Lomu 16:10 - The Keyagana NT and 25 OT books

¹⁰ Apelisiʼa Kalaisiʼmo oʼataleno akame huʼniyaʼmofeʼmo agimo haneʼniya vekaeʼmo ha paitapaeʼmo, Poloʼa ge kamamaeʼniye, hutapa ha paitapa nateyo. Alisitomulasi afamo anagaʼaifeʼmo hapa paitapaeʼmo, Poloʼa ge lapamamaeʼniye, hutapa hapa paitapa nateyo.

Lomu 16:10 ပူးပေါင်းရင်းမြစ်များ

Lomu 14:18

Vayaʼmogimo ani kavaʼmo nehuʼa Kalaisi aliʼyaʼamo neʼalisayana Gotiʼa amuse huno neʼapategeʼa muki vayaʼmogiʼeʼmo amuse huʼa neʼapatae.

Lomu 16:3

Pilisilaʼe Akuvilaʼeʼmo Kalaisi Yesu aliʼyaʼamo nagaeʼeʼmo neʼaliʼa yalavelafeʼmo, Poloʼa ge lanamamaeʼniye, hutapa hana paita nateyo.

Lomu 16:7

Atalonikasiʼe Yuniyasiʼefeʼmo hana paitanaeʼmo, Poloʼa ge lanamamaeʼniye, hutapa hana paitapa nateyo. Nagaemo Kalaisipiʼmo oʼmaiʼnova afinaʼmo hogoteʼana Kalaisipiʼmo maiʼnaʼa vekalane. Anakaemo nagae nofi vekalaʼmo maiʼneʼana mago afinaʼmo nagaeʼeʼmo magokepi kalavusi huʼnone. Anakaemo apa vayapatiʼmo ala anaki vekalane.

Lomu 8:11

Goti Aunemeʼamoʼmo Yesuʼmo faliʼniyatetiʼmo ago alino he tino ateʼniya vekamo lapaipafiʼmo maiʼnisiyana Kalaisiʼa alino he tino ateʼniya vekamoʼmo ani kava huno lapaipafiʼmo maiʼniya Aunemeʼaletiʼmo falisiya lapakufamo alino he tino lapategaiye.

1 Kolitiyani 11:19

Fatago kavaʼmo nehaya vayaʼmogi afole yategamo afole aisayafeʼmo aliʼa fako huʼa apaote apaote huʼa maisaya agufa kavaʼmo haneʼniye.

2 Kolitiyani 12:2

Nagaemo mago Kalaisipiʼmoʼmaiʼniya vekamo ageʼnove. Akeyaʼvilaga fotiniʼa kafugamo Gotiʼa ani vekamo avalelino uno haino napa tali kokuʼnapiʼmo ateʼniye. Agufafiʼmo maiʼnifi oʼmaiʼnifi huʼna oʼageʼnovana Gotiʼa ageʼniye.

2 Kolitiyani 2:9

Hogoteʼna muki geʼanimo afitetapa akame hisafi, huʼna lapamalageka hisuvafeʼmo mago avoʼmo kaeʼnove.

2 Kolitiyani 5:17

Gotiʼa ina lagimo Kalaisipiʼmo maiʼnisafi ago saufa vayaʼmo alo huno apateʼniye. Afiyo, huʼna, atafa kavaʼapimo ago hano huʼnigenoʼaeʼmo muki saufa kavaʼapimo afole aiʼniye.

2 Kolitiyani 8:22

Lagaemo mago alu konagatimoʼa anakaeʼeʼmo alita lokaeta apateʼnonageʼa uʼnae. Lagaemo muki afinaʼmo amalageka huta ateʼnonagenoʼaeʼmo laha maesiyafeʼmo muki afinaʼmo ayamukiki huʼniye. Agaemo lapakaefeʼmo alagepa kavaʼmo hugae, huno lusi kava huno agesamo afiʼniyaʼmofeʼmo magoʼe huno ayamukiki huno uʼniye.

Galesiya 1:22

Yutiya kotega siosile vayaʼmo Kalaisipiʼmo maiʼnaya vayaʼmogimo naugosamo oʼnageʼnae.

Filipai 2:22

Nehayaʼmonanafa Gotiʼa Timotiʼmo amalageka hauʼnigeno alagepa vekamo afole aiʼnigetapaeʼmo lapakaemo ago ageʼnae. Mafaʼneʼapimogi afoʼapimogiʼeʼmo lokaeʼa aliʼyaʼmo neʼaliya agufa kava hutaʼa Timotiʼe nagaeʼeʼmo alagepa faigoko gelefeʼmo magokepi lokaetaʼa aliʼyaʼmo aliʼnoʼae.

1 Timoti 3:10

Ani kavaʼmo huʼa hogoteʼa amalageka huʼa agesagenoʼaeʼmo alagepa kavaʼmo nehisiya vekamo nikeni aliʼyaʼmo alino.

2 Timoti 4:19

Pilisilaʼe Akuvilaʼenagi Onesifolasi afamo anagaʼaʼenagi hutapa ge apamamaeyo.

1 Pita 1:7

Gotiʼa lapakesamo afita fatago nehaya kavafeʼmo amalageka huno agegenoʼaeʼmo, Lama ge kavaʼmo haneʼniye, huno hisiyafeʼmo hanageke yaʼmo lapamiʼniye. Vayaʼmogimo hano hisiya goli yafaʼmo atafiʼmo kaeʼa age nekaya kava huno Gotiʼa lapakesamo afita fatago nehaya kavaʼmoʼa alopa monileʼyaʼmo aeno agaseʼniya kavaʼmo goli yafaʼmo ago aeno agaseʼniya kavaʼmogeno amalageka huno age neke. Agegenoʼaeʼmo lama ge kavaʼmo haneʼninagenoʼaeʼmo Yesu Kalaisiʼa afole aisiya afinaʼmo ala lapakitapimo lapamige ha le konali yaʼamo lapamige lapakitapileʼmo alino asagauno lapatege hisiyafeʼmo amalageka huno age neke.