Lomu 3:19 - The Keyagana NT and 25 OT books

¹⁹ Ago afiʼnonana Gotiʼa keʼaepa geʼaletiʼmo keʼaepa geʼamo afeʼalumelagamo maiʼnaya vayaʼaifeʼmo hapa nepaiye. Apakaemo geʼaleʼmo aeʼa atagaina huʼa ge osuʼa ani gemo huʼa ha paiʼapaeʼmo, Goti aulagaleʼmo hosu kavaʼmo huʼnonanageno kayoʼmo lamigiye, huʼa hisayafeʼmo hapa nepaiye.

Lomu 3:19 ပူးပေါင်းရင်းမြစ်များ

Samu 107:42

Fatago vayaʼmogimo ani kavaʼmo ageteʼapaeʼmo apamogaga neʼaiyaʼmonanafa hosu vayaʼmo apavayaleʼmo alino akani maleʼnigeʼa ge nosae.

Samu 63:11

Negayaʼmonanafa kini vekamoʼmo Gotifeʼmo amogaga aigiye. Agiʼalefeʼmo ani kavaʼmo nehaya vayaʼmogimo ha le konali yaʼapimo aligayaʼmonanafa aigofe gemo nehaya vayaʼai apavayaleʼmo alino akanigiye.

Yoni 15:25

Apakae keʼaepa gemoʼmo hunoʼaeʼmo, apakaetegamo mago hosu kavaʼmo osuʼnovaʼmonanafa nagaefeʼmo fikumo apaini huʼnae, huno avoʼmo kae maleʼniya gemo afole aisiyafeʼmo ani kavaʼmo nehae.

Yoni 8:9

Ani gemo afiʼnagenoʼaeʼmo yuʼilaga vekaʼapimoʼa hosu kavaʼapimo alino apave liʼnigeʼapaeʼmo muki vayaʼamo ataleʼa ute ute huʼnae. Hogoteʼa asole kafugamo maiʼnaya vayaʼmo utageʼapaeʼmo henagaʼamo aise kafugamo maiʼnaya vayaʼmo magoke magoke vayaʼmo ute ute huʼa uʼnae. Ataleʼa utageno Yesuʼa agaiʼageʼmo maiʼnigeno ani a kanomo he tino maiʼniye.

Lomu 1:20

Gotiʼa ma mopamo alo huʼniya afinatetiʼmo muki vayaʼmogi alo huʼniya yaʼamo ago ageme ageme eʼnae. Ageme ageme neʼeʼapaeʼmo apaulagaletiʼmo noʼagaya yaʼmo Gotiʼa hanege hanege huno hanesiya himamuʼamo ageteʼapaeʼmo, aeto agufa vekamo hogote vekamo alagi ago aeno lagaseʼniya vekamo maiʼniye, huʼa neʼagae. Neʼagayaʼmofeʼmo hosu kavaʼapimo aeʼa ati kaesayafeʼmo, alagi oʼageʼnone, huʼa afaʼa osugae.

Lomu 3:2

Muki kavatefeʼmo hapa maesiya yaʼmo ago aliʼnae. Hogote yaʼmo hapa maesiya yaʼmo haneʼniyana Gotiʼa geʼaleʼmo yagaiʼa atesayafeʼmo geʼamo ago apamiʼniye.

Lomu 3:23

Na kava huʼnagenoʼaene. Muki vayaʼmogimo hosu kavaʼmo huteʼa Goti ha le konali yaʼamo uʼa haiʼa me taleʼnayaʼmofeʼmo noʼaliye.

Lomu 3:4

Alagi atalegeno hano hino. Muki vayaʼmogimo aigofe gemo nehisagenoʼaeʼmo Gotiʼa agaiʼa geʼamo alagi oʼataleno akame hugiye. Ani kavatefeʼmo Goti mukufi gemoʼa hunoʼaeʼmo, kagaemo gemo hisanageʼa afiteʼapaeʼmo, alagi lama gemo nehiye, huʼa hugae. Vayaʼmogimo agoti huʼa nekatesagekaeʼmo aeka apakasegane, huno avoʼmo kae maleʼniye.

Lomu 3:9

Inagi lagaemo Yu vayaʼmogita aeta apakaseta alagepa vayaʼmo maiʼnopiye. Haʼao, hosu kavaʼmoʼa Yu vayaʼmogitaʼe Yu nofi vayapatiʼmo oʼmaiʼnaya vayaʼeʼmo aeno lagaseno yagaino lateʼniye, huʼna aliʼna lapave liʼnove.

1 Kolitiyani 1:29

Muki vayaʼmogimo apakaiʼapiekeʼmo apamogaga oʼaisayafeʼmo nehiye.

Galesiya 3:10

Goti Mukufiʼmo avoʼmo kae maleʼniya gemoʼmo hunoʼaeʼmo, Ina lagimo muki afinaʼmo muki keʼaepa geʼamo akame huʼa hano nosisafigeno Gotiʼa lifana huno neʼapate, huno huʼniyaʼmofeʼmo Goti keʼaepa gemo akame nehaya kavaʼapilefeʼmo aliʼa amufa amiʼnaya vayaʼaifeʼmo lifana huno apateʼniye.

Galesiya 4:21

Keʼaepa gemo afeʼalumelagamo maigune, hutapa nehaya vayaʼmogitapamo Moseseʼa avoʼmo kae maleʼniya keʼaepa gemo aepaʼamo oʼafiʼnafiye.

Galesiya 4:5

Agaemo keʼaepa gemo afeʼalumelagamo maiʼnona vayaʼmo miya faino hatu maeno latesigeta Gotiʼa alopa mafaʼneʼamo maisunafeʼmo Yu keʼaepa gemo afeʼalumelagamo maiʼniye.

Galesiya 5:18

Goti Aunemeʼamoʼmo kaʼmo alino ho huno nelapatesiyaʼmoʼmo keʼaepa gemo aiyafiʼmo oʼmaiʼnae.

1 Samiyo 2:9

Alino apaote apateʼniya vayaʼamogi kateʼmo visagenoʼaeʼmo yagaino apategaiyaʼmonanafa hosu vayaʼmogimo hani huʼniya yapiʼmo maiʼnayanageʼa ge osuʼa maigae. Lokiya vayaʼmo lokiyaʼapiletiʼmo alagepa huʼa oʼmaigayaʼmofeʼmae.