Lomu 3:9 - The Keyagana NT and 25 OT books

⁹ Inagi lagaemo Yu vayaʼmogita aeta apakaseta alagepa vayaʼmo maiʼnopiye. Haʼao, hosu kavaʼmoʼa Yu vayaʼmogitaʼe Yu nofi vayapatiʼmo oʼmaiʼnaya vayaʼeʼmo aeno lagaseno yagaino lateʼniye, huʼna aliʼna lapave liʼnove.

Lomu 3:9 ပူးပေါင်းရင်းမြစ်များ

Mai'naya kavane 20:9

Ina laʼmo hunoʼaeʼmo, nagaemo naipafatiʼmo hosu kavaʼnimo aeʼna kalo paeʼna ataleʼnogeno naipafiʼmo hosu kavaʼnimo ohaneʼnigeno yaveyave naipamo haneʼniye, huno afaʼa hugiye.

Aiyeya 65:5

Apakaemo alu vayaʼaifeʼmo ina gemo huʼa hapa paiʼapaeʼmo, Nagaemo aeʼna kaga seʼna alagi alagepa naote vekamo maiʼnovaʼmofeʼmo lapakaemo nagaeteʼmo afagiʼaleʼmo maitetapa nagaetegamo oʼmeyo. Apakaemo nagaemo lusi kava huno naipamo lesiya agufa kavaʼmo nehagenoʼaeʼmo naipamo neleya kavaʼmoʼa nagoʼya kapatiʼmo halinamo neʼaiye. Muki neteʼe uneʼeʼmo naipamo lena neʼapatove.

Luki 7:39

Yesufeʼmo hunoʼaeʼmo, eno, huno ge huʼniya Falasi vekamoʼmo agetenoʼaeʼmo, ani vekamo Gotitegati gemo alinineno aeno hakalo huno hapa nepaiya vekamo maiʼniyesinana haiya agufa a kanomoʼmo eno name neʼalifi huno ageteno hosu kavaʼmo nehiya a kanomo maiʼniye, huno ageʼniyesine, huno aipafiʼmo agesamo afiʼniye.

Lomu 1:18

Kokuʼnapatiʼmo Gotiʼa aipamo leno neʼapateya kavaʼamo alino apave neliye. Gotiʼa agaefeʼmo muki mono nosaya kavaʼe muki vayaʼaitegamo muki hosu kavaʼmo nehaya kavateʼefeʼmo aipamo leno neʼapate. Apakaemo hosu kavaʼapiletiʼmo lama geʼamo apaipafiʼmo haneʼniya lama geʼaleʼmo aliʼyaʼmo oʼalisiyafeʼmo aeʼa akaniʼa neʼatae.

Lomu 11:32

Gotiʼa muki vayaʼaifeʼmo hau huno apatesiyafeʼmo muki vayaʼmo kalavusi huno apateʼnigeʼa geʼamo amagiʼa neʼatalae.

Lomu 11:7

Ani kava nehiyaʼmofeʼmo na kavafeʼmo ava gemo haneʼniye. Isaleli vayaʼmogimo kahauya huʼnayana oʼaliʼnae. Lekana paino apateʼniya Isaleli vayaʼmogigeʼmo aliʼnayaʼmonanafa alu Isaleli vayaʼmogi apaipamoʼmo lokiya vaiʼniye.

Lomu 2:1

Veʼnimogae, huʼna, kagaemo vayaʼai hosu kavaʼapimo agetekaeʼmo alika fako huka apatetekaeʼmo, hosu kavaʼmo nehae, huka nehukaeʼmo kagaikaʼefeʼmo ani gemo nehane. Magoke agufa hosu kavaʼmo nehanaʼmofeʼmae. Kagaemo hosu kavaʼmo nehae, huka nehana vekamogamo magoke agufa hosu kavaʼmo nehanaʼmofeʼmo ina lagamo maiʼnapigeka agotileʼmo he tika maiʼnekaeʼmo, nagaemo hosu kavaʼmo huʼnofi, huʼna oʼageʼnove, huka aeka ati okaegane.

Lomu 3:1

Mani gemo nehuvaʼmofeʼmo Yu vayaʼmogimo alu nofi vayaʼmo aeʼa apakasesayafeʼmo hapa maesiya yaʼmo oʼaliʼnafiye. Apakufamo lagauʼnaya kavaʼmoʼa haiya kava huno hapa maegaiye.

Lomu 3:19

Ago afiʼnonana Gotiʼa keʼaepa geʼaletiʼmo keʼaepa geʼamo afeʼalumelagamo maiʼnaya vayaʼaifeʼmo hapa nepaiye. Apakaemo geʼaleʼmo aeʼa atagaina huʼa ge osuʼa ani gemo huʼa ha paiʼapaeʼmo, Goti aulagaleʼmo hosu kavaʼmo huʼnonanageno kayoʼmo lamigiye, huʼa hisayafeʼmo hapa nepaiye.

Lomu 3:5

Lagaemo Yu vayaʼmogita hosu kavaʼmo huʼnisunana Goti fatago kavaʼamo vayaʼai apaulagaleʼmo magoʼe huno afole aiʼnisiyana na agufa gemo hugune. Gotiʼa anonatilefeʼmo kayoʼmo nelamisigetaeʼmo, hosu kavaʼmo nehiye, huta ma mopafi vayakana huta gemo hisupiye.

Lomu 6:15

Inagi lagaemo na agufa kavaʼmo hugune. Keʼaepa gemo afeʼalumelaga oʼmaita Gotiʼa fikumo laha maeno nelamiya kavaʼmo afeʼalumelagamo neʼmaunaʼmofeʼmo hosu kavaʼmo hisupiye. Haʼao, alagi atalegeno hano hino.

Lomu 7:14

Ago afiʼnonana Goti Aunemeʼamo haiya agufa aipaʼe vekamo maiʼnifi huno ani kavaʼmo huno Goti keʼaepa geʼamo haneʼniye. Haneʼniyaʼmonanafa nagaemo atafa naipaʼe vekamo maiʼnove. Na kava higeʼnaene. Naipafiʼmo haneʼniya hosu kavaʼnimoʼmo kalavusi huno nateʼnigeʼna aliʼyaʼamo aliʼna maiʼnove.

1 Kolitiyani 10:19

Geʼnimo aepaʼamo na agufa gemo hisuve. Malaga vayaʼaifeʼmo nehuvana aigofe gotiʼapimogimo neʼapamiya ofalinimo lama ge yaʼmo haneʼniye huʼna nehufi aigofe gotiʼapimogimo lama ge yaʼmo haneʼniye, huʼna nehuve.

1 Kolitiyani 14:15

Oʼaegaiyaʼmofeʼmo na agufa kavaʼmo huguve. Nauneʼnamepatiʼe nagesafatiʼeʼmo nunumuʼmo huguve. Nauneʼnamepatiʼe naipa nagesafatiʼeʼmo yokemo huguve.

1 Kolitiyani 4:7

Ina laʼmo aeto agufa vayaʼmo alino hamaleno lapateʼniye. Na agufa yaʼmo aliʼnaya yatapimo Gotiʼa olapamiʼniye. Haʼao, muki yatimo lamiʼniye, hutapa nehisayana na kava higetapaeʼmo olapamiʼniyesina agufa kavatefeʼmo lapakitapileʼmo alitapa asaga hutapa nelapatae.

Galesiya 3:10

Goti Mukufiʼmo avoʼmo kae maleʼniya gemoʼmo hunoʼaeʼmo, Ina lagimo muki afinaʼmo muki keʼaepa geʼamo akame huʼa hano nosisafigeno Gotiʼa lifana huno neʼapate, huno huʼniyaʼmofeʼmo Goti keʼaepa gemo akame nehaya kavaʼapilefeʼmo aliʼa amufa amiʼnaya vayaʼaifeʼmo lifana huno apateʼniye.

Galesiya 3:22

Huʼniyesinaʼmonanafa Goti mukufiʼmo avoʼmo kae maleʼniya gemoʼa hunoʼaeʼmo, hosu kavaʼmoʼa muki ma mopafi vayaʼmo kalavusi huno apateʼniye. Yesu Kalaisifekeʼmo apakesamo afiʼa fatago nehaya kavatetiʼmo fikumo hapa maeʼna apamiguve, huno hu maleʼniya yaʼmo apakesamo afiʼa fatago nehaya vayaʼmo alino apamisiyafeʼmo kalavusi huno apateʼniye.

Filipai 1:18

Afaʼa ina agufa kavaʼmo haneʼniye. Hosu apaipafatiʼmo Kalaisifeʼmo ava gemo aeʼa hakalo huʼa hapa nepaifi lama ge apaipafatiʼmo Kalaisifeʼmo ava gemo aeʼa hakalo huʼa hapa nepaisafigeʼa kanalene. Kalaisifeʼmo ava gemo aeʼa hakalo huʼa hapa nepaiyaʼmofeʼmo namogaga neʼauve. He, magoʼe huʼna namogaga aiguve.