Lomu 2:6 - The Keyagana NT and 25 OT books

⁶ Gotiʼa muki vayaʼmogimo huʼnaya kavaʼmo anonaʼapilefeʼmo miyaʼapimo apamigiye.

Lomu 2:6 ပူးပေါင်းရင်းမြစ်များ

Samu 62:12

O Ala kava nene, huʼna, vayakaeʼmo kahau huka neʼapatane, huʼna ago afiʼnove. Kagaemo kavaʼapilefeʼmo apamete apamete huka alika fako huka neʼapamine.

Hatu maeno apate'niya gemae 32:34

Kagaemo hemenimo uka hogoteteka kaha paiʼnova kotegamo apavalelika uvo. Afiyo, huʼna, nagae enisole vekamoʼmo uno hogoteteno lapavalelino ugiye. Lapavalelino ugiyaʼmonanafa kayoʼmo apamisuva afinaʼmo ani vayaʼmo hosu kavaʼapilefeʼmo kayoʼmo apamiguve, huno ha paiʼniye.

Mai'naya kavane 24:12

Kagaemo hukaeʼmo nagaemo falisaya kateʼmo neʼvae, huʼna oʼafiʼnove, huka hisanaʼmoʼmo apaipafiʼmo alino fako huno neʼapakeya vekamoʼmo gekamo afiteno agesa afifi huno maigiye. Kaunekameteʼmo yagaino kateʼniya vekamoʼmo kaipafiʼmo noʼagefiye. Agaemo muki vayaʼmogi huʼnaya kavaʼapilefeʼmo miyaʼapimo apamigiye.

Mai'naya kavane 24:2

Apaipafiʼmo vayaʼmo aliʼa hosu huʼa apatesaya kavafeʼmo apakesamo afige hanageke kavaʼmo aliʼa afole aiʼa atesayafeʼmo ge huge huʼa neʼmaiye.

Mai'naya kavane 26:10

Ala kava neʼmo Gotiʼa muki yaʼmo alo huʼniya vekamoʼmo negi vekamo anonaʼalefeʼmo miyaʼamo amigiye. Ani kava huno geʼamo amagiʼa neʼatalaya vayaʼmo miyaʼapimo apamigiye.

Matiyu 16:27

Vemo mafaʼnemoʼmo afoʼamo ha le konali yaʼamo aliteno enisole vayaʼamogiʼeʼmo eminenoʼaeʼmo aliʼyaʼapilefeʼmo apamete apamete huno miyaʼapimo apamigiye.

Lomu 14:22

Ani kavatefeʼmo lapakesamo afita fatago nehaya kavaʼmo alita lapaipafiʼmo malegeno Goti aulagaleʼmo haneno. Vayaʼmogi nehaya kavafeʼmo lole apakesamo oʼafiʼa, alagepa kavaʼmo nehune, huʼa apakesamo neʼafiya vayaʼmogi apamogaga neʼaiye.

1 Kolitiyani 3:8

Avina yaʼmo nehakalaya vayaʼe aniʼmo nelakiya vayaʼmogiʼeʼmo magoke agufa aliʼyaʼmo neʼaliyanageʼa haiya agufa kavaʼmo huʼa aliʼyaʼapimo neʼalisafigeʼa ani kava huʼa miyaʼapimo apamete apamete huʼa aligae.

1 Kolitiyani 4:5

Maiʼniyaʼmofeʼmo Gotiʼa Ala kava neʼmo eminesiya afinaʼmo lekana pai maleʼniyaʼmofeʼmo afole oʼaiʼniyanagi hogotetapa alita fako hutapa oʼapateyo. Agaemo eminenoʼaeʼmo hanipiʼmo huʼa fala nekiya kavaʼe apaipa nekaliya kavaʼapiʼeʼmo afole yateʼmo alino afole aino ategaiye. Ani afinaʼmo Gotiʼa muki vayaʼmogimo aliʼyaʼapimo aliʼnaya yatefeʼmo, alagepa aliʼyaʼmo aliʼnae, huno hapa paitesigeʼapaeʼmo apamete apamete huʼa hetamaʼapimo aligae.

2 Kolitiyani 5:10

Kalaisiʼa siyaʼaleʼmo fai maiʼnenoʼaeʼmo kavatimo alino fako huno latesiya afinaʼmo mukiʼamogita uta haita aulagaleʼmo he tita maigune. Lagufafiʼmo maiʼnetaeʼmo alagepa kavaʼmo huʼnisupi hosu kavaʼmo huʼnisupigeta mukiʼamogitamo lamete lamete huta miyatimo aligune.

2 Timoti 4:14

Alekasaniʼa aenimo alo nehaya aliʼyaʼmo neʼaliya vekamoʼmo nagaetegamo alagi hosu kavaʼmo huʼniye. Ala kava neʼmoʼa anonaʼalefeʼmo amigiye.

Leveleseni 2:23

Ani kavaʼmo huteʼna mafaʼne anagaʼamo apamagisugeʼa faligae. Inagi siosiʼafi siosiʼafiʼmo maiʼnaya vayaʼmogimo nagaemo hisuva kavaʼmo ageteʼapaeʼmo, agaemo vayaʼai apaipa apakesafiʼmo neʼageya vekamo maiʼniye, huʼa nagegae. Na agufa kavaʼmo huʼnisafigeʼna anonatapilefeʼmo lapamete lapamete huʼna lapamiguve.

Leveleseni 20:12

Uʼna ageʼna apakeʼnovana faliʼnaya vayaʼmo apaki haneʼniya vayanagi apaki ohaneʼniya vayanagi huʼa yagaino neʼapateya vekamo siya aulagamo he tiʼa maiʼnageno muki mukuʼamo alino vaka leteno mago alu mukumo afaʼa maisaya yaʼmo aliʼnaya vayaʼai apakiʼapimo haneʼniya mukumo alino vaka leʼniye. Agaemo faliʼnaya vayaʼmogi huʼnaya kavaʼapimo muki asole mukufiʼmo avoʼmo kae maleʼniya kavaʼapilefeʼmo agoti huno apateʼniye.

Leveleseni 22:12

Afiyo, huno, aise afinaʼmo utesigeʼna emiʼnegauve. Nagaemo miyaʼapimo aliniʼna emiʼneʼna muki vayaʼmogimo huʼnaya kavaʼapilefeʼmo apamiguve.