Lomu 2:5 - The Keyagana NT and 25 OT books

⁵ Kaipamo alika afe oleʼnanaʼmonanafa kaipamoʼmo lokiya vaiʼnigeka afaʼa maiʼnekaeʼmo Gotiʼa aipamo leno nekateya kayoʼmo alo huka maleme maleme neʼanagenoʼaeʼmo ko nesiye. Gotiʼa aipamo leno neʼapateyanageno vayaʼai apaulagaleʼmo alino alagepa huno agoti huno apatesiya afinaʼmo mani kayoʼmo kamigiye.

Lomu 2:5 ပူးပေါင်းရင်းမြစ်များ

2 Sitoli 36:13

Kini vekamo Nepukanesaʼmo Yeʼnekaiyaʼa Goti agiʼaletiʼmo alagi lama gemo huvanageʼna kaiyafiʼmo maiʼneʼna gekamo afiguve, huno huteno agoʼyamo ataleʼniye, huno hisiyafeʼmo alino he tino ateʼniyaʼmonanafa Yeʼnekaiyaʼmo ha paiʼniya gemo amagino ataleʼniye. Agaemo augosaʼe aipaʼeʼmo alino lokiya vaino ateteno Ala kava neʼmo Isaleli vayaʼai Gotiʼapimofeʼmo aipamo alino afe leteno aino atagineno oʼmeʼniye.

Samu 110:5

Ala kava neʼmo lamaga kahaopaleʼmo maiʼniye. Agaemo aipamo leno apatesiya afinaʼmo kini vayaʼmo alagi kamitimo apamagigiye.

Samu 95:8

lapaipamo alita lokiya vaita oʼateyo. Lapakinago vayaʼmogimo kaʼme kotegamo nata neʼa neʼuʼapaeʼmo namalageka huʼnae. Geʼnimo ago amagiʼa ataleʼnaya kava hutapa geʼnimo amagita oʼataleyo.

Hatu maeno apate'niya gemae 14:17

Inagi nagaemo Isipi vayaʼmogi apaipa apakesamo aiʼna akani maleʼnisugeno lokiya vaiʼninageʼa lapakame huʼa neʼvisageʼnaeʼmo Feloʼagi ami vayaʼagi talalagi hosileʼmo yagaiʼnaya vayanagi huʼna aeʼna apaka seteʼna ala nagiʼnimo aliguve.

Hatu maeno apate'niya gemae 32:34

Kagaemo hemenimo uka hogoteteka kaha paiʼnova kotegamo apavalelika uvo. Afiyo, huʼna, nagae enisole vekamoʼmo uno hogoteteno lapavalelino ugiye. Lapavalelino ugiyaʼmonanafa kayoʼmo apamisuva afinaʼmo ani vayaʼmo hosu kavaʼapilefeʼmo kayoʼmo apamiguve, huno ha paiʼniye.

Hatu maeno apate'niya gemae 8:15

Feloʼa agetenoʼaeʼmo hausoli huʼnigeno atete hauʼniya kavaʼamo hano huʼnigenoʼaeʼmo Ala kava neʼmoʼa hana paiʼniya kava huno agaiʼa aipa agesamo alino akani maleteno geʼanimo oʼafiʼniye.

Mai'naya kavane 1:18

Nama anagaʼmo eʼa ohaigayaʼmonanafa ani vayaʼmogi uʼa umenimo aliʼa avayaka hu maleʼnayanageno apakaiʼapimo apatafaugiye. Maleʼnaya umenimoʼmo apatafausigeʼa faligae.

Mai'naya kavane 11:4

Ala kava neʼmoʼa aipamo leno apatesiya afinaʼmo vayaʼai kagemi yaʼapimoʼa hapa oʼmaegaiyaʼmonanafa vayaʼai fatago kavaʼapimoʼa falisaya kavategatiʼmo apakufamo alino katino apategaiye.

Mai'naya kavane 28:14

Muki afinaʼmo Ala kava nefeʼmo koli nehiya vekamoʼmo Goti aulagaleʼmo alagepa huno maiʼniyanageno afaʼa amogaga aigiyaʼmonanafa aipamo alino lokiya vaino neʼateya vekamoʼmo hanageke kavapiʼmo asagauno aigiye.

Mai'naya kavane 29:1

Gotiʼa asole afinaʼmo mago vekaeʼmo hosu kavaʼmo nehane, huno hisiya gemo noʼafisigenoʼaeʼmo malage huno alino agoʼya laga uno atalesigeno ha maesiya vekamo alagi oʼmaigiye.

Neniyo 5:20

Huʼniyaʼmonanafa lotokamoʼmo agaiʼamo alino asaga huno atege ge oʼafige huʼnigenoʼaeʼmo Gotiʼa alino hafaino ataleteno ayapatiʼmo konali yaʼamo alino ataleʼniye.

Lomu 1:18

Kokuʼnapatiʼmo Gotiʼa aipamo leno neʼapateya kavaʼamo alino apave neliye. Gotiʼa agaefeʼmo muki mono nosaya kavaʼe muki vayaʼaitegamo muki hosu kavaʼmo nehaya kavateʼefeʼmo aipamo leno neʼapate. Apakaemo hosu kavaʼapiletiʼmo lama geʼamo apaipafiʼmo haneʼniya lama geʼaleʼmo aliʼyaʼmo oʼalisiyafeʼmo aeʼa akaniʼa neʼatae.

Lomu 11:25

Konagaʼnimogitapae, huʼna, alagepa huta afiʼnone, huta hutetapa himuʼnamu kavaʼmo osisayafeʼmo mago fala kiʼniya gemo lapa paisugetapa afisayafeʼmo nahauʼniye. Gotiʼa mago Isaleli vayaʼai apakesamo aino akani maleʼnigeʼa geʼamo oʼafiʼa maime maime neʼvisageʼapaeʼmo mago alu nofi vayaʼmogimo Goti kegiʼyafiʼmo uʼa haite haite huʼa haiʼa lekana pai maleʼniya vayaʼmo afole aigae.

Lomu 9:22

Ani kavaʼmo huno Gotiʼa aipamo leno neʼapateya kayoʼe himamuʼaʼeʼmo afaʼa alino apave lisiyafeʼmo hauʼniyaʼmonanafa aipamo leno neʼapateya vayaʼmo malage huno oʼapamagino yatala afinaʼmo afaʼa apakeno maiʼniye. Apakaemo mopa kegana huʼa maiʼnayanageno Gotiʼa alino hano huno apatalesiyafeʼmo apakaiʼapimo alo huʼa maiʼnae.

2 Kolitiyani 5:10

Kalaisiʼa siyaʼaleʼmo fai maiʼnenoʼaeʼmo kavatimo alino fako huno latesiya afinaʼmo mukiʼamogita uta haita aulagaleʼmo he tita maigune. Lagufafiʼmo maiʼnetaeʼmo alagepa kavaʼmo huʼnisupi hosu kavaʼmo huʼnisupigeta mukiʼamogitamo lamete lamete huta miyatimo aligune.

2 Tesaloniyani 1:5

Lapakaemo Gotiʼa yagaino neʼapateya koteʼmo afaʼa uta haitapa maisaya kavaʼmo hutapa maiʼnae, huno hisiyafeʼmo ani kana yaʼmo aligae, huteno fako huno lapamiʼnigetapa aliʼnae.

Himulu 3:13

Hosu kavaʼmoʼa humi lapateteno alino lokiya lapaipamo kalino lapategaiyanagi muki afinaʼae afinaʼaeʼmo konagatapieʼmo hutapaeʼmo, atafauta alagi hiyo, hutapa alita lokiya vaita apateyo. Akeyaʼvilagamo Gotiʼa hunoʼaeʼmo, hemenimo afiyo, huno huʼniya gemo hemeni kanatapimo hano osuno afaʼa haneʼniyaʼmofeʼmo hemenigeʼmo konagatapimo alita he titapa apateyo.

Himulu 3:15

Goti mukufiʼmo avoʼmo kae maleʼniya gemoʼmo hunoʼaeʼmo, Hemenimo Goti geʼamo neʼafisayana lapaipamo alita lokiya vailiʼnetapa oʼafiyo. Geʼnimo amagiʼa ataleʼnaya kava hutapa geʼnimo amagitapa oʼataleyo, huno huʼniye.

Himulu 4:7

Asole kafugamo ago utegeno Gotiʼa halate magoʼe afinaʼmo hu maletenoʼaeʼmo, Hemenimo u haitapa maita haga legae, huno hu maleʼniye. Gotiʼa mani gemo Nevini avayafatiʼmo, hemenimo Goti geʼamo neʼafitapaeʼmo lapaipamo alita lokiya vaitapa oʼateyo, huno huʼniye.

Yemisi 5:3

Monitapileʼmo oʼaniʼya faiʼniya yaʼmoʼa agoti huno lapateteno atagana huno leno lapasaga ligiye. Lapakaemo henaga afinafeʼmo magoʼe kagemi yatapimo alita anupa hutapa malege malege hutapa neʼmaiye.

Yasuva 11:20

Ala kava neʼmoʼa ani vayaʼmogimo kamemo hisayafekeʼmo apaipamo alino lokiya vaino apateʼniyaʼmofeʼmo kame huʼnageʼapaeʼmo Isaleli vayaʼmogimo hapau huʼa oʼapateʼa hapaeʼa hano huʼa apataleʼnae. Ala kava neʼmoʼa Mosesefeʼmo ani ha paiʼniya gemo alagi akame huʼnae.

2 Pita 2:9

Inagi Ala kava neʼmoʼa agaefeʼmo mono nehaya vayaʼai apakufamo alino katino apatetenoʼaeʼmo hosu kavaʼmo huʼnaya vayaʼmo kayoʼmo apamiteno agoti huno apatesiya afinaʼmo yagaino apatesiyafeʼmo ageʼniye.

2 Pita 3:7

Ani kavaʼmo huno Gotiʼa ma mopaʼe kokuʼnaʼefeʼmohunoʼaeʼmo, afaʼa haneno, huno huʼnigeno haneʼniyanageno atamoʼa leno saga lisiyafeʼmo afaʼa haneʼniye. Gotiʼa yagaino ateʼnigeno haneme haneme neʼeyanageno Gotiʼa agaefeʼmo mono nosaya vayaʼaina agoti huno apateteno alino apagoʼya lagauno apatalegaiye.

Yuti 1:6

Gotiʼa mago enisole vayaʼmo aliʼyaʼmo apamiʼnigeʼapaeʼmo yagaiʼnaya aliʼyaʼapimo atalege maiʼnaya koʼapimo atalege huʼnagenoʼaeʼmo Gotiʼa apatafauno hanege hanege huno hanesiya seli nofitetiʼmo kino apateteno alopa agotimo huno apatesiya afinafeʼmo malaga hani kopiʼmo apateʼnigeʼa maiʼnae.

Leveleseni 2:21

Hosu kavaʼmo nehana kavakamo atalo, huʼna huteʼna aipamo alino afe lesiya afinaʼmo amiʼnovaʼmonanafa aipamo alino afe lesiyafeʼmo ohauʼnigeno kumai kavakeʼmo nehiye.

Leveleseni 6:17

Anaipamo leʼana neʼapataʼa afinaʼmo afole aiʼnigi haiya vayaʼmo afaʼa he tiʼa maigae, huʼa huʼnae.

1 Samiyo 6:6

Isipi vayaʼe Isipi kini vekaʼeʼmo apaipamo aliʼa lokiya vaiʼa ateʼnayaʼmonanafa Isaleli vayaʼmogi Gotiʼapimoʼmo himamu kavaʼmo Isipi vayaʼaitegamo huʼnigeʼa Isaleli vayaʼmo afaʼa apataleʼnageʼa Isipi kotegatiʼmo ataleʼa oʼuʼnafiye. Na kava higetapaeʼmo lapaipamo alita lokiya vaitapa nelapatae.