Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lomu 14:9 - The Keyagana NT and 25 OT books

9 Kalaisiʼa faliʼnaya vayaʼe afaʼa maiʼnaya vayaʼmogiʼeʼmo kava vekaʼapimo maisiyafeʼmo ago faliteno he tiʼniye.

အခန်းကိုကြည့်ပါ။ ကော်ပီ




Lomu 14:9
20 ပူးပေါင်းရင်းမြစ်များ  

Yesuʼa apakaetegamo enoʼaeʼmo, muki himamuʼamo kokuʼnapinagi ma mopafi kavatenagi vayaʼaitenagi huʼna yagaisuva himamuʼamo ago namiʼniye.


Apakaemo huʼapaeʼmo, Kalaisi vekamo hogoteno agafu kitesigenoʼaekeʼmo ala agiʼamo aligiye, huʼa avoʼmo kae maleʼnaya gemo oʼafiʼnaʼafiye.


Lama gemo lapa nepauve, huno, Avina yaʼmo mopafiʼmo ohakaleʼnisayana magoke avina yaʼmo alagi hanegaiyaʼmonanafa hakale maleʼnisageno falitenoʼaeʼmo halate hageteno asole avina yaʼmo aegaiye.


Gotiʼa mago alagepa gemo Yu vayaʼmogitalegamo alino ateʼnigeno emineʼniye, huʼa huʼnagetapa ago afiʼnae. Ani gemoʼmo hunoʼaeʼmo Yesu Kalaisiʼa muki ma mopafi vayaʼaiteʼmo yagaino neʼapateya vekamoʼmo ma mopafi vayaʼe Gotiʼeʼmo alino nanu aeno apateteno alino magoke apaipamo kalino apateʼniye.


Agaemo hunoʼaeʼmo, Nagaefeʼmo nava gemo hutapa hapa paitapaeʼmo Gotiʼa afaʼa maiʼnaya vayaʼe faliʼnaya vayaʼeʼmo agoti huno apatesiya vekae, huno huteno lekana paino ateʼniye, hutapa aeta hakalo hutapa hapa paiyo, huno laha paiʼniye.


Kagaemo hukaeʼmo, Gotiʼa Yesuʼmo faliʼniyatetiʼmo ago alino he tino ateʼniye, huka kaipafiʼmo kagesamo afika fatago hutekaeʼmo, Yesuʼa Ala kava netimo maiʼniye, huka kavayafatiʼmo aeka hakalo nehisanana Gotiʼa kagufamo alino katino kategaiye, huta lapa nepaune.


Kalaisiʼa lagaefeʼmo hau ayamopafiʼmo hauʼniya kavaʼamoʼa heno lavayu hulinuno nelate. Mani kavatefeʼmo alita fako huta lagesamo afiʼnonana magoke vekamoʼmo muki vayaʼaitefeʼmo falino apateʼniyaʼmofeʼmo mukiʼamogi agaeʼeʼmo faliʼnae.


Lagaemo, Yesuʼa ago faliteno he tiʼniye, huta lagesamo afita fatago nehunaʼmofeʼmo Gotiʼa Yesupiʼmo faliʼnaya vayaʼe Yesuʼeʼmo apavalelino eminegaiye, huta lagesamo afita fatago hugune.


Falitesunageno eminesifi afaʼa maiʼnisunageno eminesifigeta agaeʼeʼmo magokepi lokaeta maisunafeʼmo falino lateʼniye.


Ala kava netimo Yesu Kalaisiʼa muki vayaʼai apaulagaleʼmo afole aiteno agoti huno apatetenoʼaeʼmo vayaʼamogitaleʼmo yagaino lategaiye. Nagaemo agae aulagaleʼe Goti aulagaleʼeʼmo huʼnaeʼmo,


Yesufekeʼmo aulu haelita nagu nagu huta vigetao. Agaekeʼmo lagesamo afita fatago nehuna kavaʼmo alino aepa failino uʼniyanageno alino hano huno atesiya vekamo maiʼniye. Agaemo, lusi kava huʼna namogaga aiguve, huno agesamo afitenoʼaeʼmo malipu yosaleʼmo falisiya kavatefeʼmo oʼataleno atafauno alagi huno maiʼneno faliʼniye. Malipu yosaleʼmo falisiya kavafeʼmo lusi kava huno navagage hugiye, huno huteno agesa alaʼamo oʼafiʼnifa, kanalene, huteno falitenoʼaeʼmo uno haino Gotiʼa yagaino neʼapateya siyaʼaleʼmo lamaga haopaleʼmo fai maiʼniye.


Lapakaemo agaetetiʼmo Gotifeʼmo lapakesamo afita fatago nehae. Agaemo faliʼniyatetiʼmo ago alino he tino ateteno ha le konali yaʼamo amiʼnigetapaeʼmo Gotifeʼmo lapakesamo afita fatago hutetapa agava maiʼnetapaeʼmo lapavayagunagu nehae.


Apakaemo Gotiʼa alo huno maiʼniyanageno alino fako huno apatesiya vekamo aulagaleʼmo faliʼnaya vayaʼe afaʼa neʼmaiya vayaʼeʼmo he tisageno hosu kavaʼapieʼmo ge huno apafi gesigeʼapaeʼmo ina kava huʼnove, ina kava huʼnove, huʼa aeʼa hakalo huʼa ha paigae.


Afaʼa neʼmauva vekamo maiʼnove. Afiyo, huno, faliʼnovanageʼna maige maige huʼna maiʼna hano osuʼna afaʼa maiguve. He, lama ge. Nagaemo kitamo yakiʼna apatesuva kiʼmo aliʼnovaʼmofeʼmo falisayafeʼmofi afaʼa maisayafeʼmofi huʼna muki vayaʼaiteʼmo yagaiʼna neʼapatove.


Kagaemo Simena taonifiʼmo maiʼnaya siosi vayaʼaiteʼmo yagaino neʼapateya apa vekalegamo mani kaha nepauva gemo avoʼmo kaeka atalegeno vino. Nagaemo hogote vekamo maiʼneʼna henaga vekamo maiʼnove. Faliteʼna halate he tiʼnova vekamoʼnamo mani gemo lapa nepauve.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ