Lomu 3:3 - The Keyagana NT and 25 OT books

³ Apamiʼniyaʼmonanafa mago Yu vayaʼamogimo apakesamo afiʼa fatago osuʼnayaʼmofeʼmo Gotiʼa Emalehamufeʼmo, kaginago vayaʼmo hapa maegauve, huno ha paiʼniya gemo afa gemo haneʼniyanageno Gotiʼa agaiʼa geʼamo afaʼa akame osisifiye.

Lomu 3:3 ပူးပေါင်းရင်းမြစ်များ

Samu 84:7

Lokiya vaime vaime uʼa magoʼe huʼa lokiya vaiʼa uʼa aigofe gotiʼapimogimo aeno apakaseʼniya Gotitegamo Saiyoni kotegamo agegae.

Aiyeya 55:11

Ani agufa kavakeʼmo huno geʼnimo nagaetegamo fikumo atagi neno oʼmegaifa aliyakeʼmo aligiye, huʼna ge huʼnova kava huno nahauʼnisiya kavaʼmo afole aigiye.

Napa 23:19

Gotiʼa vayalafakana huno oʼmaiʼniyaʼmofeʼmo aigofe gemo nosiye. Gotiʼa vayalafaʼmogi mafaʼnegana huno oʼmaiʼniyanageno alu aipa agesamo oʼafigiye. Agaemo mago gemo huʼnisiyana ani agufa kavaʼmo osisifiye. Haʼao, afaʼa hugiye. Mago kavafeʼmo hapa paiʼnisiyana ani kavaʼmo alino afole aino oʼatesifiye. Haʼao, afaʼa alino afole aino ategaiye.

Matiyu 24:35

Kokuʼnaʼe mopaʼeʼmo hano hugiyaʼmonanafa geʼnimo alagi hano osuno afaʼa hanege hanege huno hanegaiye.

Yoni 1:16

Muki alagepa yaʼamo fiku laha maeno lamisiya yaʼamo agae aipafiʼmo havai teʼniya yaʼmo ani kava huno fiku laha maeno lamiteno halate magoʼe huno laha maeno lamiʼnigeta ago aliʼnone.

Lomu 10:16

Neʼayaʼmonanafa muki vayaʼmogimo alagepa faigoko geʼamo alagepa huʼa akame nosae. Aiyeyaʼa aise vayaʼmogi akame nehaya kavafeʼmo hunoʼaeʼmo, Ala kava nene, huno, ina lagimo ketieʼmo apakesamo afiʼa fatago huʼnae, huno ha paiʼniye.

Lomu 11:29

Gotiʼa apamiʼniya yaʼmo halate hapa ofalegaiye. Keya aeno ge huʼniya kavatefeʼmo halate alu aipa agesamo oʼafigiye.

Lomu 9:6

Nagaemo huʼnaeʼmo, Gotiʼa Emalehamufeʼmo kotalake gemo ha paiʼniya gemo afole oʼaiʼniye, huʼna nosuve. Muki Isaleli nofi vayapatiʼmo afole aiʼnaya vayaʼmogimo mago lama ge Isaleli vayaʼmo oʼmaiʼnae.

2 Kolitiyani 3:18

Gotiʼa laugosafatiʼmo kenamo ago alino ataleʼnigeta alaveʼyofatiʼmo laugosamo neʼagona kava huta Ala kava neʼmo ha le konali yaʼamo neʼagonagenoʼaeʼmo Ala kava neʼmo Aunemeʼamoʼmo alino hamaleno nelategetaeʼmo ha le konali yaʼamo alime alime uta Ala kava nekana huta hamaleme hamaleme neʼune.

2 Tesaloniyani 1:3

Konagatimogitapae, huta, lapakesamo afita fatago nehaya kavaʼmoʼa ko sino alopa heʼnigetapaeʼmo konagatapimogifeʼmo lapauʼniyanageno magoʼe magoʼe huno nelapaiye. Ani kavaʼmo nehayaʼmofeʼmo kanale kavaʼmogeta lapakaefeʼmo muki afinaʼmo Gotifeʼmo hao ke hesuna kavaʼmo haneʼniye.

2 Timoti 2:13

Lagaemo hutaeʼmo, akame hugune, huta hutetaeʼmo akame nosisunana agaemo ani kavaʼmo huguve, huno hu maleʼnisiya gemo akame hugiye. Huguve, huno nehiya gemo alagi oʼataleno afaʼa akame nehiya vekamoʼmo maiʼniyaʼmofeʼmae.

Himulu 4:2

Gotiʼa alagepa faigoko geʼamo hapa paiʼnigeʼa afiʼnaya kava huno laha paiʼnigeta afiʼnone. Afiʼnayaʼmonanafa apakesamo afiʼa fatago osuʼnayaʼmofeʼmo afiʼnaya gemoʼmo hapa oʼmaeʼniye.

1 Samiyo 15:29

Gotiʼa Isaleli vayaʼai lokiyaʼapimo maiʼnenoʼaeʼmo aigofe gemo osuno alu aipa agesamo oʼafigiye. Ma mopafi vekamo oʼmaiʼniyaʼmofeʼmae, huno ha paiʼniye.