Lomu 4:11 - The Keyagana NT and 25 OT books

¹¹ Emalehamuʼa agufamo olagauʼniya vekamo maiʼnenoʼaeʼmo agesamo afino fatago huteno fatago kavaʼamo aliʼniye. Fatago kavaʼamo aliʼniya alagena kavaʼmo haneʼniyana agufamo lagauʼniya alagena kavaʼmo aliʼniye. Mani alagena kavaʼmo aune kavaʼmo haneʼniyana, fatago vekamo maiʼniye, huno alino apave neliya kavaʼmo haneʼniye. Apakufamo olagauʼnaya vayaʼai aepa vekamo maisigeno Gotiʼa apakaeʼeʼmo fatago kavaʼamo apamisayafeʼmo ani kava huno maiʼniye.

Lomu 4:11 ပူးပေါင်းရင်းမြစ်များ

Aepa Gemae 17:24

Emalehamuʼa naeti naeniʼa kafugamo maiʼnigeno Isameliʼa tetiniʼa kafugamo maiʼnigeno huʼneʼanaeʼmo anakufamo lagauʼnaʼae.

Samu 47:9

Muki vayaʼmogi kini vayaʼapimo eʼa aliʼa anupa huʼnae. Emalehamu Gotiʼamo vayaʼamo eʼa aliʼa anupa huʼa maiʼnae. Gotiʼmo muki ami vayaʼmo aeno apaka seʼniyaʼmofeʼmo alagi hogote kini vekamo maiʼniye.

Hatu maeno apate'niya gemae 12:13

Ani kolatetiʼmo notapimo kipa yosaleʼmo falesageno lapakae alagena yaʼmo hanegaiye. Nagaemo Isipi vayaʼmo apamagisuva afinaʼmo kolaʼmo ageteʼnaeʼmo lapakaseʼna visugeno ani kaitaʼmo olahapaugiye.

Matiyu 16:16

Saimoni Pitaʼa geʼaleʼmo aeno atagaina hunoʼaeʼmo, Kalaisi vekamo maiʼnane. Maige maige huno neʼmaiya Goti mafaʼneʼamo maiʼnane, huno ha paiʼniye.

Matiyu 8:11

Lapa nepauve, huno, asole vayaʼmo Yu nofi vayapatiʼmo oʼmaiʼnaya vayaʼmo yegemo haine neʼeya kotegatiʼmo ege yegemo uno lamino nefaleya kotegatiʼmo ege huʼa Gotiʼa yagaino neʼapateya kopiʼmo uʼa haiʼa Emalehamuʼagi Aisikiʼagi Yekopuʼagi huʼa magokepi lokaeʼa maiʼneʼa neʼyaʼmo neʼa maigayaʼmonanafa

Luki 19:9

Yesuʼa hunoʼaeʼmo, Emalehamu aginago vekamo maiʼniyaʼmofeʼmo ani afinaʼmo mani afamo anagaʼai apakufamo ago aliʼna katiʼna apateʼnove.

Yoni 3:33

geʼamo neʼafiya vayaʼamogigeʼmo huʼapaeʼmo, Gotiʼa lama gemo nehiye, huʼa huʼnae.

Yoni 3:36

Muki vayaʼamogi Mafaʼneʼaeʼmo apakesamo afiʼa fatago nehisaya vayaʼmogimo alagepa huʼa maige maige huʼa maisaya yaʼmo ago aliʼnae. Muki vayaʼmogimo Mafaʼneʼamo geʼamo akame nosisaya vayaʼmo Gotiʼa aipamo leno neʼapateya kavaʼamo apakaeteʼmo alagi hanege hanege huno hanegaiyaʼmofeʼmo alagi alagepa huʼa maige maige huʼa oʼmaigae.

Yoni 6:35

nagaemo afaʼa maisaya yaʼmo neʼapamiya peleti mayagana huʼna maiʼnove. Nagaetegamo esaya vayaʼmo apaka otegaiye. Nagaefeʼmo apakesamo afiʼa fatago nehisaya vayaʼmo anifeʼmo alagi ohapaugiye.

Yoni 6:40

Alino nateʼnigeʼna emiʼneʼnova vekamoʼa hauʼniyanageʼa muki vayaʼamogi Mafaʼneʼamo ageʼa aeto huteʼapaeʼmo agaefeʼmo apakesamo afiʼa fatago nehisaya vayaʼmo afaʼa maige maige huʼa maisaya yaʼmo aligae. Aliʼnisageʼna ma mopamo hano hisiya afinaʼmo aliʼna he tiʼna apategauve, huno hapa paiʼniye.

Yoni 6:47

Alagi lama ge lapa nepauve, huno, Apakesamo afiʼa fatago nehaya vayaʼmo afaʼa maige maige huʼa maisaya yaʼmo ago aliʼnae.

Yoni 8:33

Hapa paiʼnigeʼapaeʼmo, Emalehamu aginago vayaʼamo maiʼnonageʼapaeʼmo kalavusi huʼa olateʼnae. Na kava higekaeʼmo, afa vayaʼmo maigae, huka nehane, huʼa afi geʼnagenoʼaeʼmo

Lomu 10:11

Ani kavatefeʼmo Goti mukufiʼmo avoʼmo kae maleʼniya gemoʼa hunoʼaeʼmo, Ina lagimo agaefeʼmo apakesamo afiʼa fatago nehisafigeʼa apavagage osuge hapai oʼvaige hugae, huno avoʼmo kae maleʼniye.

Lomu 10:4

Kalaisiʼa muki apakesamo afiʼa fatago nehaya vayaʼmogi fatago kavaʼmo alisayafeʼmo apakae apaimuʼyaleʼmo Goti keʼaepa geʼamo ago akame huno hano huʼniye.

Lomu 10:6

Kae maleʼniyaʼmonanafa vayaʼmogi apakesamo afiʼa fatago nehaya kavatetiʼmo fatago kavaʼamo alisaya kavatefeʼmo ava gemo hunoʼaeʼmo, ina laʼmo uno haino Kalaisiʼmo avalelino eminesiyafeʼmo kokuʼnapiʼmo uno haigiye, hutapa lapakesa oʼafiyo. Ago emineʼniyaʼmofeʼmo ani agufa kavaʼmo hisaya aliʼyatapimo ohaneʼniye.

Lomu 3:22

Gotiʼa mani fatago kavaʼamo Yesu Kalaisifeʼmo apakesamo afiʼa fatago nehaya kavatetiʼmo muki apakesamo afiʼa fatago nehaya vayaʼmo apamiʼnigeno apakaeteʼmo haneʼniye. Hailami salami huʼa noʼmaifa magoke aiyaya vayaʼmo maiʼnayaʼmofeʼmae.

Lomu 3:26

He, hemenimo Gotiʼa fatago kavaʼamo ago alino lave nelinoʼaeʼmo Yesufeʼmo lagesamo afita fatago nehuna vayaʼmogitaeʼmo hunoʼaeʼmo, naulagaleʼmo fatago vayaʼmo maiʼnae, huno nehunoʼaeʼmo, fatago vekamo maiʼnove, huno alino lave lisiyafeʼmo Yesuʼa afole yateʼmo ago alino afole aino ateʼniye.

Lomu 3:30

Gotiʼa magokeʼageʼmo maiʼniyanageno Yu vayaʼmogi apakesamo afiʼa fatago nehaya kavatetiʼmo apakaefeʼmo hunoʼaeʼmo, naulagaleʼmo fatago vayaʼmo maiʼnae, huno huge Yu nofi vayapatiʼmo oʼmaiʼnaya vayaʼmogiʼeʼmo apakesamo afiʼa fatago nehaya kavatetiʼmo apakaefeʼmo hunoʼaeʼmo, naulagaleʼmo fatago vayaʼmo maiʼnae, huno huge hugiye.

Lomu 4:10

Ani afinaʼmo Emalehamuʼa haiya kava huno maiʼniye. Agufamo lagauʼniya vekamo maiʼnifi agufamo olagauʼniya vekamo maiʼniye. Agaemo agufamo lagauʼniya vekamo oʼmaiʼnifa agufamo olagauʼniya vekamo maiʼniye.

Lomu 9:30

Nehuva gemo aepaʼaeʼmo huʼnaeʼmo, Alu nofi vayaʼmogimo fatago kavaʼmo alisagenoʼaeʼmo Gotiʼa hunoʼaeʼmo, naulagaleʼmo fatago vayaʼmo maiʼnae, huno hisiyafeʼmo vegala oʼaeʼnayaʼmonanafa apakesamo afiʼa fatago huʼnaya kavatetikeʼmo Gotitegatiʼmo fatago kavaʼamo aliʼnae.

Lomu 9:33

Goti mukufi gemoʼa hunoʼaeʼmo, Afiyo, huno, nagaemo Saiyoni taonifiʼmo noʼmo faiʼna atesuva yafaʼmo malegauve. Maleʼnisugeʼapaeʼmo apaiyamo faiʼa lo aeteʼa asagauʼa aigayaʼmonanafa ina lagimo agaefeʼmo apakesamo afiʼa fatago nehisafigeʼa apavagage osuge hapai vaiʼa oʼatege hugae, huno huʼniye.

Lomu 9:6

Nagaemo huʼnaeʼmo, Gotiʼa Emalehamufeʼmo kotalake gemo ha paiʼniya gemo afole oʼaiʼniye, huʼna nosuve. Muki Isaleli nofi vayapatiʼmo afole aiʼnaya vayaʼmogimo mago lama ge Isaleli vayaʼmo oʼmaiʼnae.

Galesiya 3:22

Huʼniyesinaʼmonanafa Goti mukufiʼmo avoʼmo kae maleʼniya gemoʼa hunoʼaeʼmo, hosu kavaʼmoʼa muki ma mopafi vayaʼmo kalavusi huno apateʼniye. Yesu Kalaisifekeʼmo apakesamo afiʼa fatago nehaya kavatetiʼmo fikumo hapa maeʼna apamiguve, huno hu maleʼniya yaʼmo apakesamo afiʼa fatago nehaya vayaʼmo alino apamisiyafeʼmo kalavusi huno apateʼniye.

Galesiya 3:29

Lapakaemo Kalaisi vayaʼamo maiʼnisayana Emalehamu aginago vayaʼmo maiʼnae. Mafaʼneʼapimogimo afoʼapimogi muki maleʼnaya yaʼapimo neʼaliya kava hutapa Gotiʼa fikumo kaha maeʼna kamiguve, huno ha paiʼniya polomasi geletiʼmo muki yaʼamo afaʼa aligae.

Galesiya 3:7

Huno ha paiʼniyaʼmofeʼmo apakesamo afiʼa fatago nehaya vayaʼageʼmo Emalehamu aginago vayaʼamo maiʼnae, hutapa lapakesamo afiyo.

Galesiya 5:5

Inagi Gotiʼa hunoʼaeʼmo, naulagaleʼmo fatago vayaʼmo maiʼnae, huno laha paisiyafeʼmo Goti Aunemeʼaletiʼmo lagesamo afita fatago nehutaeʼmo lavayagunagu huta agava neʼmaune.

Galesiya 6:16

Gotiʼa mani avoʼmo nekaova gemo akame nehisaya vayaʼmo agaiʼa vayaʼmo muki lama ge Isaleli vayaʼaifeʼmo hau huno apatenageʼa apaipamoʼmo falu hino.

Efasasi 1:13

Ani kava hutapa lapakaeʼeʼmo alagi mani lama gemoʼmo lapau neʼvaiya kavatefeʼmo alagepa faigoko geʼamo afitetapaeʼmo alita amufa amiʼnae. Lapakaemo Kalaisifeʼmo lapakesamo afita fatago huʼnagenoʼaeʼmo Gotiʼa polomasi gemo hunoʼaeʼmo, Nauneʼnameʼmo apamiguve, huno hu maleʼniya Aunemeʼamo lapamitenoʼaeʼmo lapaipafiʼmo alagena yaʼamo ago hu maletenoʼaeʼmo, vayaʼnimo maiʼnae, huno lapa paiʼniye.

Efasasi 4:30

Gotiʼa henagaʼamo lapavalesiya afinafeʼmo Aunemeʼaletiʼmo lapakaeteʼmo alagena kavaʼamo ago hu maletenoʼaeʼmo, mafaʼneʼnimo maiʼnae, huno huʼniyaʼmofeʼmo Aote Aunemeʼamoʼmo aipamoʼmo kana hisiya kavaʼmo osiyo.

Filipai 3:9

Nagaemo keʼaepa gemo akame huteʼna nagaiʼni fatago kavaʼnimo aliʼnovanageno atupa afinaʼmo Gotiʼa nagesiyafeʼmo oʼnahauʼniye. Kalaisifekeʼmo nagesamo afiʼna fatago huʼnova kavatetiʼmo Gotitegatiʼmo fatago kavaʼamo aliʼnovanageno Gotiʼa Kalaisipiʼmo nagesiyafeʼmo nahauʼniye.

Himulu 11:7

Gotiʼa muki vayaʼmogimo oʼageʼnaya kavafeʼmo Noafeʼmo hunoʼaeʼmo, ehekae, huno, hosu vayaʼmo alagi aliʼna hano huʼna apatalegauve, huno ha paiʼnigeno Noaʼa lusi kava huno amoʼyamo aliʼnigeno agesamo afino fatago huʼniyaʼmofeʼmo afamo anagaʼamogi apakufamo alino katino apatesiyafeʼmo mago alopa sipimo alo huʼniye. Ani kavaʼmo huʼniya kavatetiʼmo ma mopafi vayaʼaifeʼmo, lapakaemo hosu kavaʼmo nehayanagetapa faligae, huno alino apave liʼniye. Agaemo Gotitegatiʼmo fatago kavaʼmo apakesamo afiʼa fatago nehageno neʼapamiya agufa fatago kavaʼmo aliʼniye.

2 Pita 1:1

Nagaemo Saimoni Pitaʼnamo Yesu Kalaisi aliʼyaʼamo neʼaluva vekamo maiʼneʼna apa vekaʼamo maiʼnove. Gotiʼa lagufamo alino katino nelateya Gotitimoʼa Yesu Kalaisi fatago kavaʼaletiʼmo fikumo lapamaeno lapamiʼnigetapa lapakesamo afita fatago huʼnaya vayaʼamogitapaeʼmo mani gemo avoʼmo nekaove. Lapakesamo afita fatago nehaya kavatapimo alopa monileʼyaʼmo aeno agaseʼniya kavaʼe lagesamo afita fatago nehuna kavatiʼeʼmo magoke aiyaya kavaʼmo haneʼniye.

Leveleseni 9:4

Apakaefeʼmo, ma mopafi kahaugi hegafatalili yanagi yosagi hutapa alita hosu hutapa oʼateyo. Goti alagena yaʼamo hapanileʼmo ohaneʼnisiya vayaʼageʼmo hapaeyo, huno hapa paiʼniye.