Lomu 5:16 - The Keyagana NT and 25 OT books

¹⁶ Gotiʼa fikumo hapa maeno neʼapamiya kavatetiʼmo alino afole aino neʼateya kavaʼe magoke vekamoʼmo huʼniya kavatetiʼmo alino afole aino neʼateya kavaʼeʼmo alu kava alu kavaʼmo haneʼniye. Magoke hosu kavaʼmo akamelegaʼamo Gotiʼa hunoʼaeʼmo, hosu vayaʼmo maiʼnae, huno huteno agoti huno apateʼniyaʼmonanafa vayaʼmogi asole hosu kavaʼapimo akamelegaʼamo Gotiʼa fikumo hapa maeno apamitenoʼaeʼmo, naulagaleʼmo fatago vayaʼmo maiʼnae, huno nehiye.

Lomu 5:16 ပူးပေါင်းရင်းမြစ်များ

Aiyeya 1:18

Ala kava neʼmoʼa hunoʼaeʼmo, Lapakaemo nagaetegamo egetao nagaeʼeʼmo ge huge afige huta maigune. Hosu kavatapimoʼmo haesa yakana huno aeno kamaeʼniyaʼmonanafa yave yaveʼage huno hanegaiye, huno hapa paiʼniye.

Aiyeya 43:25

Nagaiʼnilefeʼmo nagaiʼnimo keʼaepa gemo amagitapa ataleʼnaya kavatapimo aeʼna kalo paeʼna ataleʼnove. Nagaemo hosu kavatapieʼmo nagesamo oʼafiʼna nage kaniʼna atalegauve.

Matiyu 6:14

Apakaemo lapakaetegamo hosu kavaʼmo nehaya vayaʼaifeʼmo, kanalenagi afaʼa ateyo, huta hapa paisagenoʼaeʼmo kokuʼnapi Afotapimoʼmo ani agufa gegeʼmo huno lapakae hosu kavafeʼmo afaʼa ateyo, huno lapa paigiyaʼmonanafa

Lomu 8:1

Kalaisiʼa hosu kavatilefeʼmo faliʼniyaʼmofeʼmo Gotiʼa Kalaisi Yesupiʼmo maiʼnisaya vayaʼaifeʼmo hunoʼaeʼmo, hosu vayane, huno huteno agoti huno oʼapatege kayoʼmo oʼapamige hugiye. Apakaemo atafa apaipamo akame nosafa Goti Aunemeʼamo hauʼniya kavaʼmo akame nehae.

1 Kolitiyani 11:32

Gotiʼa ma mopafi vayaʼmo agoti huno apatetenoʼaeʼmo hosu kavaʼmo huʼnae, huno hisiya afinaʼmo apakaegiʼeʼmo magokepi lokaeta oʼmaisunafeʼmo Ala kava neʼmoʼa ago alino fako huno lateteno kayoʼmo nelamiye.

Galesiya 3:10

Goti Mukufiʼmo avoʼmo kae maleʼniya gemoʼmo hunoʼaeʼmo, Ina lagimo muki afinaʼmo muki keʼaepa geʼamo akame huʼa hano nosisafigeno Gotiʼa lifana huno neʼapate, huno huʼniyaʼmofeʼmo Goti keʼaepa gemo akame nehaya kavaʼapilefeʼmo aliʼa amufa amiʼnaya vayaʼaifeʼmo lifana huno apateʼniye.

Yemisi 2:10

Na kava nehayaʼmofeʼmae. Muki keʼaepa geʼamo akame huteʼapaeʼmo magoke keʼaepa gemo amagiʼa neʼatalesayana muki keʼaepa geʼamo ago amagiʼa neʼatalayanageʼa vaiʼmo aligae.