Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lomu 5:18 - The Keyagana NT and 25 OT books

18 Gotiʼa magoke vekamoʼmo huʼniya hosu kavatetiʼmo muki vayaʼaifeʼmo hunoʼaeʼmo, hosu vayaʼmo maiʼnayanagetapa alagi faligae, huno huʼniya kava huno Gotiʼa magoke vekamoʼmo huʼniya fatago kavatetiʼmo muki vayaʼmo fikumo hapa maeno apamitenoʼaeʼmo, naulagaleʼmo fatago vayaʼmo maiʼnayanagetapa alagepa hutapa maige maige hutapa maigae, huno hapa paiʼniye.

အခန်းကိုကြည့်ပါ။ ကော်ပီ




Lomu 5:18
17 ပူးပေါင်းရင်းမြစ်များ  

Agupi mafaʼnemoʼmo lusi kava huno kana huʼniya aliʼyaʼmo alisigeno neʼyaʼmo afole aigiyaʼmofeʼmo aipamoʼmo ha gegaiye. Aliʼyaʼnimo neʼaliya fatago vekamoʼmo hosu kavaʼapimo aligiyaʼmofeʼmo agaemo ageʼa alagepa huʼa agesaya kavatetiʼmo asole vayaʼaifeʼmo, naulagaleʼmo fatago vayaʼmo maiʼnae, huno hapa paigiye.


Agaemo aeno ha neleya yafeʼmo ava gemo huno hapa paisigeʼa muki vayaʼmogi geʼamo afiteʼapaeʼmo apakesamo afiʼa fatago hisayafeʼmo eʼniye.


Apakaemo ma mopafiʼmo aliʼa he tiʼa natetesageʼnaeʼmo muki vayaʼamo nagaiʼnilegamo aiʼna apavayu huliʼna egauve, huno hapa paiʼniye.


Ge vaiteʼa Yonitegamo uʼapaeʼmo, Tisao, huʼa mugagayaga faliga kagaeʼeʼmo lokaeno maiʼniya vekamo ava gemo huʼnana vekalegamo muki vayaʼmo uʼnageno aniʼmo faleno neʼapate, huʼa ha paiʼnageno


Agaemo mafaʼneʼamo kolaʼaeʼmo lagesamo afita fatago hisuna kavatetiʼmo aipamo leno olateno aipamo falu huno latesiyafeʼmo mafaʼneʼamo muki vayaʼai apaulagaleʼmo alino afole aino ateʼniye. Akeyaʼvilagamo Goti vayaʼamogi hosu kavaʼmo huʼnagenoʼaeʼmo kayoʼmo oʼapamino afaʼa apakeno apataleʼniye. Gotiʼa hau huʼniya kavaʼaletiʼmo fatago kavaʼmo huʼnove, huno alino lave lisiyafeʼmo mafaʼneʼamo muki vayaʼai apaulagaleʼmo alino afole aino ateʼniye.


Gotiʼa hosu kavatilefeʼmo avalelino uno hosu vayaʼai apayapiʼmo atetenoʼaeʼmo naulagaleʼmo fatago vayaʼmo maiʼnae, huno laha paisiyafeʼmo kanolufatiʼmo ago alino he tino ateʼniye.


Inagi hosu kavaʼmo magoke vekafatiʼmo muki ma mopafi vayapiʼmo afole aiʼnigeno ani hosu kavaʼaletiʼmo nefaliya kavaʼmo afole aiʼniye. Nefaliya kavaʼmo ani katetikeʼmo afole aiteno muki vayaʼaitegamo aino atagu faeno uneno huʼniye. Muki vayaʼmo magoke vekamoʼmo hosu kavaʼmo huʼniya afinaʼmo Atamupiʼmo maiʼneʼapaeʼmo hosu kavaʼmo huʼnae.


Maiʼniyaʼmonanafa Gotiʼa magoke vekaletiʼmo fikumo hapa maeno neʼapamiya kavaʼe mago alu vekamoʼmo huʼniya hosu kavaʼamoʼeʼmo alu kava alu kavaʼmo haneʼniye. Magoke vekamo hosu kavaʼaletiʼmo muki asole vayaʼmo faliʼnayaʼmonanafa Gotiʼa magoke vekamo Yesu Kalaisitetiʼmo asole vayaʼmo fikumo hapa maeno neʼapamiya kavaʼamoʼmo magoʼe huno ago aeno agaseʼniye.


Magoke vekamoʼmo Goti geʼamo amagino ataleʼniya kavatetiʼmo Gotiʼa asole vayaʼaifeʼmo hunoʼaeʼmo, hosu vayaʼmo maiʼnae, huno huʼniya kava huno magoke vekamoʼmo geʼamo akame huʼniya kavatetiʼmo asole vayaʼaifeʼmo hunoʼaeʼmo, naulagaleʼmo fatago vayaʼmo maiʼnae, huno hugiye.


Na kava hinagetapaene. Lapakaemo keʼaepa gemo aiyafiʼmo oʼmaiʼnafa Gotiʼa fikumo lapa maeno nelapamiya kavaʼmo aiyafiʼmo neʼmaiyaʼmofeʼmo hosu kavaʼmoʼa yagaino olapategaiye.


Atamupiʼmo maiʼnisaya vayaʼmo mukiʼamo nefaliya kava huʼa muki Kalaisipiʼmo maiʼnisaya vayaʼmo mukiʼamo he tigae.


Gotiʼa Yesuʼmo ha le konali yaʼaʼe ala agiʼaʼeʼmo amiʼniya vekamo ago ageʼnone. Gotiʼa, fikumo hapa maeʼna apamiguve, huno huteno Yesuʼmo muki vayaʼaitefeʼmo falisiyafeʼmo aise afinaʼmo enisole vayaʼai apaiyafiʼmo alino ateʼniye.


Nagaemo Saimoni Pitaʼnamo Yesu Kalaisi aliʼyaʼamo neʼaluva vekamo maiʼneʼna apa vekaʼamo maiʼnove. Gotiʼa lagufamo alino katino nelateya Gotitimoʼa Yesu Kalaisi fatago kavaʼaletiʼmo fikumo lapamaeno lapamiʼnigetapa lapakesamo afita fatago huʼnaya vayaʼamogitapaeʼmo mani gemo avoʼmo nekaove. Lapakesamo afita fatago nehaya kavatapimo alopa monileʼyaʼmo aeno agaseʼniya kavaʼe lagesamo afita fatago nehuna kavatiʼeʼmo magoke aiyaya kavaʼmo haneʼniye.


Apakaemo ataleʼa uʼnayaʼmonanafa lapakaeteʼmo aote vekamo Kalaisiʼa uvelimo lakino lapategekana huno Goti Aunemeʼamo lapamiʼnigetapa muki geʼamo afiʼnae.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ