Lomu 3:5 - The Keyagana NT and 25 OT books

⁵ Lagaemo Yu vayaʼmogita hosu kavaʼmo huʼnisunana Goti fatago kavaʼamo vayaʼai apaulagaleʼmo magoʼe huno afole aiʼnisiyana na agufa gemo hugune. Gotiʼa anonatilefeʼmo kayoʼmo nelamisigetaeʼmo, hosu kavaʼmo nehiye, huta ma mopafi vayakana huta gemo hisupiye.

Lomu 3:5 ပူးပေါင်းရင်းမြစ်များ

Aepa Gemae 18:25

Kagaemo fatago vayaʼe hosu vayaʼeʼmo magokepiʼmo alika lokaeka kamitimo apamagisanafeʼmo nehana kavaʼmo kagaemo alagi nosana agufa kavaʼmo hugane. Kagaemo fatago vayaʼaitegaʼe hosu vayaʼaitegaʼeʼmo magoke aiyaya kavaʼmo nosane. Kagaemo ma mopafi vayaʼmo alika fako nehana yasi vekamogamo fatago kavaʼmo alagi osugapiye, huno huʼniye.

Neyomi 1:2

Ala kava neʼmo kaino gemo nehiya Gotiʼa hosu kavaʼmo anonaʼapilefeʼmo kayoʼmo neʼapamiye. Ala kava neʼmoʼa lusi kava huno aipamo leʼnigenoʼaeʼmo anonaʼapilefeʼmo kayoʼmo neʼapamiye. Ala kava neʼmoʼa kame huʼa atesaya vayaʼmo hosu kavaʼmo anonaʼapilefeʼmo kayoʼmo apamigiye. Agaemo kame vayaʼaeʼmo aipamo leno neʼapateyanageno kayoʼmo apamisiya afinafeʼmo agava maiʼniye.

Lomu 12:19

Nahau nayamopafiʼmo nahauʼniya vayaʼnimogitapae, huʼna, hosu kavaʼmo anonaʼapilefeʼmo hosu kavaʼmo aetapa atagaina huta osutapa Gotiʼa apamisiyafeʼmo maitapa halove huta ategenoʼao. Ani kavatefeʼmo Goti geʼamoʼmo hunoʼaeʼmo, Ala kava neʼmoʼa, Hosu kavaʼmo anonaʼapileʼmo apamisuva aliʼyaʼnimo nagaiʼni aliʼyaʼmo haneʼniye. Anonaʼapileʼmo aeʼna atagaina huʼna apamiguve, huno hu maleʼniye, huno huʼniye.

Lomu 2:5

Kaipamo alika afe oleʼnanaʼmonanafa kaipamoʼmo lokiya vaiʼnigeka afaʼa maiʼnekaeʼmo Gotiʼa aipamo leno nekateya kayoʼmo alo huka maleme maleme neʼanagenoʼaeʼmo ko nesiye. Gotiʼa aipamo leno neʼapateyanageno vayaʼai apaulagaleʼmo alino alagepa huno agoti huno apatesiya afinaʼmo mani kayoʼmo kamigiye.

Lomu 3:19

Ago afiʼnonana Gotiʼa keʼaepa geʼaletiʼmo keʼaepa geʼamo afeʼalumelagamo maiʼnaya vayaʼaifeʼmo hapa nepaiye. Apakaemo geʼaleʼmo aeʼa atagaina huʼa ge osuʼa ani gemo huʼa ha paiʼapaeʼmo, Goti aulagaleʼmo hosu kavaʼmo huʼnonanageno kayoʼmo lamigiye, huʼa hisayafeʼmo hapa nepaiye.

Lomu 3:7

Mago Yu vayaʼmogi, hosu kavaʼmo huʼnisunagenoʼaeʼmo Goti fatago kavaʼamo vayaʼai apaulagaleʼmo magoʼe huno afole aiʼnisiyana na kava higeno agoti huno lategaiye.

Lomu 4:1

Mani kavatefeʼmo laginago vekamo Emalehamuʼa agaiʼa agufaletiʼmo aliʼniye, huta hisupiye.

Lomu 5:8

Faliʼa apategayaʼmonanafa hosu kavaʼmo nehuna vayaʼmo maiʼnonagenoʼaeʼmo Kalaisiʼa falino lateʼniya kavatetiʼmo Gotiʼa lagaefeʼmo hau ayamopafiʼmo hauʼniya kavaʼamo ago alino lave neliye.

Lomu 6:1

Inagi lagaemo hemenimo na agufa gemo hugune. Gotiʼa magoʼe huno fikumo laha maeno lamisiyafeʼmo hosu kavaʼmo magoʼe huta huge huge huta maigune, huta hisupiye.

Lomu 6:19

Alagepa hutapa oʼafisaya agufa vayaʼmo maiʼnayaʼmofeʼmo ma mopafi kavafeʼmo aeʼna kalafefa gemo nehuve. Lapakaemo hogotetapa lapakufafi haneʼniya alu ya alu yaʼatapimo hosu kavaʼmo ayapiʼmo maletetapa kalavusi aliʼyaʼamo neʼaliya vayaʼmo maiʼnetapaeʼmo hosu kavaʼmo huge Goti geʼamo amagitapa atalege hutapa maiʼnaya kava hutapa hemenimo lapakufafi haneʼniya alu ya alu yaʼatapimo alita Goti ayapiʼmo maletetapa fatago kavaʼmo hutapa kalavusi aliʼyaʼamo neʼaliya vayaʼmo maigenoʼao lapaote kavatapimo afole aino.

Lomu 7:7

Ani kavaʼmo nehiyaʼmofeʼmo keʼaepa geʼaeʼmo hosu gemo haneʼniye, huta hisupiye. Haʼao, alagi atalegeno hano hino. Goti keʼaepa geʼamoʼa hosu kavaʼnimo alino nave oliʼniyesinana oʼageʼnovesine. Keʼaepa gemoʼa, lahapaʼye osino, huno osuʼniyesinana naipafiʼmo nahaʼye nehiya kavaʼnimo oʼageʼnovesine.

Lomu 8:31

Ani kavaʼmo nehiya kavatefeʼmo na agufa gemo hugune. Gotiʼa lagaekeʼmo laha neʼmaeyaʼmofeʼmo haiya vayaʼmogimo lagaefeʼmo kame huʼa lategae.

Lomu 9:30

Nehuva gemo aepaʼaeʼmo huʼnaeʼmo, Alu nofi vayaʼmogimo fatago kavaʼmo alisagenoʼaeʼmo Gotiʼa hunoʼaeʼmo, naulagaleʼmo fatago vayaʼmo maiʼnae, huno hisiyafeʼmo vegala oʼaeʼnayaʼmonanafa apakesamo afiʼa fatago huʼnaya kavatetikeʼmo Gotitegatiʼmo fatago kavaʼamo aliʼnae.

1 Kolitiyani 15:32

Nagaemo Efasasi taonifiʼmo maiʼneʼnaeʼmo ma mopafi vayakana huʼna afela afu anagaʼaitegamo kamemo huʼnovaʼmonanafa faliʼnaya vayaʼmo he otigaesinana naha oʼmaeʼniyesine. Faliʼnaya vayaʼmo he otigaesinana lagaemo, egamo afaʼa faligunaʼmofeʼmo neʼyaʼmo nege aniʼmo nege huta higetao, huta afaʼa nehunesine.

1 Kolitiyani 9:8

Ma mopafi kavafeʼmo aeʼna kalafefa gemo nehuvaʼmonanafa Goti keʼaepa geʼamoʼa mani kavafeʼmo magoke agufa gemo huʼniye.

2 Kolitiyani 6:4

Goti aliʼyaʼamo alagepa huʼa neʼaliye, huʼa lagesayafeʼmo alu alagepa kava alu alagepa kavaʼmo nehune. Lagaemo oʼataleta atafauta alagi huta maige hanageke yaʼmo alige kafu huge kana yaʼmo alige nehune.

2 Kolitiyani 7:11

Afiyo, huʼna, Gotiʼa hauʼniya agufa lapaipa kana huʼniya kavaʼmoʼa lapaipafiʼmo malage huno aliʼyaʼmo aliʼnigetapaeʼmo lapakaemo huʼnaya kavafeʼmo he titapa ava ge hutetapa lapakaitapieʼmo ge lapautetapa koli lapaipamo kaliʼnigetapaeʼmo hosu kavatapimo alitapa atalesayafeʼmo lusi kava huno lapauʼnigetapa lapayamukiki hutapa kayoʼmo amisayafeʼmo huʼnae. Alu alagepa kava alu alagepa kavaʼmo nehutapaeʼmo alagi alagepa hutapa alita api aita ateʼnae.

Galesiya 2:18

Lagaemo heta halagape vaita ataleʼnona yaʼmo halate alita he tita atesunaʼmoʼmo hosu kavakeʼmo hugune.

Galesiya 3:15

Konagaʼnimogitapae, huʼna, alagepa hutapa afisayafeʼmo ma mopafi kavafeʼmo huʼna aeʼna kalafefa gemo hugesuve. Ma mopafi vayaʼmogi mago kotalakemo hu maleteʼa apakiʼapimo avoʼmo kae maleʼnisayaʼmoʼmo mago vayaʼmogi afaʼa aeʼa kalo opaegae. Mago vayaʼmogi afaʼa aliʼa oʼatalege alu gemo aliʼa magokepiʼmo avoʼmo kaeʼa oʼmalege hugae.

Leveleseni 15:3

Apakaemo Moseseʼa Goti aliʼyaʼamo neʼaliya vekamo yokemo aikeli sipisipimo yokeʼamo huʼnae. Ani yokemo huʼapaeʼmo, Ala kava neʼmo kayamufaʼage Gotigae, huʼa, Magoʼe kavaʼmo nehanageʼapaeʼmo hapau neʼaiye. Apaote vayaʼaiteʼmo yagaika neʼapatana ala kini vekaʼapimogae, huʼa, nehana kavakamo kanale kavaʼageʼmo haneʼnigeka lama ge kavaʼmo nehane.

Leveleseni 18:20

Kokuʼnapi vayanagi lapamogaga aitapa ateyo. Lapaote vayanagi apa vayanagi Gotitegati gemo alinita etapa aeta hakalo hutapa hapa nepaiya vayanagi hutapa lapamogaga aiyo. Lapakaetegamo hosu kavaʼmo huʼnigeno Gotiʼa kavaʼamo alino fako huno ateteno kayoʼmo amiʼniye, huno hapa paiʼniye.