Lomu 16:18 - The Keyagana NT and 25 OT books

¹⁸ Ani agufa vayaʼmogimo Ala kava netimo Yesu Kalaisi aliʼyaʼamo noʼalifa amega apakufamoʼmo hauʼniya kavaʼmo akame nehae. Haga hapausiya agufa gemo huteʼa aigofe geʼapiletiʼmo hapao ke heʼa apametala huteʼa fikumo neʼafiya vayaʼmo apakesa nefaiye.

Lomu 16:18 ပူးပေါင်းရင်းမြစ်များ

2 Sitoli 18:5

Inagi Ehapiʼmo fo hataletiʼa apaune vayaʼaifeʼmo ge huʼnigeʼa eʼa aliʼa anupa huʼa maiʼnae. Agaemo, uta kamemo hisupi afaʼa atesune, huno ge huno apafi geʼnigeʼapaeʼmo, uta haitapa kamemo hiyo. Gotiʼa ani taonimo alino kamigiye, huʼa ha paiʼnae.

Samu 119:130

Gekamoʼmo vayaʼai apaipafiʼmo faleno uno haitenoʼaeʼmo aeno ha nele. Negi vayaʼmogi gekamo afiteʼapaeʼmo gemo aepaʼamo afigae.

Samu 12:2

Muki vayaʼmogimo afa gegeʼmo hapa nepaiye. Hapa paiteʼa aigofe geletiʼmo huʼa hapaoke nehae.

Samu 19:7

Ala kava neʼmo keʼaepa geʼamo kanale alagepa gemo haneʼneno apakupi mafaʼnemo alino alagepa huno neʼate. Ala kava neʼmo faigoko geʼamoʼmo aino ataginovano nosifa alagepa huno haneʼnenoʼaeʼmo oʼageʼnaya vayaʼmo alino apaya maleʼnigeʼa apakesamo neʼafiye.

Mai'naya kavane 14:15

Alagepa huno oʼafiʼniya vekamoʼmo muki geʼapieʼmo lama geʼageʼmo haneʼniye, huno nehiyaʼmonanafa alagepa kavaʼmo hisiyafeʼmo ageʼniya vekamoʼmo nehiya kavaʼaeʼmo alagepa huno agesamo neʼafiye.

Mai'naya kavane 22:3

Alagepa kavaʼmo hisiyafeʼmo afiʼniya vekamoʼmo nagaeteʼmo hanageke yaʼmo afole aigiye, huno agetenoʼaeʼmo maino halove huno neʼmaiyaʼmonanafa oʼafiʼnaya vayaʼmogimo hanageke yaʼmo alisaya kateʼmo neʼuʼapaeʼmo hanageke yaʼmo neʼaliye.

Mai'naya kavane 8:5

O mafaʼnegana huno apakesamo haneʼnigeʼa gemo noʼafiya vayaʼmogitapae, huʼna, alagepa kavaʼmo hisayafeʼmo lapakesa afi yaʼmo aliyo. Negi vayaʼmogitapae, huʼna, alagepa huta afisaya lapaipamo aliyo.

Neniyo 11:34

Kame vayaʼapimogi hapaesaya afinaʼmo aise vayaʼmo hapa maesageʼa asole aigofe vayaʼmo eʼa anifi lokaeʼa maigae.

Maika 3:5

Goti gemo aeʼa hakalo huʼa hapa nepaiya vayaʼmogi Goti vayaʼamo hosu kateʼmo apavaleliʼa neʼvae. Ala kava neʼmoʼa ani vayaʼaifeʼmo apava gemo hunoʼaeʼmo, Apakaemo neʼyaʼmo neʼapamiya vayaʼaifeʼmo huʼapaeʼmo, Alagepa hutapa maigae, huʼa nehayaʼmonanafa neʼyaʼmo noʼapamiya vayaʼeʼmo kame hisayafeʼmo alo nehae, huno huʼniye.

Malakai 1:10

Nagae hiʼyalamuteʼmo afa ofalinimo okaesiyafeʼmo lapakaepatiʼmo ina laʼmo mono nopiʼmo kita kigiye. Ala kava neʼmo muki vayaʼaiteʼmo yagaiʼna neʼapatova vekamoʼnamo huʼnaeʼmo, Lapao ke nosove, huʼna nehuve. Lapakae lapayapatiʼmo ofalini namisageʼnaeʼmo oʼaliguve.

Matiyu 24:11

Asole aigofe gemo alini eʼa aeʼa hakalo huʼa hapa paisaya vayaʼmo afole aiteʼa asole vayaʼaifeʼmo humi apategae.

Matiyu 24:24

Mago vayaʼmogi, Kalaisiʼnamo maiʼnove, huʼa huge mago vayaʼmogi Gotitegati gemo aliniʼneʼna aeʼna hakalo huʼna hapa nepauva vekamo maiʼnove, huʼa huge huteʼa magoʼe huʼa noʼagaya agufa apaune kavaʼmo hugayaʼmofeʼmae. Lekana paino apateʼniya vayaʼmo humi apatesayafeʼmo hugayana afaʼa humi oʼapategae.

Matiyu 6:24

Mago aliʼyaʼmo neʼalisiya vekamoʼmo lole aliʼyaʼmo afoʼalaʼmoganiteʼmo aliʼyaʼmo afaʼa oʼaligiye. Agaemo mago alu aliʼyaʼmo afoʼamofeʼmo aini huʼnisiyana mago alu vekaeʼmo hau ayamopafiʼmo hauʼnisigeno geʼamo afiteno alu aliʼyaʼmo afoʼamofeʼmo ohauʼnisigeno akameʼyamo amigiye. Lapakaemo ani kava hutapa Goti aliʼyaʼe ma mopafi aliʼyaʼeʼmo afaʼa oʼaligae.

Matiyu 7:15

Aigofe vayaʼmogi gemo alini eʼa aeʼa hakalo huʼa hapa nepaiya vayaʼaifeʼmo ehetapiye. Apakaemo sipisipi agufamo heʼa kalopaeʼa apakufaleʼmo vailiʼneʼa neʼayaʼmofeʼmo afela kalamoʼmo vayaʼmo nehapaeya kalagana huʼa maiʼnae.

Yoni 12:26

Aliʼyaʼnimo alisayafeʼmo hisaya vayaʼmogi nagae nakamekeʼmo hiyo. Ani kavaʼmo huʼa aliʼyaʼnimo neʼalisaya vayaʼmogi nagae nakamekeʼmo huteʼa uʼna maisuva koteʼmo uʼa maigae. Inagi Afoʼnimoʼmo aliʼyaʼnimo neʼalisaya vayaʼai apakiʼapileʼmo alino asaga huno apategaiye, huno hapa paiʼniye.

Lomu 14:18

Vayaʼmogimo ani kavaʼmo nehuʼa Kalaisi aliʼyaʼamo neʼalisayana Gotiʼa amuse huno neʼapategeʼa muki vayaʼmogiʼeʼmo amuse huʼa neʼapatae.

Lomu 16:19

Muki vayaʼmogimo lapakaemo alagepa hutapa gemo afitetapa akame nehaya kavafeʼmo lapava gemo ago afiʼnayaʼmofeʼmo namogaga aiʼna nelapatove. Afiʼnayaʼmonanafa lapakaemo alagepa kavaʼmo hisayafeʼmo afiʼnaya lapaipa lapakesamo alisayafekeʼmo nahauʼniyaʼmonanafa hosu kavaʼmo osisayafeʼmo oʼafiʼnaya vayakana hutapa maisayafeʼmo nahauʼniye.

2 Kolitiyani 11:3

Nehuvaʼmonanafa nagaloʼyavemoʼa Ivifeʼmo aigofe geletiʼmo agesamo faiʼniya kava huʼa mago vayaʼmogimo lapaipa lapakesamo aliʼa hosu huʼa lapatesagetapa Kalaisifeʼmo lapaipafiʼmo lapakesamo oʼafitapa atalesaya kavafeʼmo koli nehuve.

2 Kolitiyani 2:17

Asole tisa vayatapimogimo umenitata huʼa kagemi yaʼapimo maketi nehaya vayakana huʼa Goti geʼamo aeʼa hakalo huʼa hapa nepaiyaʼmonanafa lagaemo Kalaisipiʼmo maiʼnetaeʼmo Gotiʼa lamiʼniya aliʼyaʼamo neʼalitaeʼmo Goti aulagaleʼmo laipafatiʼmo aeta hakalo huta hapa nepaune.

2 Kolitiyani 4:2

Lagaemo lavagage osisiyafeʼmo hosu kavatimo aeta ati nokaone. Humi lapateteta Goti geʼamo alita afe leta anonale alu gemo nosune. Lagaemo Goti aulagaleʼmo lama geʼamo afole yateʼmo aeta hakalo huta hapa nepaunagenoʼaeʼmo muki vayaʼai yuʼilaga vekaʼapimoʼa hunoʼaeʼmo, lama gemo nehaya vayaʼmo maiʼnae, huno nehiye.

Galesiya 1:10

Nagaemo vayaʼmogi amuse huʼa natesayafeʼmo nahaʼye nehigeʼna kahauya nehufiye. Haʼao, Gotikeʼmo amuse huno natesiyafeʼmo nahaʼye nehigeʼna kahauya nehuve. Hogoteʼna vayaʼaifeʼmo nagesamo afiʼnovaʼmonanafa hemenimo amuse huʼa natesayafeʼmo nahaʼye nehisigeʼna kahauya nehuvesinana Kalaisi aliʼyaʼamo oʼaliʼnovesine.

Filipai 2:21

Muki vayaʼmogi Kalaisi Yesu aliʼyafeʼmo apakesamo oʼafiʼa apakaiʼapi aliʼyafekeʼmo apakesamo neʼafiye.

Filipai 3:19

Atupa afinaʼapimo Gotiʼa alino apagoʼya lagauno apatalesigeʼa alagi afela hegae. Apakaemo neʼyafekeʼmo lusi kava huʼa apakesamo neʼafiya yaʼmo gotiʼapimoʼae. Apavagage hisiya yafekeʼmo amuse huʼa neʼatae. Ma mopafi yatefekeʼmo apaipa apakesamo aliʼa atageno neʼviyaʼmonanafa

Kolosi 2:4

Mago vayaʼmogimo haga lapausiya agufa gemo huteʼapaeʼmo lapakesamo faiteʼa humi olapatesayafeʼmo mani gemo lapa nepauve.

Kolosi 3:24

Ala kava neʼmo Kalaisi aliʼyaʼamo neʼaliyaʼmofeʼmo ago afiʼnayana Ala kava neʼmoʼa alo hu maleʼniya yapatiʼmo miyatapimo lapamigiye.

2 Tesaloniyani 2:10

Agaemo muki agufa aigofe hosu kavaʼaletiʼmo Gotiʼa alino apagoʼya lagauno apatalesiya vayaʼaifeʼmo humi apategaiye. Apakaemo Gotiʼa apakufamo alino katino apatesiyafeʼmo lama geeʼmo alagi ohapauʼnisigeʼa afela hegae.

1 Timoti 6:5

Apaipa apakesamoʼmo kasaliʼniya yakana agufa apakesamo afiteʼa lama gemo oʼaliʼa ataleʼa alu ge alu gemo huteʼapaeʼmo afa gemo nehae. Mono kavatiletiʼmo akamelegamo magoʼe yaʼmo aligune, huʼa apakesamo neʼafiye. Ani agufa vayaʼmo maika halove huka apato.

Yemisi 1:1

Nagaemo Yemisiʼnamo Gotiʼe Ala kava neʼmo Yesu Kalaisiʼeʼmo aliʼyaʼanimo neʼaluve. Nagaemo tuolofuʼa Yu nofi vayaʼmo kotapimo ataletapa atagu faetapa uteta huʼnaya vayaʼmogitapaeʼmo ge lapamamaeʼna mani gemo avoʼmo nekaove.

2 Pita 2:3

Apakaemo hapaʼye huʼninageʼa aigofe geʼapiletiʼmo lapakaetetiʼmo muki kagemi yatapiʼe monitapiʼeʼmo alisayafeʼmo hugae. Muki afinaʼmo agoti huno apatesiya vekamo fikumo noʼmaifa alo hunoʼageʼmo neʼmaiye. Alino apagoʼya lagauno apatalesiya vekamo muki afinaʼmo au nokale.

Yuti 1:1

Nagaemo Yutiʼnamo Yesu Kalaisi aliʼyaʼamo neʼaluva vekamo Yemisi aganaʼamoʼnamo maiʼnove. Afotimo Gotiʼa keya aeno ge huno lapavaleno alino lapaote lapateʼnenoʼaeʼmo Yesu Kalaisipiʼmo afaʼa maisayafeʼmo yagaino nelapateya vayaʼmogitapaeʼmo mani gemo avoʼmo nekaove.

Yuti 1:12

Lapakaemo magoke konagamo maiʼnone, hutetapa magokepi alita anupa huta maiʼnetapaeʼmo neʼyaʼmo neʼnaya afinaʼmo mani vayaʼmogi koli osuʼa lusi neʼyaʼmo neʼneʼapaeʼmo apakaiʼapiekeʼmo apakesamo afiteʼa yagaiʼa neʼapatayaʼmonanafa kukenaleʼmo mago hosu yaʼmoʼa aeno nekamaeya agufa yakana huʼa maiʼnae. Apakaemo hiyapatiʼmo mago ko noʼaiya hiyaʼmo yasimoʼmo alinino neʼviya hiyakana huʼa maiʼnae. Yosa alagamo afu neleya afinaʼmo mago alagamo oʼaeʼniya yosamo hafuʼyaʼaʼeʼmo aino halaka tiʼnigeno alagi falu teʼniya yosagana huʼa maiʼnae. Apakaemo lole afinaʼmo faliʼnaya vayaʼmo maiʼnae.

Yuti 1:16

Ani vayaʼmogimo muki kavafeʼmo ohapauʼniyaʼmofeʼmo hagalu hagalu gemo nehuʼapaeʼmo aiʼa maku make nehae. Apakufamoʼmo hauʼniya kavaʼmo akame nehuʼapaeʼmo, ala vayaʼmo maiʼnone, huʼa nehae. Apakaemo hapauʼniya kavaʼmo afole aisiyafeʼmo apavayaletiʼmo ge huʼa hapao ke nehae.

Leveleseni 1:1

Gotiʼa alino fala ki maleʼniya gemo Goti aliʼyaʼamo neʼaliya vayaʼmo malage huno afole aisiya kavaʼmo alino apave lisiyafeʼmo Yesu Kalaisiʼmo alino amiʼniye. Kalaisiʼa agaiʼa enisole vekamo alino ateʼnigeno aliʼyaʼamo neʼaliya vekamo Yonitegamo emineʼniye.

1 Samiyo 2:29

Ani kavaʼmo huʼnovaʼmofeʼmo na kavaʼmo higetapaeʼmo mono noʼnifiʼmo ofalinimo hiyo, huʼna lapa paiʼnova ofalini kavateʼmo aitapa lanu paiʼnae. Lapafayaʼe vayaʼmo hamalesayafeʼmo Isaleli vayaʼnimogi neʼnamiya ofalini yapatiʼmo hogote ameʼamo aliʼnae. Kagaemo mafaʼnekalaʼmogani anakiʼanileʼmo alika asaga nehanaʼmonanafa nagiʼnileʼmo alika afepiʼmo neʼnatane.