Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lomu 5:13 - The Keyagana NT and 25 OT books

13 Vayaʼmogi hosu kavaʼmo hume hume neʼagenoʼaeʼmo Moseseʼa keʼaepa gemo alino apamiʼniye. Ani hogote afinaʼmo keʼaepa gemo haneʼniyaʼmofeʼmo Gotiʼa vaiʼmo apamiʼniye.

အခန်းကိုကြည့်ပါ။ ကော်ပီ




Lomu 5:13
16 ပူးပေါင်းရင်းမြစ်များ  

Sotomi taonifiʼmo maiʼnaya vayaʼmo alagi hosu vayaʼmogeʼa Ala kava netegamo lusi hosu kavaʼmo huʼnae.


Inagi Ala kava neʼmoʼa hunoʼaeʼmo, Satomi taonifatiʼe Gomola taonifatiʼeʼmo hosu kavaʼmoʼa alopa gefatiʼmo keya aeno ge nehiyanageʼna uʼna lamiʼna nagaefeʼmo keya aeno ge nehiya kavaʼmo nehafi nosafi, huʼna agegauve, huno hutegeʼanaeʼmo.


Inagi laʼagaemo malage hutaʼa ugetaʼao. Laʼagaemo nofi alagafati aniʼmo alinitutaʼa afotiʼamoʼmo amisuʼageno neteno negi nagi hugiye. Inagi laʼagaemo agaeʼeʼmo magokepi lokaetaʼa havaesuʼageno laʼagaepatiʼmo mago mafaʼnemo afole aigae. Afotiʼamo nofi vayaʼmo hano osuʼa afaʼa maisayafeʼmae.


Lole a mafaʼneʼalaʼmoganimo ina kava huʼana afoʼanimo Loti anaipaguʼeʼmo maiʼnaʼae.


Ohavaeʼana maiʼnaʼageʼapaeʼmo ani Satomi taonifati neya vayaʼe alopa vayaʼeʼmo muki haopaʼalegatiʼmo ete ete huʼa noteʼmo faiʼa vego huʼnae.


Ala kava neʼmoʼa Onani huʼniya kavafeʼmo amuse osuʼniyaʼmofeʼmo ago amagiʼnigeno faliʼniye.


Avalelino eʼniyaʼmonanafa Ala kava neʼmo aulagaleʼmo kavaʼmoʼmo alagi hosuʼnigeno Ala kava neʼmoʼa ago amagiʼnigeno faliʼniye.


Maiʼniyaʼmonanafa muki vayaʼmo Goti aulagaleʼmo hosu vayaʼmo maiʼneʼa kamemo huge vayaʼmo hapaege kaveta huge kavaʼmokeʼmo ma mopafiʼmo havai teʼnigeno ageʼniye.


Kaeʼnigeno ani ofalinimoʼmo haga atumo ailino uno haiʼnigeno Ala kava neʼmoʼa atuʼamo afitenoʼaeʼmo aipafiʼmo agesa afinoʼaeʼmo, halate magoʼe huʼna geʼniletiʼmo vayaʼai kavatefeʼmo mopamo aliʼna hosu huʼna oʼategauve. Muki vayaʼmo aise mafaʼnemo maiʼnaya afinatetiʼmo muki apaipa apakesa neʼafiya yaʼapifiʼmo alagi hosuʼniyaʼmofeʼmogeʼna hemenimo huva agufa kavaʼmo halate magoʼe huʼna muki apauneʼapameʼe yaʼmo aliʼna hano huʼna oʼapatalegauve.


Hapa nepaiyaʼmofeʼmo Gotiʼa muki vayaʼmogimo keʼaepa geʼamo akame nehisaya kavatetiʼmo, naulagaleʼmo fatago vayaʼmo maiʼnae, huno osugiyaʼmonanafa keʼaepa geʼaletiʼmo vayaʼai hosu kavaʼapimo alino apave neliye.


Na kava higenoʼaene. Keʼaepa geʼamo ohaneʼniyesinana keʼaepa geʼamo amagiʼa noʼatalaesine. Hiyaʼmonanafa keʼaepa geʼamo haneʼniyaʼmofeʼmo aipamo leno neʼapateya kayoʼmo apamisiya agufa kavaʼmo alino afole aino neʼate.


Vayaʼmo nefaliya kavaʼmo hosu kavaʼapilefeʼmo neʼapamagiye. Goti keʼaepa geʼamoʼmo ma kavaʼmo hiyo ina kavaʼmo osiyo, huno huʼniya gemoʼa hosu kavaʼapimo alino lokiya vaino neʼate.


Lagaemo konagatieʼmo lahau layamopafiʼmo nelahaiyaʼmofeʼmo afiʼnonana nefaliya kavategatiʼmo ago ataleta eta afaʼa neʼmaiya kavategamo maiʼnone. Konagaʼapieʼmo hapau apayamopafiʼmo nohapaiya vayaʼmo nefaliya kavategamo alagi neʼmaiye.


Hosu kavaʼmo nehaya vayaʼmogimo Goti keʼaepa geʼamo ago amagiʼa neʼatalae. Hosu kavaʼmo Goti keʼaepa geʼamo amagiʼa neʼatalaya kavaʼmo haneʼniye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ