Lomu 2:19 - The Keyagana NT and 25 OT books

^19-20 Kagaemo hukaeʼmo, keʼaepa geʼamo ago afiʼnove. Afiteʼna nagaemo lama gemo aepaʼamo ago ageʼnove, huka nehane. Lole kagesamo oʼafika lokiya vaika kagesa afikaeʼmo, apaulagamo ali huʼnigeʼa alagepa kaʼmo oʼageʼa hani yapiʼmo neʼmaiya vayaʼmo ha le yaʼmo aliʼna neʼapamuve. Oʼafiʼnaya vayaʼmo aliʼna api aiʼna apateteʼna mafaʼnegana huʼa apakesa ohaneʼniya vayaʼmo aliʼna apaya neʼmalove, huka kagesamo neʼafine.

Lomu 2:19 ပူးပေါင်းရင်းမြစ်များ

Mai'naya kavane 26:12

Negi vekamoʼmo alagepa kavaʼmo hisiyafeʼmo mago vekamo agaiʼa aulagaleʼmo afiteʼna ageʼnova vekamo maiʼnove, huno nehiya vekamo aeno aga seʼniye.

Aiyeya 49:6

Ala kava neʼmoʼa ina gemo huno naha painoʼaeʼmo, Kagaemo Yekopu nofi vayaʼmo alika he tika apatesanageʼa halate lokiya vaiʼa maige yagaiʼna apateʼnogeʼa afaʼa maiʼnaya Isaleli vayaʼmo alika alagepa huka apatesanageʼa halate alagepa huʼa maige hisayafeʼmo ani aise aliʼyaʼmo afaʼa alisanana kanale osugiye. Ani aliʼyaʼe magoʼe huʼna alu aliʼyaʼeʼmo kamiguve. Nagaemo ma mopafi muki haopalegamo maiʼnaya vayaʼmogi apakufamo alika katika apatesanafeʼmo ani malaga nofi vayaʼmogi ha le yaʼapigana huka maigane, huʼna aliʼna kateʼnove, huno huʼniye.

Aiyeya 5:21

Apakaiʼapi apaulagaleʼmo apakeʼapaeʼmo, afiteta ageʼnona vayaʼmo maiʼnone, huʼa huge alagepa laipa lagesa afi yaʼmo haneʼnigeta alagepa kavaʼmo nehuna vayane, huʼa apakesamo afige nehaya vayaʼmogimo lusi kava huʼa kage kage hugae.

Aiyeya 56:10

Isaleli vayaʼaiteʼmo yagaiʼa neʼapataya vayaʼmo apaulagamo fali kaeʼniye. Gemo alagepa huʼa noʼafiye. Apake noʼaiya kalagana huʼa maiʼneʼa hau hau nosae. Havaesayafeʼmo hapauʼnigeʼa apauʼmaiʼmai huʼa maiʼnae.

Matiyu 15:14

Afaʼa apateyo. Apaulagamo ali huʼnigeʼa alu vayaʼmo kaʼmo aliʼa ho huʼa apavaleliʼa neʼvaya vayane. Mago aulagamo ali huʼnisiya vekamoʼmo alu vekamo aulagamo ali huʼnisiya vekamo ayateʼmo alino avalelino visiyana magokepiʼmo uʼana kelifiʼmo asagauʼana aigaʼae, huno hapa paiʼniye.

Matiyu 4:16

Ha le yaʼmoʼmo hani huʼniya yapiʼmo maiʼnaya vayaʼaitegamo aeno ha leʼnigeʼa ageʼnae. Nefaliya aune kavaʼmoʼa apakenopaleʼmo kino apati kaeʼnigeʼa hani huʼniya yapiʼmo maiʼnaya vayaʼaitegamo aeno ha leʼniye, huno avoʼmo kae maleʼniye.

Matiyu 5:14

Lapakaemo ma mopafi vayaʼai ha le yaʼapigana hutapa maiʼnae. Mago taonimo avefiʼmo ki maleʼnisaya taonimoʼmo fala kino ohanegaifa afole yateʼmo haneʼnisigeʼa agegae.

Matiyu 6:23

Lapaulagamoʼmo hosu kavaʼmo huno neʼagesiyana lapakupiʼmo hani huʼnisigeno hani yaʼmo havaiteno hanegaiye. Lapakupiʼmo aeno ha nolesiyana lusi kava huno hani huʼniya yaʼmo lapakupiʼmo nehane.

Maki 10:15

Lama gemo lapa nepauve, huno, mago vekamoʼmo hunoʼaeʼmo Gotiʼa yagaino nategaiye, huno huteno aise mafaʼnegana huno oʼmaiʼnisiyaʼmoʼmo Gotiʼa yagaino apateʼniya kegiʼyafiʼmo afaʼa uno ohaigiye, huno hapa paiʼniye.

Luki 1:79

Lagaetegamo enoʼaeʼmo hanipiʼmo fali kavaʼmo auneʼafiʼmo fai maiʼnona vayaʼmogitalegamo ha le yaʼmo lamiteno alagepa kaʼmo Gotiʼeʼmo lokaelita visuna kaʼmo alino lave ligiye, huka hapa paigane, huno huʼniye.

Yoni 9:34

Itakamoʼmo alino kateʼnigekaeʼmo hosu kavapikeʼmo maiʼnanagi hemenimo kagaemo alika laya malesanafeʼmo nehapiye, huʼa huteʼa mono nopatiʼmo aliʼa hafaiʼa ataleʼnae.

Apa 26:18

Apakaemo nagaefeʼmo apakesamo afiʼa fatago hisageʼna hosu kavaʼapimo aliʼna atalesugeʼa Goti apaote vayaʼaʼeʼmo hetamaʼapimo aliteʼa magokepi lokaeʼa maisayafeʼmo kagaemo uka apaulagamo alika ayakeka apateteka hani huʼnisiya yategatiʼmo apayate alinika aika atagi nekeka ha le yategamo apategane. Sataniʼa yagaino neʼapateya kegiʼyafatiʼmo apayate alika apavalelikeka Gotiʼa neʼyagaiya kegiʼyafiʼmo apategane, huno naha paiʼniye, huno ha paiʼniye.

Lomu 2:18

Goti keʼaepa geʼamo aliʼa kaya maleʼnagekaeʼmo Gotiʼa hauʼniya kavaʼmo ageteka hogote alagepa kavafeʼmo, kanale kavane, huka nehane.

1 Kolitiyani 3:18

Lapakaitapieʼmo humi olapateyo. Lapakaepatiʼmo mago vekamoʼmo ma mopafi vayaʼmogi afiteʼa ageʼnaya agufa gemo afitenoʼaeʼmo, ageteʼna afiʼnova vekamo maiʼnove, huno agesamo neʼafisiyana ageteno afiʼniya geʼamo ataleteno, negi vekamo maiʼnove, huno hino. Huno hisiyana lama geleʼmo ageteno afiʼniya vekamo hamalegaiye.

1 Kolitiyani 4:10

Lagaemo Kalaisitefeʼmo neʼmaunageʼapaeʼmo negi vayaʼmo maiʼnae, huʼa nehayaʼmonanafa lapakaemo Kalaisipiʼmo maiʼnetapaeʼmo agetetapa afiʼnaya vayaʼmo maiʼnae. Lokiya noʼvauna vayaʼmo maiʼnonaʼmonanafa ago lokiya neʼvaiya vayaʼmo maiʼnae. Vaehae, nahauʼnimogitapae, huʼna, Ala lapakimo nelapamiyaʼmonanafa lagaefeʼmo, ina agufa vayaʼmo maiʼnae, huʼa nehae.

Filipai 2:15

Vaiʼmo olapamisageno lapaipafiʼmo hosu kavatapimo ohaneʼnisiya Goti mafaʼneʼamo maigae. Lapakaemo hosu kavaʼmo nehaya vayaʼe hosu apaipa apakesamo neʼafiya vayaʼeʼmo maiʼnaya folagapiʼmo neʼmaiyaʼmofeʼmo lama gemokeʼmo afaʼa maisaya yaʼmo neʼapamiya geleʼmo atafautapa alagi huʼnetapa ha le yakana hutapa maiʼnetapaeʼmo ha le yaʼmo apamiyo. Lapakaemo ani kavaʼmo hutapa maiʼnisayana Kalaisi afinaʼmo afole aisigeʼnaeʼmo, nayamufa aliʼyaʼmo fikumo aliʼna ataleʼnove, huʼna osugufa namogaga aiguve.