Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lomu 5:15 - The Keyagana NT and 25 OT books

15 Maiʼniyaʼmonanafa Gotiʼa magoke vekaletiʼmo fikumo hapa maeno neʼapamiya kavaʼe mago alu vekamoʼmo huʼniya hosu kavaʼamoʼeʼmo alu kava alu kavaʼmo haneʼniye. Magoke vekamo hosu kavaʼaletiʼmo muki asole vayaʼmo faliʼnayaʼmonanafa Gotiʼa magoke vekamo Yesu Kalaisitetiʼmo asole vayaʼmo fikumo hapa maeno neʼapamiya kavaʼamoʼmo magoʼe huno ago aeno agaseʼniye.

အခန်းကိုကြည့်ပါ။ ကော်ပီ




Lomu 5:15
20 ပူးပေါင်းရင်းမြစ်များ  

Agupi mafaʼnemoʼmo lusi kava huno kana huʼniya aliʼyaʼmo alisigeno neʼyaʼmo afole aigiyaʼmofeʼmo aipamoʼmo ha gegaiye. Aliʼyaʼnimo neʼaliya fatago vekamoʼmo hosu kavaʼapimo aligiyaʼmofeʼmo agaemo ageʼa alagepa huʼa agesaya kavatetiʼmo asole vayaʼaifeʼmo, naulagaleʼmo fatago vayaʼmo maiʼnae, huno hapa paigiye.


Ma mopafiʼmo asole vayaʼmo apau kaleʼa maiʼnaya vayaʼmo apaupatiʼmo he tigae. Mago vayaʼamo he tiʼa alagepa huʼa maige maige huʼa maigae. Mago vayaʼamo he tiʼa apavagage yaʼmo aliteʼa maige maige huʼa maisageʼapaeʼmo hosu vayane, huʼa huteʼa apakameʼyamo apamigae.


Vemo mafaʼnemo ani kava huno vayaʼmogi ha maeʼa yagaiʼa atesayafeʼmo emiʼnoʼmeʼnifa hapa maeno yagaino apateteno muki asole vayaʼaitefeʼmo falino miya faino hatu maeno apatesiyafeʼmo emineʼniye, huno hapa paiʼniye.


Mani kapufi aniʼmo saufa kotalake kolaʼnimae. Gotiʼa hu maleʼniya kotalakemo mani kava huguve, huno hu maleʼniya gemo afole aisiyafeʼmo aiʼna lakiguve. Nagaemo asole vayaʼai hosu kavaʼapimo aliʼna atalesuvafeʼmo kolaʼnimo aiʼna lakiʼna apategauve.


Gotiʼa ma mopafi vayaʼaifeʼmo lusi kava huno hau ayamopafiʼmo hauʼniyaʼmofeʼmo ani aiya magoke mafaʼneʼamo avaleno apamiʼniye. Ina lagimo mafaʼneʼaeʼmo apakesamo afiʼa fatago nehisafigeʼa alagi ofaliʼa alagepa huʼa maige maige huʼa maisayafeʼmo avaleno apamiʼniye.


Ha paiʼnigenoʼaeʼmo, kagaemo Gotiʼa fiku hapa maeno neʼapamiya yaʼmo ageteka aniʼmo he fika namiyo, huno ge huʼniya vekamo ageka aeto huʼnanesinana agaefeʼmo namiyo, huka afi gesanageno kanage kanage huno haineno uno nelamiya aniʼmo kamiʼniyesine, huno ha paiʼnigenoʼaeʼmo


Gotiʼa apakufamo alino katino apatesiya agufa kavaʼmo huno Ala kava neʼmo Yesu Kalaisiʼa fiku laha maeno lamiʼniya kavatetiʼmo lagufamo alino katino lategaiye, huta lagesamo afita fatago nehune, huno hapa paiʼniye.


Inagi hosu kavaʼmo magoke vekafatiʼmo muki ma mopafi vayapiʼmo afole aiʼnigeno ani hosu kavaʼaletiʼmo nefaliya kavaʼmo afole aiʼniye. Nefaliya kavaʼmo ani katetikeʼmo afole aiteno muki vayaʼaitegamo aino atagu faeno uneno huʼniye. Muki vayaʼmo magoke vekamoʼmo hosu kavaʼmo huʼniya afinaʼmo Atamupiʼmo maiʼneʼapaeʼmo hosu kavaʼmo huʼnae.


Na kavaʼmo nehagenoʼaene. Hosu kavaʼmo aliʼyaʼamo neʼaliya vayaʼai miyaʼapimo falisaya kavaʼmo haneʼniyaʼmonanafa Gotiʼa fikumo hapa maeno neʼapamiya kavaʼmo alagepa huʼa maige maige huʼa maisaya kavaʼmo haneʼniye. Agaemo Ala kava netimo Yesu Kalaisipiʼmo neʼmaiya vayaʼmo neʼapamiye.


Kalaisiʼa lagaefeʼmo hau ayamopafiʼmo hauʼniya kavaʼamoʼa heno lavayu hulinuno nelate. Mani kavatefeʼmo alita fako huta lagesamo afiʼnonana magoke vekamoʼmo muki vayaʼaitefeʼmo falino apateʼniyaʼmofeʼmo mukiʼamogi agaeʼeʼmo faliʼnae.


Gotiʼa lusi kava huno fikumo laha maeno lamiʼniya kavatefeʼmo uta haita ohapaiʼneta lavayaʼaletikeʼmo afa gemo osugunaʼmonanafa Gotifekeʼmo hao ke hegetao.


Gotiʼa fikumo lapa maeno lapamitenoʼaeʼmo lapakesamo afita fatago huʼnaya kavatetiʼmo lapakufamo alino katino lapateʼniye. Lapakaitapimo lapakesamo afita fatago osuʼnafa Gotiʼa fikumo lapa maeno lapamiʼnigetapa lapakesamo afita fatago huʼnae.


Gotiʼa Yesuʼmo ha le konali yaʼaʼe ala agiʼaʼeʼmo amiʼniya vekamo ago ageʼnone. Gotiʼa, fikumo hapa maeʼna apamiguve, huno huteno Yesuʼmo muki vayaʼaitefeʼmo falisiyafeʼmo aise afinaʼmo enisole vayaʼai apaiyafiʼmo alino ateʼniye.


Agaiʼamo Gotiʼa aipamoʼmo falu huno latesiyafeʼmo maiʼniye. Gotiʼa lagaefekeʼmo aipamoʼmo falu huno latesiyafeʼmo oʼmaiʼnifa muki ma mopafiʼmo maiʼnaya vayaʼefeʼmo Gotiʼa aipamoʼmo falu huno apatesiyafeʼmo maiʼniye.


Gotiʼa ageteno ha maeno faigoko gemo aeno hakalo hunoʼaeʼmo, nagaemo maige maige hutapa neʼmaiya yaʼmo lapamiʼnove, huno laha paiʼniye. Ani maige maige huʼa neʼmaiya yaʼmo mafaʼneʼafiʼmo maiʼniye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ