Lomu 4:2 - The Keyagana NT and 25 OT books

² Haʼao. Gotiʼa Emalehamuʼmo alagepa kavaʼmo huʼniya kavatetiʼmo, naulagaleʼmo fatago vekamo maiʼnane, huno huʼniyesinana Emalehamuʼa agaiʼa agiʼaleʼmo afaʼa alino asaga huno ateʼniyesine. Ateʼniyesinaʼmonanafa Emalehamuʼa Goti aulagaleʼmo agiʼaleʼmo afaʼa alino asaga osugiye.

Lomu 4:2 ပူးပေါင်းရင်းမြစ်များ

Aepa Gemae 12:18

Kini vekaʼmoʼmo Emalemifeʼmo ge huʼnigeno egenoʼaeʼmo ina ge huno ha paiʼniye. Nagaetegamo na agufa kavaʼmo huʼnane. Na kava higekaeʼmo aʼnimo maiʼniye, huka naha opaiʼnane.

Aepa Gemae 12:20

Kini vekamoʼmo vayaʼaeʼmo hapa paiʼnigeʼapaeʼmo aliʼa hafaiʼa ataleʼnageno Emalemiʼa aʼagi muki vayaʼagi kagemi yaʼagi huno apavalelino uʼniye.

Lomu 15:17

Mani aliʼyaʼmo neʼaluvaʼmofeʼmo Goti aliʼyaʼamo neʼaluva kavatefeʼmo Kalaisi Yesuʼa naha maeʼniya kavatetiʼmo afaʼa hao ke hegauve.

1 Kolitiyani 1:29

Muki vayaʼmogimo apakaiʼapiekeʼmo apamogaga oʼaisayafeʼmo nehiye.

1 Kolitiyani 1:31

Ani kava nehiyaʼmofeʼmo avoʼmo kae maleʼniya gemoʼa hunoʼaeʼmo, Muki hapao ke heteʼa apamogaga neʼaiya vayaʼmogimo Ala kava nefekeʼmo hao ke heteʼa apamogaga aiyo, huno huʼniye.

1 Kolitiyani 4:7

Ina laʼmo aeto agufa vayaʼmo alino hamaleno lapateʼniye. Na agufa yaʼmo aliʼnaya yatapimo Gotiʼa olapamiʼniye. Haʼao, muki yatimo lamiʼniye, hutapa nehisayana na kava higetapaeʼmo olapamiʼniyesina agufa kavatefeʼmo lapakitapileʼmo alitapa asaga hutapa nelapatae.

1 Kolitiyani 9:16

Alagepa faigoko geʼamo aeʼna hakalo huʼna hapa nepauvaʼmofeʼmo amuse hisuva kavaʼmo afaʼa ohaneʼniye. Alagepa faigoko geʼamo aeʼna hakalo huʼna hapa paisuvafeʼmo Gotiʼa kalavusi huno nateʼniyaʼmofeʼmo alu katetiʼmo afaʼa faiʼna kasalo paeʼna visuva kaʼmo alagi ohaneʼniye. Vaehae, huʼna, alagepa faigoko geʼamo aeʼna hakalo huʼna hapa opaisuvana nagaetegamo hosu kavaʼmo afole aisigeʼna alagepa huʼna oʼmaiguve.

2 Kolitiyani 11:12

Mago vayaʼmogimo apakaiʼapieʼmo apamogaga aisaya kaʼmo agesayafeʼmo, magoke agufa aliʼyaʼmo neʼalune, huʼa huteʼa apamogaga oʼaisayafeʼmo lapakae yaʼmo oʼaliʼnovanageʼna alagi oʼaliguve.

2 Kolitiyani 11:30

Alopa kaʼmo ohaneʼnisigeʼna nagaiʼnieʼmo namogaga aisuva kaʼmo haneʼnisiyaʼmoʼmo lokiya noʼvauva kavafeʼmo namogaga aiʼna ge huguve.

2 Kolitiyani 5:12

Halate hutaeʼmo, alagepa aliʼyaʼmo neʼalune, huta lagitileʼmo alita asaga huta atesunafeʼmo nosupa lapamogaga aita latesayafeʼmo mani gemo nehune. Lapakaemo apaipafiʼmo haneʼniya kavafeʼmo apamogaga oʼaiʼa amega apakufaleʼmo nehaneya kavafeʼmo apamogaga neʼaiya vayaʼai geʼapileʼmo afaʼa aeta atagaina hutapa hapa paisayafeʼmo mani gemo nehune.

Galesiya 3:22

Huʼniyesinaʼmonanafa Goti mukufiʼmo avoʼmo kae maleʼniya gemoʼa hunoʼaeʼmo, hosu kavaʼmoʼa muki ma mopafi vayaʼmo kalavusi huno apateʼniye. Yesu Kalaisifekeʼmo apakesamo afiʼa fatago nehaya kavatetiʼmo fikumo hapa maeʼna apamiguve, huno hu maleʼniya yaʼmo apakesamo afiʼa fatago nehaya vayaʼmo alino apamisiyafeʼmo kalavusi huno apateʼniye.

Efasasi 2:9

Gotiʼa vayaʼmogimo apakiʼapileʼmo aliʼa asaga osisayafeʼmo alagepa kavaʼapiletiʼmo apakufamo alino katino noʼapate.

Filipai 3:9

Nagaemo keʼaepa gemo akame huteʼna nagaiʼni fatago kavaʼnimo aliʼnovanageno atupa afinaʼmo Gotiʼa nagesiyafeʼmo oʼnahauʼniye. Kalaisifekeʼmo nagesamo afiʼna fatago huʼnova kavatetiʼmo Gotitegatiʼmo fatago kavaʼamo aliʼnovanageno Gotiʼa Kalaisipiʼmo nagesiyafeʼmo nahauʼniye.

Yasuva 24:2

Yasuvaʼa muki vayaʼaifeʼmo ina gemo huno hapa painoʼaeʼmo, Ala kava neʼmo Isaleli vayaʼmogi Gotiʼapimoʼmo hunoʼaeʼmo, Akeyaʼvilagamo lapakinago vayaʼmo Yufaletisi aniʼmo mugagayaga faligamo maiʼneʼapaeʼmo alu gotigitefeʼmo monoʼmo huʼnae. Ina kava huno Tilaʼmo Emalehamuʼe Nehaʼeʼmo afoʼanimoʼmo maiʼniye.