Lomu 2:25 - The Keyagana NT and 25 OT books

²⁵ Kagaemo keʼaepa geʼamo akame nehisanaʼmoʼmo kagufamo lagauʼnaya kavaʼmoʼa afaʼa kaha maegaiye. Keʼaepa geʼamo amagika neʼatalesanaʼmoʼmo kagufamo lagauʼnaya kavaʼmo ina agufa kavaʼmo haneʼniye.

Lomu 2:25 ပူးပေါင်းရင်းမြစ်များ

Apa 7:51

Lapaipa lapakesamo akaniʼniya vayaʼmogitapae, huno, Goti geʼamo noʼafiya nofi vayakana hutapa maiʼnageno Goti geʼamo afisayafeʼmo lapaipa lapakesamo aino halo noʼaiye. Lapakinago vayaʼmogi huʼnaya kava hutapa muki afinaʼmo Goti Aunemeʼamoʼmo lapakaefeʼmo ge nehiya gemo ataletapa maitapa halove nehae.

Lomu 2:13

Gotiʼa keʼaepa geʼamo fikumo afiʼnaya vayaʼaifeʼmo, naulagaleʼmo fatago vayaʼmo maiʼnae, huno nosifa keʼaepa geʼamo afiteʼa akame nehaya vayaʼaifekeʼmo, naulagaleʼmo fatago vayaʼmo maiʼnae, huno nehiye.

Lomu 2:23

Kagaemo hukaeʼmo, keʼaepa gemo afiʼnove, huteka kagikaleʼmo alika asaga nehanaʼmonanafa keʼaepa geʼamo ago amagika ataleteka Goti agiʼaleʼmo alika afepi neʼatane.

Lomu 2:26

Mago vekamo agufamo lagauʼnisaya vekamoʼmo keʼaepa geʼamo akame nehisiyaʼmoʼmo Goti aulagaleʼmo apakufamo lagauʼnaya vayakana huno maigiye.

Lomu 2:27

Apakufamo olagauʼnageʼa afaʼa maiʼnaya vayaʼmogimo keʼaepa geʼamo akame nehisayaʼmoʼmo agoti huʼa kategae. Keʼaepa geʼamo ago aliʼnanageʼapaeʼmo kagufamo lagauʼnaya vekamogamo ani keʼaepa geʼamo ago amagika neʼatalanaʼmofeʼmo, hosu kavaʼmo huʼnane, huteʼa agoti huʼa kategae.

Lomu 2:28

Lama ge Yu vekamoʼmo amega agufale Yu vekamo oʼmaiʼnifa aipafi Yu vekamo maiʼniye. Lama ge apakufamo lagauʼnaya kavaʼmo amega apakufale kavaʼmo ohaneʼnifa apaipafi kavaʼmo haneʼniye. Keʼaepa gemoʼa mani agufa aliʼyaʼmo afaʼa oʼaligiyaʼmonanafa Goti Aunemeʼamoʼmo apaipafiʼmo mani agufa aliʼyaʼmo afaʼa neʼaliye. Ma mopafi vayaʼmogimo lama ge Yu vekamo agiʼaleʼmo aliʼa asaga huʼa noʼatayaʼmonanafa Gotiʼa agiʼaleʼmo alino asaga huno neʼate.

1 Kolitiyani 7:19

Lagufamo lagauʼnisafi olagauʼnisafi afaʼa ina agufa kavaʼmo haneʼniye. Hogote kavaʼmo haneʼniyana Goti keʼaepa geʼamo akame nehuna kavaʼmo haneʼniye.

Galesiya 6:13

Apakufamo nelagaya vayaʼmogimo apakaiʼapimo keʼaepa gemo akame nosayaʼmonanafa lagaemo lakame nehae, huʼa ala apakiʼapimo alisayafeʼmo hapauʼnigeʼapaeʼmo, lapakufamo lagaiyo, huʼa nehae.

Galesiya 6:15

Mani kavatefeʼmo huʼnaeʼmo, Kalaisi Yesupiʼmo maiʼnonaʼmofeʼmo lagufamo lagauʼnisupi olagauʼnisupi ina agufa kavaʼmo haneʼniye. Gotiʼa saufa vayaʼmo alo huno lateʼniya kavakeʼmo kanale kavaʼmo haneʼniye.