Lomu 2:1 - The Keyagana NT and 25 OT books

¹ Veʼnimogae, huʼna, kagaemo vayaʼai hosu kavaʼapimo agetekaeʼmo alika fako huka apatetekaeʼmo, hosu kavaʼmo nehae, huka nehukaeʼmo kagaikaʼefeʼmo ani gemo nehane. Magoke agufa hosu kavaʼmo nehanaʼmofeʼmae. Kagaemo hosu kavaʼmo nehae, huka nehana vekamogamo magoke agufa hosu kavaʼmo nehanaʼmofeʼmo ina lagamo maiʼnapigeka agotileʼmo he tika maiʼnekaeʼmo, nagaemo hosu kavaʼmo huʼnofi, huʼna oʼageʼnove, huka aeka ati okaegane.

Lomu 2:1 ပူးပေါင်းရင်းမြစ်များ

Luki 12:14

ina laʼmo nagaefeʼmo kagemi yatanimo alino fako huno lanamisiya vekae, huno lekana paino nateʼniye, huno ha paitenoʼaeʼmo

Luki 19:22

kagaemo hosu aliʼyaʼmo aliʼnane. Kagaemo naha paiʼnana gekaletiʼmo agoti huʼna kategauve. Ago nageʼnanana lokiya naipa vekamo maiʼneʼna mago vayaʼmogi maleʼnaya yaʼmo alige mago vayaʼmogi hoyafatiʼmo alige huʼnogeka nageʼnane.

Luki 6:37

Lapakaemo vayaʼaifeʼmo hutapaeʼmo, hosu kavaʼmo huʼnae, hutapa huteta alita fako huta oʼapateyo. Alita fako hutapa oʼapatesayaʼmoʼmo Gotiʼa hunoʼaeʼmo, hosu kavaʼmo huʼnae, huno huteno alino fako huno olapategae. Ina kava ina kavaʼmo nehana vekamo maiʼnane, hutapa osiyo. Gotiʼa lapakaefeʼmo hunoʼaeʼmo, ina kava ina kavaʼmo nehana vekamo maiʼnane, huno osugiye. Lapakaemo lapakaetegamo hosu kavaʼmo huʼnisaya vayaʼaifeʼmo afaʼa ateyo, hutapa hiyo, Gotiʼa lapakaefeʼmo hunoʼaeʼmo, afaʼa ateyo, huno hugiye.

Lomu 14:22

Ani kavatefeʼmo lapakesamo afita fatago nehaya kavaʼmo alita lapaipafiʼmo malegeno Goti aulagaleʼmo haneno. Vayaʼmogi nehaya kavafeʼmo lole apakesamo oʼafiʼa, alagepa kavaʼmo nehune, huʼa apakesamo neʼafiya vayaʼmogi apamogaga neʼaiye.

Lomu 2:2

Gotiʼa ani kavaʼmo nehaya vayaʼmo alagi lama ge huno huʼnaya kavaʼapilefekeʼmo agoti huno apategaiye, huta ago afiʼnone.

Lomu 2:3

Veʼnimogae, huʼna, ani agufa kavaʼmo nehukaeʼmo ani kavaʼmo nehaya vayaʼmo alika fako huka apatetekaeʼmo, faiʼna kasalo paegauve, huka kagesamo neʼafipiye.

Lomu 3:9

Inagi lagaemo Yu vayaʼmogita aeta apakaseta alagepa vayaʼmo maiʼnopiye. Haʼao, hosu kavaʼmoʼa Yu vayaʼmogitaʼe Yu nofi vayapatiʼmo oʼmaiʼnaya vayaʼeʼmo aeno lagaseno yagaino lateʼniye, huʼna aliʼna lapave liʼnove.

Lomu 9:20

Vayalafaʼmo maiʼnanaʼmofeʼmo ina lagamo Goti geʼaleʼmo afaʼa aeka atagaina huka nehane. Alo huʼniya yaʼmoʼa alo huʼniya vekaeʼmo, na kava higeka ani kavaʼmo huka alo huka nateʼnane, huno afaʼa hugifiye.

1 Kolitiyani 4:5

Maiʼniyaʼmofeʼmo Gotiʼa Ala kava neʼmo eminesiya afinaʼmo lekana pai maleʼniyaʼmofeʼmo afole oʼaiʼniyanagi hogotetapa alita fako hutapa oʼapateyo. Agaemo eminenoʼaeʼmo hanipiʼmo huʼa fala nekiya kavaʼe apaipa nekaliya kavaʼapiʼeʼmo afole yateʼmo alino afole aino ategaiye. Ani afinaʼmo Gotiʼa muki vayaʼmogimo aliʼyaʼapimo aliʼnaya yatefeʼmo, alagepa aliʼyaʼmo aliʼnae, huno hapa paitesigeʼapaeʼmo apamete apamete huʼa hetamaʼapimo aligae.

1 Kolitiyani 7:16

Aʼnemogitapae, huʼna, lapakaemo, anautimogiʼeʼmo magokepi lokaeta maisunana apakufamo alita katita apatesupi, hutapa lapakesamo afiyo. Anauʼapimogitapae, huʼna, lapakaemo aʼnetiʼeʼmo magokepi lokaeta maisunana apakufamo alita katita apatesupi, hutapa lapakesamo afiyo.

Yemisi 2:20

Negi vekae, huʼna, kagesamo afika fatago huʼnanaʼmonanafa alagepa kavaʼmo nosanaʼmofeʼmo kagesamo afika fatago huʼnana kavakamo faligekana huno haneʼniye, huʼna aliʼna kave lisufiye.

Yemisi 4:11

Konagatapimogifeʼmo huta faipa hutapa oʼapateyo. Mago vekamoʼmo konagaʼamofeʼmo huno faipa huno ateteno alino fako huno atesiyana Goti keʼaepa geʼaeʼmo huno faipa huno ateteno alino fako huno neʼate. Lapakaemo keʼaepa geʼamo alita fako hutapa atesayana keʼaepa geʼamo akame osutapa keʼaepa geʼamo alita fako hutapa neʼatae.