeʼmo, hosu vayaʼmo maiʼnae, huʼna hapa opaiguve.

Apa 14:27

Eʼana Atiyoki taonifiʼmo avaʼyi huteʼana ge huʼnaʼageʼa siosi vayaʼmo eʼa aliʼa anupa huʼa maiʼnageʼanaeʼmo Gotiʼa anakaetetiʼmo muki kavaʼamo huʼniya kavafeʼmo ava gemo huʼana hapa paiʼanaeʼmo Gotiʼa mago saufa kaʼmo alu nofi vayaʼmogi apakesamo afiʼa fatago hisayafeʼmo kitamo ago yakino apateʼniye, huʼana hapa paiʼnaʼae.

Lomu 11:20

He, lama gemo huʼnayaʼmonanafa Kalaisifeʼmo apakesamo afiʼa fatago osuʼnayaʼmofeʼmo alino lo aeno apataleʼnigetapaeʼmo lapakaemo lapakesamo afita fatago nehaya kavatapiletiʼmo afaʼa neʼmaiye. Himuʼnamu kavaʼmo osutapa koligeʼmo huta maiyo.

Lomu 12:12

Afole aisiya kavafeʼmo agava maiʼnetapaeʼmo lapavayagunagu hutapa lapamogaga aiyo. Hanageke yaʼmo aliʼnetapaeʼmo oʼataleta atafautapa alagi hutapa maiyo. Oʼataleta nunumuʼmo huge huge hutapa maiyo.

Lomu 14:4

Ina lagitapamo mago aliʼyaʼmo afoʼamofeʼmo aliʼyaʼamo neʼaliya vekaeʼmo hutapaeʼmo, hosu kavaʼmo nehiye, hutapa alita fako hutapa neʼatae. Agaemo aliʼyaʼmo afoʼamoʼmo agaiʼamo alino fako huno atetenoʼaeʼmo, he tino lokiya vaino maiʼniye, huno hisifi ago asagauno aiʼniye, huno hisifi agaiʼa yane. Gotiʼa afaʼa alino he tino ategaiyaʼmofeʼmo he tino maigiye.

Lomu 15:13

Hemenimo Gotifeʼmo lapavayagunagu hutapa agava neʼmaiya kavaʼmo aepa vekamoʼmo magoʼe huno lapa maeno lapamisigetapa agaefeʼmo lapakesamo afita fatago nehutapaeʼmo magoʼe hutapa lapamogaga aisageno lapaipamoʼmo falu hugiye. Aote Aunemeʼamo himamuʼaletiʼmo magoʼe hutapa lapavayagunagu hutapa agava maisayafeʼmae.

Lomu 2:7

Gotiʼa ha le konali yaʼapigi ala apakiʼapigi maige maige huʼa maisaya yaʼapigi huʼa alisayafeʼmo hapaʼye nehigeʼa alagepa kavaʼmo oʼataleʼa atafauʼa alagi huʼa maime maime neʼvisaya vayaʼmo alagepa huʼa maige maige huʼa maisaya yaʼapimo apamigiye.

Lomu 3:23

Na kava huʼnagenoʼaene. Muki vayaʼmogimo hosu kavaʼmo huteʼa Goti ha le konali yaʼamo uʼa haiʼa me taleʼnayaʼmofeʼmo noʼaliye.

Lomu 5:5

Gotiʼa aote Aunemeʼamo lamiʼnigeno Aunemeʼamoʼmo Gotiʼa lagaefeʼmo hau ayamopafiʼmo hauʼniya kavaʼamo laipafiʼmo ago alino laki maleʼniye. Lakiʼnigeta ageʼnonaʼmofeʼmo lavayagunagu huta agava neʼmauna kavatefeʼmo laipamoʼmo kana hisigeno hosu laipamo okaligiye.

Lomu 8:1

Kalaisiʼa hosu kavatilefeʼmo faliʼniyaʼmofeʼmo Gotiʼa Kalaisi Yesupiʼmo maiʼnisaya vayaʼaifeʼmo hunoʼaeʼmo, hosu vayane, huno huteno agoti huno oʼapatege kayoʼmo oʼapamige hugiye. Apakaemo atafa apaipamo akame nosafa Goti Aunemeʼamo hauʼniya kavaʼmo akame nehae.

Lomu 8:24

Gotiʼa lagufamo alagi alino katino latesiyafeʼmo agava maiʼneta lavayagunagu nehune. Lagaemo ani yaʼmo ago aliʼnonesinana agava maiʼneta lavayagunagu nosunesine. Vayaʼmogi ageʼnaya kavafeʼmo agava maiʼneʼa apavayagunagu nosae.

1 Kolitiyani 15:1

Konagaʼnimogitapae, huʼna, Nagaemo Kalaisifeʼmo alagepa faigoko geʼamo aeʼna hakalo huʼna lapa paiʼnogetapa alita lapaipafiʼmo maleʼnayanagetapaeʼmo ani geleʼmo he titapa maiʼnae. Ani gelefeʼmo magoʼe hutapa lapakesamo afitapa ho hisayafeʼmo lapa paigesuve.

2 Kolitiyani 3:18

Gotiʼa laugosafatiʼmo kenamo ago alino ataleʼnigeta alaveʼyofatiʼmo laugosamo neʼagona kava huta Ala kava neʼmo ha le konali yaʼamo neʼagonagenoʼaeʼmo Ala kava neʼmo Aunemeʼamoʼmo alino hamaleno nelategetaeʼmo ha le konali yaʼamo alime alime uta Ala kava nekana huta hamaleme hamaleme neʼune.

2 Kolitiyani 4:17

Aise hanageke yaʼmo aise afinaʼmo neʼaluna kavaʼmoʼa alino alo huno nelateyanageta anonaʼaleʼmo lusi kava huno aeno agaseʼniya ha le konali yatimo hanege hanege huno hanesiya ha le konali yatimo aligune.

Efasasi 2:18

Agaemo lagaeʼe lapakaeʼeʼmo kaʼmo valino lateʼniyanageta hemenimo magoke Aunemeʼaletiʼmo muki yaʼmo Afoʼamotegamo afaʼa uta haigune.

Efasasi 3:12

Agaepiʼmo maiʼneta agaefeʼmo lagesamo afita fatago nehuna kavatetiʼmo koli osuge lole lagesamo oʼafige huteta Gotitegamo neʼune.

Efasasi 6:13

Gotiʼa kame hisaya kukenamo lapamiʼniya kukenamo vaitetapa maiyo. Alita vaitetapa maiʼnisayana hosu afinaʼmo afole neʼaisigetapaeʼmo kamemo hume hume utapa huta hano hutetapaeʼmo he titapa maigae.

2 Tesaloniyani 2:16

Afotimo Gotiʼa lagaefeʼmo hau ayamopafiʼmo hauʼnigeno muki afinaʼmo lokiya vaita maiʼneta lavayagunagu huta agava maisunafeʼmo fikumo laha maeno lamiʼniye. Agaeʼe Ala kava netimo Yesu Kalaisiʼeʼmo muki alagepa gemo huge muki alagepa kavaʼmo huge hutapa maisayafeʼmo lapa maeʼana lapaipamo aliʼana lokiya vaiʼana lapatesaʼagetapa maiyo.

Himulu 3:6

Hapa paiʼniyaʼmonanafa Kalaisiʼa afamo anaga vayaʼai afoʼapimoʼmo Mafaʼneʼamoʼmo Goti afamo anaga vayaʼaleʼmo yagaino neʼapate. Lagaemo alagepa huta maige maige huta maigune, huta lole lagesamo oʼafita lavayagunagu huteta koli osuta lamogaga neʼaitaeʼmo oʼataleta atafauta alagi huta maime maime neʼuta atupa afinaʼeʼmo ani kavaʼmo huta maiʼnisunaʼmoʼmo Goti afamo anaga vayaʼamo maiʼnone.

Himulu 6:18

Ani lole gemo haneʼniyana polomasi geʼe agiʼaletiʼmo alagi lama gemo huʼniya geʼeʼmo huʼniyanageno agaemo alu gemo afaʼa osugiye. Ani geletiʼmo lagaemo laune heta uta fala kita neʼmauna vayaʼmogita laulagaleʼmo alino afole aino ateʼniya yateʼmo agava maiʼneta lavayagunagu hisuna kavateʼmo alagi atafaisunafeʼmo alino he tino lateʼniye.

1 Pita 3:18

Ani kavatefeʼmo fatago vekamo Kalaisiʼa fatago vayaʼmo oʼmaiʼnaya vayaʼai apaimuʼyaleʼmo muki afinatefeʼmo magoke afinaʼmo ago faliʼniye. Agaemo Gotitegamo lavalelino uno haisiyafeʼmo agufaʼamo faliʼniyaʼmonanafa Goti Aunemeʼamoʼmo ago alino he tino ateʼniye.

Leveleseni 21:11

Ani taonifatiʼmo Goti ha le konali yaʼamo aeno ha leʼniya yaʼmo mago alopa moniletiʼmo miya nefaiya yafaʼmo agiʼamo yasipamoʼa aeno ha neleya yafakana huno alino alave alave huʼniye.

Leveleseni 21:23

Gotiʼa ha le konali yaʼamoʼmo aeno ha leʼnigeno aikeli sipisipimoʼa lamugana huno aeno ha neleyaʼmofeʼmo yegemoʼe kaimoʼeʼmo aeʼana ha lesaʼa aliʼyaʼanimo alagi ohaneʼniye.

Leveleseni 21:3

Yagaino neʼapateya vekamo siyaʼaletiʼmo alopa gefatiʼmo ge hunoʼaeʼmo, Ageyo, huno, Gotiʼa hemenimo ma mopafi vayaʼeʼmo magokepi lokaeno maigiye. Agaemo apakaeʼeʼmo magokepi lokaeno maisigeʼapaeʼmo vayaʼamo maigae. Gotiʼa agaiʼamo apakaeʼeʼmo magokepi lokaeno maiʼneno Gotiʼapimoʼmo maigiye.

Leveleseni 3:21

Nagaemo kamemo huʼa aeʼa neʼapakasaya vayaʼmo apamisugeʼa fai maiʼneʼna yagaiʼna neʼapatova siyateʼmo nagaeʼeʼmo fai maigae. Nagaemo kamemo huʼna aeʼna apakaseʼnogeno afoʼnimoʼmo fai maiʼneno yagaino neʼapateya siyaʼamo namiʼnigeʼna fai maiʼnova kava huʼa nagaeʼeʼmo fai maigae.