Lomu 15:18 - The Keyagana NT and 25 OT books

¹⁸ Kalaisiʼa lokiya vaino nateʼnigeʼna alu nofi vayaʼmogi Goti geʼamo afiteʼa akame hisayafeʼmo ge huge lokiya kavaʼmo huge nehuʼnaeʼmo aiʼna apavayu huliʼna neʼova kavafekeʼmo ava gemo huʼna lapa paiguve.

Lomu 15:18 ပူးပေါင်းရင်းမြစ်များ

Mai'naya kavane 25:14

Mago vekamoʼmo fikumo kaha maeʼna kamiguve, huno huteno nokamiya vekamo hiya kige yasi alige nehiyaʼmonanafa ko noʼaiya kavakana huno maiʼniye.

Matiyu 25:16

Faefu tausenimo amiʼniya vekamoʼmo malage huno alininuno ani moniletiʼmo aliʼyaʼmo aliteno akamelegaʼamo magoʼe huno faefu tausenimo aliʼniye.

Maki 16:20

Apakaemo muki haopalegamo umenitata huʼa aeʼa hakalo huʼa hapa paiʼnagenoʼaeʼmo Ala kava neʼmoʼa apakaeʼeʼmo magokepi lokaeno aliʼyaʼmo aliteno hapa paiʼnaya geleʼmo aune kavatetiʼmo alino lokiya vaino ateʼniye. He, lama ge.

Apa 14:27

Eʼana Atiyoki taonifiʼmo avaʼyi huteʼana ge huʼnaʼageʼa siosi vayaʼmo eʼa aliʼa anupa huʼa maiʼnageʼanaeʼmo Gotiʼa anakaetetiʼmo muki kavaʼamo huʼniya kavafeʼmo ava gemo huʼana hapa paiʼanaeʼmo Gotiʼa mago saufa kaʼmo alu nofi vayaʼmogi apakesamo afiʼa fatago hisayafeʼmo kitamo ago yakino apateʼniye, huʼana hapa paiʼnaʼae.

Apa 15:12

Hapa paiʼnigeʼa afiteʼapaeʼmo muki vayaʼmogimo ge osuʼa afaʼa maiʼneʼapaeʼmo Manamasiʼe Poloʼeʼmo Gotiʼa anakaetetiʼmo alu nofi vayaʼaitegamo noʼagaya agufa lokiya aune kavaʼmo huʼniya kavafeʼmo ava gemo huʼana hapa paiʼnaʼae.

Apa 15:4

Yulusalemu taonifiʼmo uʼa avaʼyi huʼnageʼapaeʼmo siosi vayanagi apa vayanagi yagaiʼa neʼapataya vayatama vayanagi huʼa aliʼa falu fala huʼa apateʼnageʼanaeʼmo Poloʼe Manamasiʼeʼmo Gotiʼa anakaetetiʼmo muki huʼniya kavafeʼmo ava gemo huʼana hapa paiʼnaʼae.

Apa 21:19

Poloʼa ge apamamaeteno Gotiʼa ha maeʼnigeno alagepa aliʼyaʼmo aliʼnigenoʼaeʼmo alu nofi vayaʼaitegamo afole aiʼniya kavafeʼmo ava gemo huno hapa paiʼniye.

Lomu 1:5

Gotiʼa agaetetiʼmo fikumo naha maeno namiteno Kalaisi agiʼalefeʼmo apa aliʼyaʼamo alisuvafeʼmo navaleno nateʼniye. Gotiʼa muki nofi vayaʼaifeʼmo akame hiyo, huno huʼniya geʼamo akame huʼa apakesamo afiʼa fatago hisayafeʼmo apa aliʼyaʼamo alisuvafeʼmo navaleno nateʼniye.

Lomu 16:26

hemenimo Gotitegati gemo alini eʼa aeʼa hakalo huʼa hapa nepaiya vayaʼmogimo avoʼmo kae maleʼnaya gemo alagepa faigoko geʼamo ha le yategamo ago afole aiʼniye. Maige maige huno neʼmaiya Gotiʼa, alita aeta hakalo hiyo, huno huʼnigeʼa muki nofi vayaʼmogi apakesamo afiʼa fatago hisaya gemo akame hisayafeʼmo aeʼa hakalo huʼa hapa paiʼnae.

Lomu 6:17

Hogoteno hosu kavaʼmoʼa yagaino lapateʼnigetapa kalavusi aliʼyaʼamo neʼaliya vayaʼmo maiʼnayaʼmonanafa Gotiʼa lapavalelino eno geʼamo aiyafiʼmo lapateʼnigetapa lapaipafatiʼmo geʼamo akame nehayaʼmofeʼmo Gotifeʼmo hao ke hegetao.

2 Kolitiyani 11:31

Ala kava netimo Yesu Kalaisi Gotiʼamo Afoʼamofekeʼmo muki afinaʼmo aliʼa auleʼa neʼataya Gotiʼa hunoʼaeʼmo, aigofe gemo nosiye, huno nageʼniye.

2 Kolitiyani 12:6

Nagaemo nagaiʼnieʼmo namogaga aiguve, huʼna hisuvana negi gemo osuʼna lama gemo huguvaʼmonanafa nagaiʼnieʼmo namogaga aiteʼna nagiʼnileʼmo afaʼa aliʼna asaga osuguve. Nehuva kavaʼmo agege nehuva gemo afige nehutapaeʼmo nagaefeʼmo alagepa hutapa lapakesamo afisayafeʼmo nahauʼniye. Fiku yanagetapa magoʼe hutapa nagiʼnileʼmo alita asaga hugae.

2 Kolitiyani 3:5

Himamutimo ohaneʼniyanageta lagaitimo alagepa lagesamo afaʼa oʼafigune. Goti aliʼyaʼamo alisuna himamutimo Gotitegatiʼmo afole neʼaiye.

2 Kolitiyani 6:1

Lagaemo Gotiʼeʼmo magokepi lokaeta aliʼyaʼamo neʼaluna vayaʼmogitamo hutaeʼmo, Gotiʼa fikumo hapa maeno neʼapamiya kavaʼamo fikumo oʼalitapa agetapa alagepa huʼnetapageʼmo aliyo, huta ge huta nelapatone.

Galesiya 2:8

Gotiʼa himamuʼaletiʼmo Pitaʼmo lokiya vaino ateʼnigeno Yu nofi vayaʼaitegamo neʼviya kava huno Gotiʼa himamuʼaletiʼmo lokiya vaino nateʼnigeʼna malaga nofi vayaʼaitegamo neʼuve.

Kolosi 3:17

Muki agufa kavaʼmo huge muki agufa gemo huge nehisayana Ala kava neʼmo Yesu agiʼalefeʼmo hutetapa agaetetiʼmo afotimo Gotifeʼmo hao ke heta maiyo.

Himulu 11:8

Gotiʼa Emalehamuʼmo amiʼniya kotegamo visiyafeʼmo keya aeno ge huʼnigeno Emalehamuʼa agesamo afino fatago huʼniya kavatetiʼmo ani gemo afiteno koʼamo ago ataleno oʼageʼniya kotegamo uʼniye.

Himulu 5:9

Gotiʼa aliʼyaʼamo alisiyafeʼmo avaleno aote ateʼnigenoʼaeʼmo agaemo geʼamo akame nehaya vayaʼai apakufamo alino katino neʼapateya kavaʼmo afoʼamoʼmo hamaleʼniye.

Yemisi 1:22

Goti geʼamo fikumo afisayana lapakaitapieʼmo humi lapategayanagi fikumo oʼafitapa alagepa huta afitetapa akame hiyo.

1 Yoni 3:18

Aise mafaʼneʼnimogitapae, huʼna, lavayaʼaletikeʼmo geʼageʼmo hutaeʼmo, lahau layamopafiʼmo nelahaiye, huta osuta alagi lama ge huno lahau layamopafiʼmo lahauʼninageta alagepa kavaʼmo higetao.

Yuti 1:9

Neʼapatayaʼmonanafa enisole vayaʼaiteʼmo hogote vekamo yagaino neʼapateya vekamo Maikoʼa Sataniʼeʼmo Mosese agufaʼalefeʼmo ge vaiteʼanaeʼmo Maikoʼa Satanifeʼmo koli huʼniyaʼmofeʼmo huno faipa huno ge ohauʼniyaʼmonanafa, Ala kava neʼmoʼa ge kahaugiye, huno ha paiʼniye.