Lomu 2:27 - The Keyagana NT and 25 OT books

²⁷ Apakufamo olagauʼnageʼa afaʼa maiʼnaya vayaʼmogimo keʼaepa geʼamo akame nehisayaʼmoʼmo agoti huʼa kategae. Keʼaepa geʼamo ago aliʼnanageʼapaeʼmo kagufamo lagauʼnaya vekamogamo ani keʼaepa geʼamo ago amagika neʼatalanaʼmofeʼmo, hosu kavaʼmo huʼnane, huteʼa agoti huʼa kategae.

Lomu 2:27 ပူးပေါင်းရင်းမြစ်များ

Matiyu 3:15

Yesuʼa hunoʼaeʼmo, he, ani kavaʼmo haneʼniyaʼmonanafa hemenimo kagaemo geʼnimo afa akame hugetaʼao. Muki Goti fatago kavaʼamo alitaʼa afole aitaʼa ategauʼae, huno ha paiʼnigenoʼaeʼmo Yoniʼa hunoʼaeʼmo, he kanalene, huno huʼniye.

Apa 13:22

Gotiʼa Soloʼmo ha faino ataleteno Neviniʼa yagaino apatesiyafeʼmo alino he tino ateʼniye. Gotiʼa Nevinifeʼmo ava gemo hunoʼaeʼmo, Nagaemo Neviniʼa Yesi mafaʼneʼaeʼmo nahau nayamopafiʼmo nahauʼniyanageno muki nahauʼniya kavaʼmo hugiye, huno huʼniye, huno huʼniye.

Lomu 13:10

Hapau apayamopafiʼmo nehapaiya vayaʼmogimo hapaopaleʼmo neʼmaiya vayaʼaitegamo hosu kavaʼmo nosayaʼmofeʼmo muki keʼaepa geʼamo akame huʼa hano nehae, huno huʼniyaʼmofeʼmae.

Lomu 2:15

Apakaemo laipafiʼmo avoʼmo kae maleʼniya keʼaepa geʼamo haneʼniye, huʼa aliʼa apave neliye. Yuʼilaga vekaʼapimoʼa, mani kava hiyo, ina kava osiyo, huno hapa nepaiye. Apakaemo apakesa afiteʼapaeʼmo hosu kavaʼmo nehune, huʼa huge alagepa kavaʼmo nehune, huʼa huge nehae.

Lomu 2:25

Kagaemo keʼaepa geʼamo akame nehisanaʼmoʼmo kagufamo lagauʼnaya kavaʼmoʼa afaʼa kaha maegaiye. Keʼaepa geʼamo amagika neʼatalesanaʼmoʼmo kagufamo lagauʼnaya kavaʼmo ina agufa kavaʼmo haneʼniye.

Lomu 2:26

Mago vekamo agufamo lagauʼnisaya vekamoʼmo keʼaepa geʼamo akame nehisiyaʼmoʼmo Goti aulagaleʼmo apakufamo lagauʼnaya vayakana huno maigiye.

Lomu 3:30

Gotiʼa magokeʼageʼmo maiʼniyanageno Yu vayaʼmogi apakesamo afiʼa fatago nehaya kavatetiʼmo apakaefeʼmo hunoʼaeʼmo, naulagaleʼmo fatago vayaʼmo maiʼnae, huno huge Yu nofi vayapatiʼmo oʼmaiʼnaya vayaʼmogiʼeʼmo apakesamo afiʼa fatago nehaya kavatetiʼmo apakaefeʼmo hunoʼaeʼmo, naulagaleʼmo fatago vayaʼmo maiʼnae, huno huge hugiye.

Lomu 8:4

Keʼaepa gemoʼa hunoʼaeʼmo, fatago kavaʼmo hiyo, huno huʼniya fatago kavaʼamo lagaepiʼmo afole aisiyafeʼmo Gotiʼa ani kavaʼmo huʼniye. Lagaemo atafa laipamo akame osuta Goti Aunemeʼamo hauʼniya kavaʼmo akame nehune.

1 Kolitiyani 7:19

Lagufamo lagauʼnisafi olagauʼnisafi afaʼa ina agufa kavaʼmo haneʼniye. Hogote kavaʼmo haneʼniyana Goti keʼaepa geʼamo akame nehuna kavaʼmo haneʼniye.

2 Kolitiyani 3:6

Agaemo aliʼyaʼamo alisunafeʼmo lokiya vaino lateʼnigeta saufa kotalakeleʼmo aliʼyaʼamo neʼaluna vayaʼmo maiʼnone. Saufa kotalake gemo malaga yateʼmo avoʼmo kae maleʼniya keʼaepa gegana huno ohaneʼnifa Aunemeʼaʼe gemo yuʼilaga gemo haneʼniye. Keʼaepa gemoʼa vayaʼmo apamagigeʼa nefaliyaʼmonanafa Aunemeʼamoʼmo afaʼa maisaya yaʼmo neʼapamiye.

Galesiya 5:14

Muki keʼaepa gemo aepaʼamo magoke keʼaepa gefiʼmo haneʼniya gemoʼa hunoʼaeʼmo, kagaikaeʼmo kahau kayamopafiʼmo nekahaiya kava huka kahaopaleʼmo maiʼnaya vayaʼaifeʼmo kahau kayamopafiʼmo kahaino, huno huʼniya gemo akame huʼnisayana muki keʼaepa gemo akame hutapa hano huʼnae.

Efasasi 2:11

Alo huno lapateʼniyaʼmofeʼmo lapakaemo, hogoteta maiʼnona afinaʼmo haiya agufa kavaʼmo huta maiʼnopi, hutapa lapakesamo afita ho hiyo. Itatapimogimo aliʼa lapateʼnagetapaeʼmo Yu nofi vayaʼmo oʼmaiʼnae. Yu vayaʼmogi apayatetiʼmo apakufamo lagauʼnaya vayaʼmogimo lapakaefeʼmo huʼapaeʼmo, Goti keʼaepa geʼamo oʼafiʼnaya vayaʼmogeʼapaeʼmo apakufamo olagauʼnaya vayaʼmo maiʼnae, huʼa nehae.

2 Timoti 3:15

Kagaemo aise mafaʼnemo maiʼnana afinatetiʼmo Goti aote mukufiʼmo avoʼmo kae maleʼnaya gemo afime afime eka hemenimo maiʼnane. Gotiʼa ani geletiʼmo afiteka agesana kaipamo afaʼa kamiteka Kalaisi Yesufeʼmo kagesamo afika fatago nehana kavatetiʼmo kagufamo alino katino kateteno kahau vaigiye.

Himulu 11:3

Lagaemo lagesamo afita fatago nehuna kavatetiʼmo hutaeʼmo, Gotiʼa geʼaletiʼmo ma mopagi kokuʼnanagi muki neʼagona yanagi huno oʼageʼnona yatetiʼmo alo hu maleʼniye, huta afita aeto nehune.