Lomu 15:19 - The Keyagana NT and 25 OT books

¹⁹ Nagaemo Goti Aunemeʼamo himamuʼaletiʼmo noʼagaya agufa lokiya naune kavaʼmo huteʼnaeʼmo aliʼyaʼamo aliʼnove. Nagaemo Kalaisifeʼmo alagepa faigoko geʼamo aeʼna hakalo huʼna hapa pailiʼna uʼneʼna huliʼna Yulusalemu haopalegatiʼmo eʼna muki Ililikamu kotega haopalegamo uʼna hapa paiʼna hano huʼnove.

Lomu 15:19 ပူးပေါင်းရင်းမြစ်များ

Matiyu 12:28

Nagaemo Goti Aunemeʼaletiʼmo hosu apaune vayaʼmo aliʼna hapa faiʼna neʼapatalesuvana Gotiʼa yagaino neʼapateya kavaʼmo lapakaeteʼmo ago eno afole aiʼniye.

Yoni 4:48

Yesuʼa hunoʼaeʼmo, lapakaemo muki vayaʼmogitapamo noʼagaya naune kavaʼmo hisugetapa oʼagesayana nagaefeʼmo lapakesamo afita fatago osugae, huno ha paiʼnigeno

Apa 1:8

Oʼafigayaʼmonanafa Goti Aunemeʼamo aote Aunemeʼamo lapakaeteʼmo emineno lokiya vaino lapatesigetapa Yulusalemu taonifinagi muki Yutiya kotegagi Sameliya kotegagi muki ma mopamo loleʼe loleʼe atupalegagi hutapa nava gemo aeta hakalo hutapa hapa paimale hapa paimale hugae, huno hapa paitegenoʼaeʼmo

Apa 13:14

Pega taonifiʼmo atale uʼana Atiyoki kotega taonimo Pisitiya kotegamo uʼana avaʼyi huteʼana Sapati afinaʼmo Yu vayaʼai mono nopiʼmo uʼana haiʼnaʼae.

Apa 13:51

Apa vekalaʼmoganimo apakaetegamo aune kavaʼmo huʼanaeʼmo mumusopamo anaiya agusalegatiʼmo aliʼana kalo paetaleʼana ataleʼana Aikoniyamu taonifiʼmo uʼnaʼae.

Apa 14:10

alopa gefatiʼmo hunoʼaeʼmo, He tika aeka apafe lo, huno ha paiʼnigenoʼaeʼmo malage huno he tino aeno hailo huno uneno huʼniye.

Apa 14:20

Ataleʼnageʼapaeʼmo apakesamo afiʼa fatago nehaya vayaʼmogimo eʼa faiʼa vego huʼa ateʼa maiʼnageno he tino atagi nenuno taonifiʼmo havaeʼniye. Egamo agaeʼe Manamasiʼeʼmo Nemi taonifiʼmo uʼnaʼae.

Apa 14:25

Pega taonifiʼmo Goti geʼamo aeʼana hakalo huʼana hapa paiteʼana uʼana Ateliya taonifiʼmo solovala aniʼmo haneʼniya yategamo haneʼnigeʼana uʼana avaʼyi huteʼana sipifiʼmo uʼana haiʼana

Apa 14:6

Apa vekalaʼmoganimo ani gemo afiteʼanaeʼmo anaune hetaleʼana Lisitiya taonifiʼe Nemi taonifiʼeʼmo uteʼanaeʼmo mago ani taonimo haopaleʼmo haneʼniya koʼmo agiʼamo Laikoni kotegamo uʼana maiʼneʼanaeʼmo

Apa 15:12

Hapa paiʼnigeʼa afiteʼapaeʼmo muki vayaʼmogimo ge osuʼa afaʼa maiʼneʼapaeʼmo Manamasiʼe Poloʼeʼmo Gotiʼa anakaetetiʼmo alu nofi vayaʼaitegamo noʼagaya agufa lokiya aune kavaʼmo huʼniya kavafeʼmo ava gemo huʼana hapa paiʼnaʼae.

Apa 16:18

muki afinaʼae afinaʼaeʼmo ani agufa gemo huno hapa paige hapa paige huno maiʼniye. Poloʼa lusi kava huno alagaʼmo haeʼnigenoʼaeʼmo aino afe leno ani hosu aune vekaeʼmo hunoʼaeʼmo, Yesu Kalaisi agiʼaletiʼmo ani aʼmafaʼnemo ataleka emikeno, huʼna kaha nepauve, huno ha nepaigenoʼaeʼmo malage huno ataleno emineʼniye.

Apa 17:10

Hani nehigeʼapaeʼmo konagaʼanimogimo Poloʼe Sailasiʼeʼmo aliʼa anateʼnageʼana Meliya taonifiʼmo uʼana avaʼyi huʼnaʼae. Uʼana avaʼyi huteʼana Yu vayaʼai mono nopiʼmo uʼa haiʼana Goti geʼamo hapa paiʼnaʼae.

Apa 17:15

Mago vayaʼamogimo Poloʼa avaleliʼuʼa Atenisi taonifiʼmo ateʼnagenoʼaeʼmo Poloʼa, Sailasiʼe Timotiʼeʼmo egefe hisaʼa afinaʼmo nagaetega malage hutana eʼao, hutapa hana paiyo, huno hapa paiʼnigeʼa ataleʼa aiʼa atagi neʼa eʼnae.

Apa 18:1

Henagaʼamo Poloʼa Atenisi taonifatiʼmo ataleno uno Kolitiyani taonifiʼmo maiʼniye.

Apa 18:19

Lagautegeʼapaeʼmo uʼa Efasasi taonifiʼmo avaʼyi huteʼa Poloʼa Pilisilaʼe Akuvilaʼeʼmo anatalenuno Yu vayaʼai mono nopiʼmo uno haino hapa paiʼnigeʼapaeʼmo Yu vayaʼeʼmo ani gemo huge afige huʼa maiʼnae.

Apa 19:1

Apolosiʼa Kolitiyani taonifiʼmo maiʼnigenoʼaeʼmo Poloʼa folagapiʼmo haneʼniya aveleʼmo uteno uno Efasasi taonifiʼmo avaʼyi huteno Goti geʼamo neʼafiya vayaʼmo maiʼnageno apaketenoʼaeʼmo,

Apa 20:20

Nagaemo muki geʼamoʼmo lapa maesiya agufa gemo lapa paisuvafeʼmo maiʼna halove huteʼna mago gemo fala okiʼnovaʼmonanafa alita anupa hutapa maiʼnayategaʼe notapifi notapifiʼeʼmo ago aliʼna lapaya maleʼnove.

Apa 20:6

lagaemo Filipai taonifatiʼmo sipifiʼmo uta haita faefuʼa felugaʼe haniʼilagaʼeʼmo lakaeta uta lagava maiʼnaya vayaʼeʼmo fotu huteta Toloʼasi taonifiʼmo seveniʼa afinaʼmo maiʼnone.

Lomu 15:13

Hemenimo Gotifeʼmo lapavayagunagu hutapa agava neʼmaiya kavaʼmo aepa vekamoʼmo magoʼe huno lapa maeno lapamisigetapa agaefeʼmo lapakesamo afita fatago nehutapaeʼmo magoʼe hutapa lapamogaga aisageno lapaipamoʼmo falu hugiye. Aote Aunemeʼamo himamuʼaletiʼmo magoʼe hutapa lapavayagunagu hutapa agava maisayafeʼmae.

Lomu 15:16

Mono huʼa neʼapataya vayaʼmogimo Gotiʼmo ofalinimo neʼamiya kava huʼna alagepa faigoko geʼaletiʼmo aliʼyaʼmo neʼaliʼnaeʼmo alu nofi vayaʼmo apavaleliʼna eʼna ani ofalinimo Gotiʼmo amigesuve. Aote Aunemeʼamoʼmo apavaleno apaote apatesigeʼa alagepa ofalinieʼmo Gotiʼa amuse hisiya agufa ofalini yakana huʼa maisageʼna amiguve.

1 Kolitiyani 2:4

Nagaemo ma mopafi vayaʼmogi afiteʼa ageʼnaya geletiʼmo apakesamo nefaiya agufa geletiʼmo ge osuge aeʼna hakalo huʼna lahapa opaige huʼnovaʼmonanafa nagaemo lahapa nepaugenoʼaeʼmo Goti Aunemeʼamoʼmo himamuʼaletiʼmo lapaipafiʼmo alino lapave liʼnigetapaeʼmo, alagi lama gemo haneʼniye, hutapa huʼnae.

2 Kolitiyani 12:12

Nagaemo apa vayaʼmogi nehaya agufa alagena kavaʼmo lapakaetegamo huʼnove. Nagaemo hanageke yaʼmo aliʼneʼnaeʼmo oʼataleʼna atafauʼna alagi huʼneʼna Gotiʼa alino apave liʼnigeʼa hapau neʼaiya agufa naune kavaʼmo huʼnove.

Galesiya 3:5

Lapakaemo Goti keʼaepa geʼamo akame nehayaʼmofeʼmo Gotiʼa agaiʼa Aunemeʼamo alino lapamige lapaipafiʼe lapaopaleʼeʼmo aune kavaʼmo huge nehifi Kalaisifeʼmo ava gemo afitetapa lapakesamo afita fatago nehaya kavatetiʼmo aune kavaʼmo nehiye.

Kolosi 1:25

Gotiʼa geʼamo afole aisiyafeʼmo lapakaetefeʼmo geʼamo aeʼna hakalo huʼna lapa paisuvafeʼmo siosi aliʼyateʼmo navaleno nateʼniye.

1 Tesaloniyani 1:5

Alagepa faigoko geʼamo aeta hakalo huta lapa paiʼnonagenoʼaeʼmo lapaipafiʼmo geʼageʼmo afole oʼaiʼnifa himamuʼaʼe geʼaletiʼmo aliʼyaʼmo aliteno alino afole aino ateʼniye. Aote Aunemeʼaletiʼmo lapa paiʼnonagetapaeʼmo, he, lama gemo nehae, hutapa magoke lapaipa lapakesamo afiʼnae. Lapa maesunafeʼmo lapakaeʼeʼmo magokepi lokaeta maiʼneta haiya agufa kavaʼmo huta aliʼyaʼmo aliʼnopi huta ago lageʼnae. Ani kavaʼmo lapakaeteʼmo afole aiʼniyaʼmofeʼmo Gotiʼa lekana paino lapateʼniye, huta lapakeʼnone.

2 Timoti 4:17

Nataleʼa uʼnayaʼmonanafa Ala kava neʼmoʼa nagae nahaopaleʼmo lokaeno maiʼnenoʼaeʼmo muki geʼamo aeʼna hakalo huʼna hano hisugeʼapaeʼmo muki alu nofi vayaʼmogimo alagepa faigoko geʼamo afisayafeʼmo lokiya vaino nateʼniye. Laiyonimoʼa nahaesiyafeʼmo nehigenoʼaeʼmo Gotiʼa nagufamo alino katino nateʼniye.

Himulu 2:4

Gotiʼa alagena kavaʼaletinagi noʼagaya himamu kavaʼaletinagi ageʼa hapau neʼaiya kavaʼaletinagi huno ha maeno faigoko gemo huno ani gemo alino lokiya vaino ateʼniye. Gotiʼa agesamo afiteno hauʼnigenoʼaeʼmo Aunemeʼamoʼmo himamuʼamo apamete apamete huno apamiʼniye.

1 Pita 1:12

Gotiʼa hunoʼaeʼmo, lapakaitapilefeʼmo ani aliʼyaʼmo noʼalifa henagaʼamo afole aisaya vayaʼaitefeʼmo ani aliʼyaʼmo neʼaliye, huno hapa paiʼniye. Hemenimo apa vayaʼmogita Aote Aunemeʼamo kokuʼnapatiʼmo alino ateʼnigeno emineʼniya Aunemeʼamo himamuʼaletiʼmo mani alagepa faigoko geʼamo lapa nepaune. Enisole vayaʼmogiʼeʼmo ani kavaʼmo aepaʼamo agesayafeʼmo nehapaiye.