Lomu 3:27 - The Keyagana NT and 25 OT books

²⁷ Huʼniyaʼmofeʼmo lagitileʼmo afaʼa alita asaga huta atesuna kavaʼmo haneʼnifiye. Haʼao, ani kavaʼmo ago alino hafaino ataleʼniye. Haiya agufa kavatetiʼmo alino hafaino ataleʼniye. Keʼaepa geʼaletiʼmo alino hafaino ataleʼnifiye. Haʼao, lagesa afita fatago nehuna kavatetikeʼmo alagi alino hafaino ataleʼniye.

Lomu 3:27 ပူးပေါင်းရင်းမြစ်များ

Sefanaiya 3:11

Ani afinaʼmo nagaemo lapakaepatiʼmo apakaiʼapieʼmo apamogaga aiteʼa himuʼnamu nehaya vayaʼmo aliʼna hapa faiʼna apatalesugetapaeʼmo geʼnimo amagitapa ataleʼnaya kavatapieʼmo magoʼe huno lapavagage osugiye. Lapakaemo naote avefiʼmo magoʼe hutapa himuʼnamu kavaʼmo osugayaʼmofeʼmae.

Maki 16:16

Muki vayaʼmogimo apakesamo afiʼa fatago huteʼa aniʼmo falesagenoʼaeʼmo Gotiʼa apakufamo alino katino apategaiye. Apategaiyaʼmonanafa muki vayaʼmogimo apakesamo afiʼa fatago osisayaʼmoʼmo Gotiʼa agoti huno apatetenoʼaeʼmo, hosu vayane, huno hugiye.

Yoni 3:36

Muki vayaʼamogi Mafaʼneʼaeʼmo apakesamo afiʼa fatago nehisaya vayaʼmogimo alagepa huʼa maige maige huʼa maisaya yaʼmo ago aliʼnae. Muki vayaʼmogimo Mafaʼneʼamo geʼamo akame nosisaya vayaʼmo Gotiʼa aipamo leno neʼapateya kavaʼamo apakaeteʼmo alagi hanege hanege huno hanegaiyaʼmofeʼmo alagi alagepa huʼa maige maige huʼa oʼmaigae.

Lomu 10:5

Moseseʼa keʼaepa gemo akame nehaya kavatetiʼmo Goti aulagaleʼmo fatago vayaʼmo maisaya kavafeʼmo avoʼmo kaenoʼaeʼmo, muki keʼaepa geʼamo akame nehisaya vayaʼmogimo akame nehaya kavatetiʼmo afaʼa maisaya yaʼmo aligae, huno avoʼmo kae maleʼniye.

Lomu 11:6

Fikumo hapa maeno apamitenoʼaeʼmo lekana paino apateʼniyaʼmofeʼmo alagepa kavaʼapilefeʼmo lekana paino oʼapateʼniye. Alagepa kavaʼapilefeʼmo lekana paino apateyesinana fikumo hapa maeno noʼapamiyesine. Alagepa kavaʼapimo anonaʼapilefeʼmo neʼapamiya kavaʼe fikumo hapa maeno neʼapamiya kavaʼeʼmo alu kava alu kavaʼmo haneʼniye.

Lomu 2:17

Kagaemo, Yu vekamo maiʼnovanageno keʼaepa gemoʼa naha maegaiye, huka hutekaeʼmo, Goti vayaʼamo maiʼnove, huka nehane.

Lomu 2:23

Kagaemo hukaeʼmo, keʼaepa gemo afiʼnove, huteka kagikaleʼmo alika asaga nehanaʼmonanafa keʼaepa geʼamo ago amagika ataleteka Goti agiʼaleʼmo alika afepi neʼatane.

Lomu 3:19

Ago afiʼnonana Gotiʼa keʼaepa geʼaletiʼmo keʼaepa geʼamo afeʼalumelagamo maiʼnaya vayaʼaifeʼmo hapa nepaiye. Apakaemo geʼaleʼmo aeʼa atagaina huʼa ge osuʼa ani gemo huʼa ha paiʼapaeʼmo, Goti aulagaleʼmo hosu kavaʼmo huʼnonanageno kayoʼmo lamigiye, huʼa hisayafeʼmo hapa nepaiye.

Lomu 3:26

He, hemenimo Gotiʼa fatago kavaʼamo ago alino lave nelinoʼaeʼmo Yesufeʼmo lagesamo afita fatago nehuna vayaʼmogitaeʼmo hunoʼaeʼmo, naulagaleʼmo fatago vayaʼmo maiʼnae, huno nehunoʼaeʼmo, fatago vekamo maiʼnove, huno alino lave lisiyafeʼmo Yesuʼa afole yateʼmo ago alino afole aino ateʼniye.

Lomu 4:2

Haʼao. Gotiʼa Emalehamuʼmo alagepa kavaʼmo huʼniya kavatetiʼmo, naulagaleʼmo fatago vekamo maiʼnane, huno huʼniyesinana Emalehamuʼa agaiʼa agiʼaleʼmo afaʼa alino asaga huno ateʼniyesine. Ateʼniyesinaʼmonanafa Emalehamuʼa Goti aulagaleʼmo agiʼaleʼmo afaʼa alino asaga osugiye.

Lomu 7:21

Nagaemo alagepa kavaʼmo huguve, huʼna nehugenoʼaeʼmo hosu kavaʼmoʼa nagaeʼeʼmo magokepi lokaeno maiʼneno naipafiʼmo lokiya aliʼyaʼmo neʼaligeʼna ageʼnove.

Lomu 7:23

aeto agufa lokiya yaʼmoʼa nagufafiʼmo aliʼyaʼmo neʼaliye. Ani lokiya yaʼmo saufa naipafiʼmo haneʼniya lokiya yateʼmo kame huno neʼate. Kame huno ateteno kalavusi huno neʼnategenoʼaeʼmo hosu kavaʼmo lokiyaʼamoʼmo nagufafi alu ya alu yaʼnileʼmo lokiya vaino yagaino neʼnate.

Lomu 7:25

Gotiʼa Ala kava netimo Yesu Kalaisitetiʼmo nagufaʼnimo afaʼa alino katino nategaiye. Agaefekeʼmo hao ke nehove. Ani kavaʼmo huʼna maiʼneʼnaeʼmo saufa naipafatiʼmo Goti keʼaepa geʼamo akame nehuvaʼmonanafa atafa naipafatiʼmo hosu kavaʼnimo lokiyaʼamo akame nehuve.

Lomu 8:2

Na kava hinagenoʼaeʼmo agoti huno lateteno falisuna agufa kayoʼmo olamigiye. Keʼaepa gemoʼa hosu kavaʼe nefali kavaʼeʼmo alino afole aino neʼateyaʼmonanafa Kalaisi Yesupiʼmo maiʼnonagenoʼaeʼmo Goti Aunemeʼamoʼmo afaʼa maisuna yaʼmo nelamiya Aunemeʼamoʼmo alagepa faigoko geʼaletiʼmo keʼaepa gefatiʼmo ago hatu maeno nateʼniye.

Lomu 9:11

Alino oʼanateʼnigeʼanaeʼmo mago alagepa kavaʼe hosu kavaʼeʼmo osuʼnaʼa afinaʼmo Gotiʼa, yege mafaʼnemoʼa aganaʼamo aiyafiʼmo maiʼneno aliʼyaʼamo alisiya vekamo maigiye, huno ha paiʼniye. Gotiʼa hogoteno agesa afiteno hauʼnigeno lekana paino ateʼniya kavaʼamo alino afole aino atesiyafeʼmo ani gemo hu maleʼniye. Mago vekamo alagepa kavaʼaletiʼmo lekana paino oʼateʼnifa keya aeno ge nehiya vekamoʼmo agaiʼageʼmo hauʼnigeno lekana paino ateʼniye.

Lomu 9:31

Aliʼnayaʼmonanafa Isaleli nofi vayaʼmogimo fatago kavaʼmo alisayafeʼmo keʼaepa geʼamo akame huʼnaya kavatetiʼmo vegala aeʼnayaʼmonanafa haiʼa metaleʼnae.

Lomu 9:32

Na kava huʼnayaʼmofeʼmo oʼaliʼnae. Apakesamo afiʼa fatago hisaya kavatetiʼmo alisayafeʼmo osuʼnafa keʼaepa gegeʼmo akame huʼnaya kavatetiʼmo alisayafeʼmo huʼnayaʼmofeʼmo oʼaliʼnae. Goti mukufi gemoʼa mago yafafeʼmo ava gemo huʼniye. Ani yafapiʼmo apaiyamo faiʼa lo aeteʼa asagauʼa aiʼnae.

1 Kolitiyani 4:7

Ina laʼmo aeto agufa vayaʼmo alino hamaleno lapateʼniye. Na agufa yaʼmo aliʼnaya yatapimo Gotiʼa olapamiʼniye. Haʼao, muki yatimo lamiʼniye, hutapa nehisayana na kava higetapaeʼmo olapamiʼniyesina agufa kavatefeʼmo lapakitapileʼmo alitapa asaga hutapa nelapatae.

Galesiya 2:16

Lagaemo afiʼnonana Gotiʼa keʼaepa geʼamo akame nehaya kavatetiʼmo, naulagaleʼmo fatago vayaʼmo maiʼnae, huno hapa nopaiyaʼmonanafa Yesu Kalaisifekeʼmo apakesamo afiʼa fatago nehaya kavatetikeʼmo, naulagaleʼmo fatago vayaʼmo maiʼnae, huno hapa nepaiye, huta ago afiʼnone. Gotiʼa keʼaepa geʼamo akame nehuna kavatetiʼmo, naulagaleʼmo fatago vayaʼmo maiʼnae, huno laha opaigiyaʼmonanafa Kalaisifekeʼmo lagesamo afita fatago nehuna kavatetikeʼmo, naulagaleʼmo fatago vayaʼmo maiʼnae, huno laha paisiyafeʼmo lagaeʼeʼmo Kalaisifekeʼmo lagesamo afita fatago huʼnone. Gotiʼa muki vayaʼaifeʼmo hunoʼaeʼmo, keʼaepa geʼnimo akame hisaya kavatetiʼmo naulagaleʼmo fatago vayaʼmo maiʼnae, huno nosiyaʼmofeʼmae.

Galesiya 3:22

Huʼniyesinaʼmonanafa Goti mukufiʼmo avoʼmo kae maleʼniya gemoʼa hunoʼaeʼmo, hosu kavaʼmoʼa muki ma mopafi vayaʼmo kalavusi huno apateʼniye. Yesu Kalaisifekeʼmo apakesamo afiʼa fatago nehaya kavatetiʼmo fikumo hapa maeʼna apamiguve, huno hu maleʼniya yaʼmo apakesamo afiʼa fatago nehaya vayaʼmo alino apamisiyafeʼmo kalavusi huno apateʼniye.