Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lomu 5:14 - The Keyagana NT and 25 OT books

14 Nefaliya kavaʼmo Atamuʼa maiʼniya afinatetiʼmo muki vayaʼaiteʼmo yagaino apateme apateme neʼegenoʼaeʼmo Moseseʼa afole aiʼniye. Gotiʼa keʼaepa geʼamo Atamufeʼmo hunoʼaeʼmo, ina kavaʼmo osuvo, huno ha paiʼniya gemo ago amagino ataleʼniya kava huʼa ani agufa keʼaepa geʼamo amagiʼa oʼataleʼnayaʼmonanafa faliʼnae. Atamuʼmo afole aigiye, huʼa ava gemo huʼa avoʼmo kae maleʼnaya vekagana huno auneʼamo maiʼniye.

အခန်းကိုကြည့်ပါ။ ကော်ပီ




Lomu 5:14
17 ပူးပေါင်းရင်းမြစ်များ  

Ala kava neʼmoʼa ani kavaʼmo huno lole taonilanagi otu konagi muki ani taonilapiʼmo maiʼnaya vayanagi mopafatiʼmo lagiʼniya kahaugi yosagi neʼyanagi huno atamoʼmo leno sagalino hano huno ataleʼniye.


Henagaʼamo Keniʼmo aganaʼamo Evofeʼmo, egetaʼa viʼano, huno huʼniye. Anakaemo uʼana mago yategamo maiʼneʼanaeʼmo Keniʼa aganaʼamoʼmo kamitimo amagiʼnigeno faliʼniye.


Mopafiʼmo maiʼneʼapaeʼmo muki apavamusaʼmo aige apavamusaʼmo alige nehaya yaʼamo ago faliʼa hano huʼnae.


Inagi kini vekamo Feloʼa Isipi vayaʼaifeʼmo hapa painoʼaeʼmo, muki Himulu vayaʼmogimo saufamo aliʼa apatesaya ve mafaʼne anagaʼmo apasagautapa alopa anipiʼmo yaga autapa apataletetapa a mafaʼnemo aliʼa apatesagetapaeʼmo afaʼa apateyo, huno hapa paiʼniye.


Henagaʼamo Yosefeʼa falige muki konagaʼamogimo falige ani afinaʼmo maiʼnaya vayaʼmo falige huʼnae.


Ani kava huʼna Niniva vayaʼaifeʼmo nahau huʼna apateʼnove. Niniva taonifiʼmo lusi asole nute mafaʼne anagaʼmo vani hataleti tuveti tauseniʼamo (120,000) maige asole afumo maige huʼnae, huno ha paiʼniye.


Inagi hosu kavaʼmo magoke vekafatiʼmo muki ma mopafi vayapiʼmo afole aiʼnigeno ani hosu kavaʼaletiʼmo nefaliya kavaʼmo afole aiʼniye. Nefaliya kavaʼmo ani katetikeʼmo afole aiteno muki vayaʼaitegamo aino atagu faeno uneno huʼniye. Muki vayaʼmo magoke vekamoʼmo hosu kavaʼmo huʼniya afinaʼmo Atamupiʼmo maiʼneʼapaeʼmo hosu kavaʼmo huʼnae.


Magoke vekamo hosu kavaʼaletiʼmo nefaliya kavaʼmo afole aiteno kini vekagana huno yagaino neʼapateya kava huʼa Gotiʼa magoʼe huno fatago kavaʼamo fikumo hapa maeno apamiʼnisiya vayaʼmogimo magoke vekamo Yesu Kalaisitetiʼmo alagepa huʼa maige maige huʼa maiʼneʼa kini vayakana huʼa yagaigae.


Hosu kavaʼmoʼa nefaliya kavaʼmo alino afole aino ateteno ani kavatetiʼmo yagaino neʼapateya kava huno fikumo hapa maeno neʼapamiya kavaʼmoʼa fatago kavaʼaletiʼmo yagaino neʼapatesigeʼa Ala kava netimo Yesu Kalaisitetiʼmo alagepa huʼa maige maige huʼa maisaya yaʼmo apamisiyafeʼmae.


Ma mopaʼe muki ma mopafi haneʼniya yaʼmogiʼeʼmo hosu kavaʼmo osuʼnayaʼmonanafa Gotiʼa alino hosu huno apateʼnigeʼa hosu kavaʼmo huʼa haneʼnae. Haneʼnayaʼmonanafa alagepa huʼa hanesayafeʼmo agava maiʼnae.


Aʼnemogi mafaʼnemo aliʼa apatesayafe huʼnagenoʼaeʼmo apakafu kiʼnigeʼapaeʼmo kage kage huʼa yulagefa neʼaiya kava huʼa ma mopaʼe muki ma mopafi haneʼnaya yaʼmogiʼeʼmo kage kage hume hume neʼae.


Atamupiʼmo maiʼnisaya vayaʼmo mukiʼamo nefaliya kava huʼa muki Kalaisipiʼmo maiʼnisaya vayaʼmo mukiʼamo he tigae.


Ani kavafeʼmo Goti mukufi gemoʼmo hunoʼaeʼmo, Gotiʼa hogote vekamo Atamuʼmo aunemeʼe vekamo alo huno ateʼniye, huno huʼniye. Henaga Atamuʼmo afaʼa neʼmaiya yaʼmo neʼapamiya vekamo maiʼniye.


Gotiʼa hunoʼaeʼmo, muki vayaʼmo magoke afinaʼmo falitesageʼna agoti huʼna apategauve, huno hu maleʼniye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ