Lomu 3:25 - The Keyagana NT and 25 OT books

²⁵ Agaemo mafaʼneʼamo kolaʼaeʼmo lagesamo afita fatago hisuna kavatetiʼmo aipamo leno olateno aipamo falu huno latesiyafeʼmo mafaʼneʼamo muki vayaʼai apaulagaleʼmo alino afole aino ateʼniye. Akeyaʼvilagamo Goti vayaʼamogi hosu kavaʼmo huʼnagenoʼaeʼmo kayoʼmo oʼapamino afaʼa apakeno apataleʼniye. Gotiʼa hau huʼniya kavaʼaletiʼmo fatago kavaʼmo huʼnove, huno alino lave lisiyafeʼmo mafaʼneʼamo muki vayaʼai apaulagaleʼmo alino afole aino ateʼniye.

Lomu 3:25 ပူးပေါင်းရင်းမြစ်များ

Samu 119:142

Fatago kavakamoʼmo hanege hanege huno muki afinaʼaeʼmo hanegaiye. Keʼaepa gekamo alagi lama gemo haneʼniye.

Samu 40:10

Nagaemo fatago kavakamo naipafiʼmo aeʼna ati kaeʼna oʼmaleʼnofa nagaemo, geʼamo alagi amagino oʼataleno akame huno apakufamo alino katino neʼapate, huʼna aeʼna hakalo huʼna hapa paiʼnove. Nagaemo asole vayaʼmo eʼa aliʼa anupa huʼa maiʼnaya vayaʼaifeʼmo kahau kayamopafiʼmo nekahaiya kavakaʼe alagi lama gekaʼeʼmo aeʼna ati okaeʼna aeʼna hakalo huʼna hapa paiʼnove.

Samu 50:6

Kokuʼnapiʼmo maiʼnaya vayaʼmogimo huʼapaeʼmo, alagi fatago vekamo maiʼniye. Agaiʼageʼmo alino fako huno apategaiye, huʼa hugae.

Samu 97:6

Kokuʼnate yaʼmogi fatago kavaʼamo aliʼa lave neliye. Muki ma mopafi vayaʼmogimo ha le konali yaʼamo neʼagae.

Samu 98:2

Ala kava neʼmoʼa vayaʼai apakufamo alino katino neʼapateya kavafeʼmo aeno hakalo huno hapa paiʼniye. Agaemo fatago kavaʼmo alino apave liʼnigeʼa alu nofi vaya alu nofi vayaʼmogimo ageʼnae.

Aiyeya 53:11

Agupi mafaʼnemoʼmo lusi kava huno kana huʼniya aliʼyaʼmo alisigeno neʼyaʼmo afole aigiyaʼmofeʼmo aipamoʼmo ha gegaiye. Aliʼyaʼnimo neʼaliya fatago vekamoʼmo hosu kavaʼapimo aligiyaʼmofeʼmo agaemo ageʼa alagepa huʼa agesaya kavatetiʼmo asole vayaʼaifeʼmo, naulagaleʼmo fatago vayaʼmo maiʼnae, huno hapa paigiye.

Yoni 6:47

Alagi lama ge lapa nepauve, huno, Apakesamo afiʼa fatago nehaya vayaʼmo afaʼa maige maige huʼa maisaya yaʼmo ago aliʼnae.

Apa 14:16

Akeyaʼvilagamo muki afinaʼmo Gotiʼa afaʼa apakeno apataleʼnigeʼapaeʼmo apakaiʼapimo hapauʼniya kavaʼmo huʼnayaʼmonanafa

Apa 15:18

Gotiʼa akeyaʼvilaga aliguve, huno hu maleʼniya aliʼyaʼamo ago ageʼniyaʼmofeʼmae, huno huteno,

Apa 17:30

Akeyaʼvilaga vayaʼmogimo Goti geʼamo oʼafiʼneʼapaeʼmo negi kavaʼmo huʼnagenoʼaeʼmo afaʼa apakeno apataleʼniyaʼmonanafa hemenimo muki haopalegamo neʼmaiya vayaʼaifeʼmo hunoʼaeʼmo, Lapaipamo alita afe leyo, huno hapa nepaiye.

Apa 2:23

Hogoteno Gotiʼa agesa afitenoʼaeʼmo, ani kavaʼmo afaʼa afole aigiye, huno ge hu maleʼnenoʼaeʼmo ago alino lapayapiʼmo ateʼniye. Ateʼnigetapa avalelitutapa hosu vayaʼmo keʼaepa gemo akame nosaya vayaʼai apayapiʼmo ateʼnae. Lapakaemo ani vayaʼai apayapatiʼmo Yesuʼmo malipu yosaleʼmo nili aitetapa alita he tita atetetapa kamitimo amagiʼnae.

Apa 3:18

Amagiʼnayaʼmonanafa Gotiʼa akeyaʼvilaga agaetegati gemo alini eʼa aeʼa hakalo huʼa hapa nepaiya vayaʼmo muki agaiʼa vayaʼai apavayafatiʼmo hunoʼaeʼmo, Kalaisi vekamo agafu kisigeno faligiye, huno huʼniya gemo hemenimo ago afole aiʼniye.

Apa 4:28

Kagesa afiteka himamukaletiʼmo alika afole aika ateʼnana kavaʼmo hisayafeʼmo aliʼa anupa huʼa maiʼnae.

Lomu 2:4

Gotiʼa kagemi yaʼagana huno maleʼniya yapatiʼmo kagaetegamo lusi alagepa kavaʼmo huteno malage huno aipamo leno okateno yatala afinaʼmo afaʼa nekateyaʼmonanafa alagepa huka kagesa oʼafiʼneka afa kavane, huka kagesamo neʼafipiye. Gotiʼa kaipamo alika afe lesanafeʼmo kagaetegamo alagepa kavaʼmo nehiye, huka oʼafiʼnapiye.

Lomu 3:26

He, hemenimo Gotiʼa fatago kavaʼamo ago alino lave nelinoʼaeʼmo Yesufeʼmo lagesamo afita fatago nehuna vayaʼmogitaeʼmo hunoʼaeʼmo, naulagaleʼmo fatago vayaʼmo maiʼnae, huno nehunoʼaeʼmo, fatago vekamo maiʼnove, huno alino lave lisiyafeʼmo Yesuʼa afole yateʼmo ago alino afole aino ateʼniye.

Lomu 5:1

Lagesamo afita fatago huʼnonagenoʼaeʼmo Gotiʼa, naulagaleʼmo fatago vayaʼmo maiʼnae, huno laha paiʼnigeta afitetaeʼmo, aipamo falu huno nelate, huta huteta maiʼnonagenoʼaeʼmo Ala kava netimo Yesu Kalaisitetiʼmo laipamoʼmo falu nehiye.

Lomu 5:11

Mani alagepa kavaʼageʼmo lagaetegamo afole oʼaigifa hemeniʼeʼmo Ala kava netimo Yesu Kalaisitetiʼmo Gotifeʼmo amuse huta ateteta lamogaga neʼaune. Gotiʼa agaetetiʼmo ago alino ao yaʼmo hu maleʼniyaʼmofeʼmae.

Lomu 5:18

Gotiʼa magoke vekamoʼmo huʼniya hosu kavatetiʼmo muki vayaʼaifeʼmo hunoʼaeʼmo, hosu vayaʼmo maiʼnayanagetapa alagi faligae, huno huʼniya kava huno Gotiʼa magoke vekamoʼmo huʼniya fatago kavatetiʼmo muki vayaʼmo fikumo hapa maeno apamitenoʼaeʼmo, naulagaleʼmo fatago vayaʼmo maiʼnayanagetapa alagepa hutapa maige maige hutapa maigae, huno hapa paiʼniye.

Lomu 5:9

Gotiʼa kolaʼamo aino lakino lateʼniya kavatetikeʼmo, naulagaleʼmo fatago vayaʼmo maiʼnae, huno laha paiʼniyaʼmofeʼmo Gotiʼa aipamo leno nelateya kayoʼmo lamisiya kavategatiʼmo magoʼe huno laha maeno lagufamo alino katino lategaiye.

1 Kolitiyani 5:7

Hosu kavaʼmoʼa alino ko sino neʼateya agufa yakana huno haneʼniyanagi alita ataletetapa saufa peleti mayamo ko nosiya peleti mayagana hutapa maiʼnetapa lapaote maiyo. Lapaote vayaʼmo maiʼnayaʼmofeʼmae. Kalaisiʼa hopa afinaʼmo Pasova sipisipitigana huno maiʼnenoʼaeʼmo ofalini kavatefeʼmo agaiʼa agufaʼamo lagaetefeʼmo Gotiʼmo amiʼniyaʼmofeʼmo hosu kavatapimo alitapa ataleyo.

2 Kolitiyani 5:21

Na kava higetaene. Lagaemo Kalaisipiʼmo maiʼnetaeʼmo Goti fatago kavaʼamo hamalesunafeʼmo Gotiʼa hosu kavaʼmo alagi osuʼniya vekamo alino hamaleno ateʼnigeno hosu kavaʼmo hamaleʼniye.

Efasasi 1:7

Kalaisipiʼmo maiʼnonagenoʼaeʼmo Gotiʼa lusi kava huno fikumo hapa maeno neʼapamiya kavaʼamo mago kagemi yaʼagana huno maleʼniya kavatefeʼmo Yesu kolaʼaletiʼmo miya faino hatu maeno lateʼniya hosu kavatieʼmo afaʼa ateyo, huno laha paiʼniye.

Efasasi 2:13

Lapakaemo afagiʼaleʼmo maiʼnayaʼmonanafa hemenimo Kalaisi Yesupiʼmo maiʼnagenoʼaeʼmo Kalaisiʼa kolaʼaletiʼmo lapavalelineno Goti haopaleʼmo lapateʼniye.

1 Timoti 1:15

Mani lama geeʼmo apakesamo afiʼa fatago huteʼa alisaya gemo haneʼniyana Kalaisi Yesuʼa hosu vayaʼai apakufamo alino katino apateteno hapau vaisiyafeʼmo ma mopafiʼmo emineʼniye, huta nehune. Inagi nagaemo hosu kavaʼmo nehaya vayaʼmo magoʼe huʼna ago aeʼna apakaseʼna hogote hosu vekamo maiʼnove.

Himulu 10:4

Pulumakamo kolaʼmoʼe mememo kolaʼmoʼeʼmo hosu kavaʼapimo afaʼa alino oʼatalegaiye.

Himulu 11:14

Ani gemo nehaya vayaʼmogimo, Afotimo kotegamo uta haita alagi maisunafeʼmo lavayagunagu huta agava neʼmaune, huteʼa huʼa ha leʼa hapa nepaiye.

Himulu 11:17

Gotiʼa Emalehamuʼmo amalageka huʼnigenoʼaeʼmo agesamo afino fatago huʼniya kavatetiʼmo mafaʼneʼamo Aisikiʼmo amagino ofalinimo amiʼniye. Polomasi gemo afiʼniya vekamoʼa magoke mafaʼneʼamo amagino ofalinimo amiʼniye.

Himulu 11:7

Gotiʼa muki vayaʼmogimo oʼageʼnaya kavafeʼmo Noafeʼmo hunoʼaeʼmo, ehekae, huno, hosu vayaʼmo alagi aliʼna hano huʼna apatalegauve, huno ha paiʼnigeno Noaʼa lusi kava huno amoʼyamo aliʼnigeno agesamo afino fatago huʼniyaʼmofeʼmo afamo anagaʼamogi apakufamo alino katino apatesiyafeʼmo mago alopa sipimo alo huʼniye. Ani kavaʼmo huʼniya kavatetiʼmo ma mopafi vayaʼaifeʼmo, lapakaemo hosu kavaʼmo nehayanagetapa faligae, huno alino apave liʼniye. Agaemo Gotitegatiʼmo fatago kavaʼmo apakesamo afiʼa fatago nehageno neʼapamiya agufa fatago kavaʼmo aliʼniye.

Himulu 9:28

Ani gelefeʼmo Kalaisiʼa asole vayaʼai hosu kavaʼapimo alino kofisiyafeʼmo magoke afinaʼmo agaiʼa agufamo Gotina amiʼniye. Agaemo henagaʼamo asole vayaʼai hosu kavaʼapimo alino kofisiyafeʼmo ma mopafiʼmo emiʼnoʼmegaifa agaefeʼmo agava neʼmaiya vayaʼai apakufamo alagi alino katino apatesiyafeʼmo apaulagaleʼmo eminegaiye.

Himulu 9:5

Lole enisole vekalaʼmo ha le vekalaʼmogani anauneʼalaʼmo kesileʼmo he tiʼana anateʼnaʼae. Gotiʼa aipamo falu huno apatesiyafeʼmo afumo kolatetiʼmo aiʼa fuli fuli nehaya yateʼmo hanakumo ataleʼana yagaiʼnaʼae. Hemenimo ani kavafeʼmo magoʼe huta alagi ava gemo afaʼa osugune.

1 Yoni 1:10

Lagaemo, hosu kavaʼmo osuʼnone, huta nehisunana ani ge huta Gotifeʼmo hutaeʼmo, aigofe gemo nehiya vekae, huta nehunagenoʼaeʼmo lama geʼamo laipafiʼmo alagi nohane.

1 Yoni 2:2

Agaiʼamo Gotiʼa aipamoʼmo falu huno latesiyafeʼmo maiʼniye. Gotiʼa lagaefekeʼmo aipamoʼmo falu huno latesiyafeʼmo oʼmaiʼnifa muki ma mopafiʼmo maiʼnaya vayaʼefeʼmo Gotiʼa aipamoʼmo falu huno apatesiyafeʼmo maiʼniye.

1 Yoni 4:10

Alopa alagepa kavaʼmo haneʼniyana lagaemo Gotifeʼmo lahau layamopafiʼmo olahauʼniyaʼmonanafa Gotiʼa lagaefeʼmo hau ayamopafiʼmo hauʼniye. Agaemo lagaefeʼmo hau ayamopafiʼmo hauʼnisigeno aipamoʼmo falu huno latesiyafeʼmo Mafaʼneʼamo alino ateʼnigeno emineno hosu kavatilefeʼmo falino miya faino lateʼniye.

Leveleseni 1:5

Yesu Kalaisiʼa Gotifeʼmo lama ge ava gemo nehiya vekamoʼmo faliʼnaya vayapatiʼmo hogoteno alino he tino ateʼniya yege mafaʼneʼamo maiʼniye. Agaemo ma mopafi ala kini vayaʼaiteʼmo yagaino neʼapateya vekaʼapimoʼa fikumo lapa maeno lapamisigeno lapaipamoʼmo falu hino. Agaemo lagaefeʼmo hau ayamopafiʼmo hauʼnigenoʼaeʼmo hosu kavatimo kolaʼaletiʼmo aeno kalo paeno ataleʼniye.

Leveleseni 13:8

Muki ma mopafi vayaʼmo afaʼa maisaya yaʼmo aliʼnisaya vayaʼai apakiʼapimo avoʼmo kae maleʼniya mukufiʼmo apakiʼapimo avoʼmo okaeʼnisiya vayaʼmogimo afela afulefeʼmo mono hugae. Ani mukumo ma mopamo faino ateʼniya afinaʼmo kamiti amagiʼnaya sipisipi vekamo mukuʼamo haneʼniye.

Leveleseni 20:15

Mukufiʼmo afaʼa maisaya yaʼmo aliʼnaya vayaʼai apakiʼapimo haneʼniya mukufiʼmo agetenoʼaeʼmo apakiʼapimo avoʼmo okaeʼniya vayaʼmo ata kotupiʼmo alino yaga auno apataleʼniye.

Leveleseni 5:9

Apakaemo saufa yokemo huʼapaeʼmo, Kamagiʼnageka faliteka Gotitefeʼmo kolakaletiʼmo miya faika lateʼnane. Kagaemo muki alu nofi vaya alu nofi vayanagi muki alu apake alu apakemo neʼaiya vayanagi muki alu apakufaʼe alu apakufaʼe vayanagi muki alu kotega alu kotegamo maiʼnaya vayanagi huka miya faika hatu maeka lateʼnanaʼmofeʼmo alino kafage ki maleʼniya pepaletiʼmo kamemo afaʼa alika akautaleka alika ata lesana vekamo maiʼnane.