Lomu 15:25 - The Keyagana NT and 25 OT books

²⁵ Hemenimo Yulusalemu taonifiʼmo maiʼnaya apaote vayaʼmo hapa maeʼna apamisuva ofalini monimo aliniʼna Yulusalemu taonifiʼmo visuvafeʼmo nehuve.

Lomu 15:25 ပူးပေါင်းရင်းမြစ်များ

Apa 18:21

Na agufa kavaʼmo Yulusalemu kotegamo afole aisifigeʼna uʼna hopa afinaʼmo maisuvafeʼmo ugesuve. Gotiʼa hauʼnisiyana halate atagineʼna eʼna lapakegauve, huno hapa paiteno apataleno Efasasi taonifatiʼmo sipifiʼmo uʼniye.

Apa 19:21

Henagaʼamo Goti Aunemeʼamoʼmo Poloʼmo agesa afi yaʼmo amiʼnigenoʼaeʼmo, Masetoniya kotegaʼe Akaiya kotegaʼeʼmo aeʼna agaseʼna uʼna Yulusalemu taonifiʼmo avaʼyi huguve. Maigeʼnaeʼmo ataleʼna Lomu taonifiʼmo uʼna agegauve, huno agesamo afiʼniye.

Apa 20:16

Poloʼa hunoʼaeʼmo, Efasasi taonimo aeta agaseta Yulusalemu taonifi Petikosi afinaʼmo uta avaʼyi hisunafeʼmo malage huta ugune, huno agesamo afiʼniye. Yu vayaʼai hopa afinaʼmo agiʼamo Petikosi afinane.

Apa 20:22

Hemenimo Goti Aunemeʼamoʼmo Yulusalemu taonifiʼmo visuva kavaʼmoʼa kalavusi huno nateʼniyanageno nagufaleʼmo na agufa kavaʼmo afole aisifi huʼna oʼageʼnovanageʼna afaʼa uguve.

Apa 24:17

Akeyaʼvilaga Yulusalemu taonifatiʼmo ataleʼnuʼna asole kafugamo maiteʼna henagaʼamo mago ofalini monimo aliteʼna vayaʼnimo hapa maesiya ofalini monimo apamisuvafeʼmo aliniʼna atagineʼna Yulusalemu taonifiʼmo eʼnove.

Apa 9:13

Ananaiyasiʼa hunoʼaeʼmo, Ala kava nene, huno, Muki vayaʼmogimo ani vekaeʼmo ava gemo ago huʼnageʼna afiʼnova vekamae. Agaemo Yulusalemu taonifi vayakamo lusi kava huno hanageke yaʼmo apamiʼniye, huʼa ava gemo huʼnageʼna afiʼnove.

Lomu 12:13

Kagemi yatapimo alita fako hutapa apaote vayaʼmo kagemi yaʼapimo ohaneʼnisiya vayaʼmo apamiyo. Nata vayaʼmo esagetapaeʼmo alagepa huta yagaitapa apateyo.

1 Kolitiyani 16:4

Inagi nagaegiʼeʼmo visuna kaʼmo hanesiyana nagaegiʼeʼmo ugune.

2 Kolitiyani 8:6

Lamiʼnayaʼmofeʼmo Taitasiʼa lapakaetegamo uno fikumo hapa maesaya ofalinimo hisaya aliʼyaʼmo aepa faiʼniya vekaeʼmo, uka ani aliʼyaʼmo alime alime uka alika hano huvo, huta ha paiʼnone.

Galesiya 2:10

Ani kavatefeʼmo mago alu gemo osuʼnafa magoke gemo huʼapaeʼmo, lagaepatiʼmo kagemi yaʼapimo ohaneʼnisaya vayaʼaifeʼmo lanake okanitana hapa maeʼao, huʼa laʼaha paiʼnae. Ani kavaʼmo hisuvafeʼmo lusi kava huʼna nayamukiki nehuve.

Himulu 6:10

Lapakaemo aliʼyaʼmo alige Gotifeʼmo lapau lapayamopafiʼmo lapauʼnigeta aliʼyaʼamo alige nehutapa apaote vayaʼamo hapa maeʼnayanageta hapa neʼmae. Gotiʼa hosu kavaʼmo huno alino fako huno noʼapateyaʼmofeʼmo alagepa kavatapieʼmo alagi age okanigiye.