Lomu 3:13 - The Keyagana NT and 25 OT books

¹³ Lugoʼapimo kano kelimo aliʼa halo aiʼnageno atumo neʼaiya kano keligana huno haneʼnigeno hosu gemo afole neʼaiye. Apavenafuʼnaletiʼmo aigofe gemo nehae. Nagaloʼyaveʼmogi apavayafiʼmo analisa aniʼmo havai teʼniya kava huno hosu gemo apavayafiʼmo havai teʼnigeʼa geʼapiletiʼmo vayaʼmo neʼapamagiye.

Lomu 3:13 ပူးပေါင်းရင်းမြစ်များ

Samu 140:3

Apavenafuʼnamo vayaʼmo nehapaeya nagaloʼyavegana huno haneʼnigeʼa geʼapiletiʼmo nagaloʼyavemoʼmo hapaeʼnigeʼa nefaliya analisagana huno haneʼniye.

Samu 36:3

Hosu gemo huge aigofe gemo huge huʼa neʼmaiye. Afiteʼa ageʼnaya kavaʼe alagepa kavaʼapiʼeʼmo ataleʼa afaʼa neʼmaiye.

Samu 5:9

Lama gemo apavayafiʼmo alagi ohaneʼniye. Apaipafiʼmo hosu kavaʼageʼmo haneʼniye. Lugoʼapimo kano kelimo aliʼa halo neʼaigeno atu neʼaiya kano keligana huno haneʼniye. Apavenafuʼnaletiʼmo hapaisiya agufa gemo nehae.

Samu 57:4

Nagupi mafaʼnemoʼmo laiyoni anagaʼmogi folagapiʼmo maiʼniye. Nagaemo ma mopafi vayaʼmo atagana huʼa maiʼnaya vayaʼai folagapiʼmo maiʼnove. Apaveʼmoʼa hayo kana huno hanege kevegana huno hanege huʼniye. Apavenafuʼnamo aveʼmo neʼneya naipegana huno haneʼniye.

Aiyeya 59:3

Vayaʼmo hapaeʼnaya kolaʼmo lapayateʼmo haneʼniya kavaʼmoʼa alino hosu huno lapateʼniye. Lapakinagoletiʼmo hosu kavaʼmo huʼnaya lapayaʼmo hosuʼniye. Lapavayafatiʼmo aigofe gemo huʼnae. Lapavenafuʼnaletiʼmo hosu gemo huʼnae.

Lomu 3:12

Muki vayaʼmogimo ani kaʼmo ago ataleʼnae. Mukiʼamo hosu vayaʼmo hamaleʼnae. Alagepa kavaʼmo nehaya vayaʼmo mago oʼmaiʼnae. Magokeʼatomo alagi oʼmaiʼniye.

Lomu 3:4

Alagi atalegeno hano hino. Muki vayaʼmogimo aigofe gemo nehisagenoʼaeʼmo Gotiʼa agaiʼa geʼamo alagi oʼataleno akame hugiye. Ani kavatefeʼmo Goti mukufi gemoʼa hunoʼaeʼmo, kagaemo gemo hisanageʼa afiteʼapaeʼmo, alagi lama gemo nehiye, huʼa hugae. Vayaʼmogimo agoti huʼa nekatesagekaeʼmo aeka apakasegane, huno avoʼmo kae maleʼniye.