Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lomu 14:2 - The Keyagana NT and 25 OT books

2 Mago vayaʼmogimo apakesamo afiʼa fatago nehuʼapaeʼmo, muki agufa neʼyaʼmo afaʼa negaune, huʼa nehageʼapaeʼmo mago lokiya vaiʼa apakesamo afiʼa fatago nosaya vayaʼmogimo ameʼamo noʼnae.

အခန်းကိုကြည့်ပါ။ ကော်ပီ




Lomu 14:2
18 ပူးပေါင်းရင်းမြစ်များ  

Gotiʼa hunoʼaeʼmo, Nagaemo muki neʼyaʼmo avinaʼamo lanamige yosa alagamo avinaʼamo lanamige huvanagetana muki ani neʼyaʼmo afaʼa negaʼae.


Lapakaemo muki uʼeʼa huʼa maisaya yaʼamo neʼyatapimo hanegaiye. Nagaemo muki yaʼamo lapamiteʼna hegafa talili yaʼeʼmo lapamuvagi afaʼa negae.


Vayafeʼmo hapau apayamopafiʼmo hapauʼnigeʼa magokepi lokaeʼa maiʼneʼa hagomupamo neʼnaya kavaʼmoʼa vayafeʼmo hosu apaipamo kaliteʼa magokepi lokaeʼa maiʼneʼa afayaʼe pulumakamo kaeʼa neʼnaya kavaʼmo ago aeno agaseʼniye.


Kahaoke hovanagi, huno, lagaetegamo ani kavaʼmo amalageka huka agegane. Naya loleʼa agufa afinaʼmo hoyalega neʼyaʼagenagi anilafanagi huka lamisanageta negaune.


Inagi neʼyate neʼyagaiya vekamoʼmo neʼyaʼmo haga neʼyaʼe nofi alagafati aniʼeʼmo oʼapamino hoyalega neʼyageʼmo apamime apamime uʼniye.


Mago konagatapimogimo Goti geʼaeʼmo lokiya vaiʼa apakesamo afiʼa fatago nosisaya konagatapimogimo siosifiʼmo apavalelitapa eyo. Lapakaemo ge hapaisageʼapaeʼmo alu apakesa afisayafeʼmo apavalelita oʼmetapa fikumo apavalelitapa eyo.


Nagaemo Ala kava neʼmo Yesupiʼmo maiʼneʼnaeʼmo muki neʼyafeʼmo huʼnaeʼmo, hosu neʼyaʼmo ohaneʼniye, huʼna ago afiʼnove. Afiʼnovaʼmonanafa mago vayaʼmogi neʼyafeʼmo, hosu neʼyaʼmo haneʼniye, huʼa apakesamo neʼafisayana apakaiʼapilefeʼmo hosu neʼyaʼmo haneʼniye.


Lapakaemo neʼyafekeʼmo lapakesamo afitetapa vayaʼai apaipafiʼmo Goti aliʼyaʼamo alita hosu hutapa oʼateyo. Muki neʼyaʼamo alagepa huta nesuna yaʼmo haneʼniyaʼmonanafa lapakaemo mago neʼyaʼmo neʼnayaʼmofeʼmo mago vayaʼmo asagauʼa aisayana lapakaemo hosu kavaʼmo nehae.


Lokiya vaita lagesamo afita fatago nehuna vayaʼmogitamo lagaitiekeʼmo lagesamo afiteta lahauʼnisiya kavaʼmo osuta lokiya oʼvaiʼnaya vayaʼmogimo afiʼa ha leʼa noʼafiya kavatefeʼmo vase vase huta hapa maesuna kavaʼmo haneʼniye.


Situvapatiʼmo ameʼamo fikumo miya faitetapaeʼmo yuʼilaga vekatapilefeʼmo maketi hu maleʼnisaya vayaʼaifeʼmo, haiyategatiʼmo alinita eʼnae, hutapa apafi oketapa fikumo afaʼa alitapa neyo.


Oʼmaigunaʼmofeʼmo alagepa hutapa kava yagaiyo. Hosu kavanagetapa kalavusifiʼmo oʼmaitapa afaʼa maiʼnetapaeʼmo negaune, hutapa nehaya kavaʼmoʼa lokiya oʼvaiʼnaya vayaʼmo apaiyafiʼmo hapaesigeʼapaeʼmo hosu kavapiʼmo asagauʼa aigae.


Maiʼneʼna apavaleliʼna esuvafeʼmo alagepa huʼa oʼafiʼnaya Goti mafaʼneʼaitegamo uʼna aliʼyaʼmo neʼaliʼnaeʼmo apakaekana huʼna maiʼnove. Alu kava alu kavatetiʼmo magoʼe vayaʼmo apavaleliʼna esuvafeʼmo alu kava alu kavaʼmo nehaya vayaʼaitegamo uʼna aliʼyaʼmo neʼaliʼnaeʼmo alu kava alu kavaʼmo nehuve.


Hogoteno malaga nofi vayaʼeʼmo magokepi lokaeno neʼyaʼmo neʼnigeʼapaeʼmo mago vayaʼmo Yemisitegatiʼmo eʼa avaʼyi huʼnagenoʼaeʼmo ani apakufamo lagauʼa neʼapataya vayaʼaifeʼmo koli huteno malaga nofi vayaʼmo apataleno uno aote maiʼniye.


Muki alo huʼniya yaʼamo alagepa yaʼageʼmo haneʼniyanageta lagaemo alita atalesuna yaʼmo ohaneʼnifa aliʼnetaeʼmo Gotifeʼmo hao ke heteta nesuna yaʼmo haneʼniye.


Yaveyave apaipa vayaʼmogimo muki aliʼnisaya yaʼamo apakaiʼapilefeʼmo yaveyave yaʼmo haneʼniyaʼmonanafa hosu kavaʼmoʼa alino oʼaniʼya faino apateʼnisiya vayaʼmogimo muki aliʼnisaya yaʼamo apakaiʼapilefeʼmo oʼaniʼya yaʼmo haneʼniye. Apakesamo neʼafiya yaʼapifiʼe apakupi mafaʼnefiʼeʼmo oʼaniʼya yaʼmo havai teʼniyaʼmofeʼmae.


Fiku yanageʼa mago vayaʼmogi aeto aeto agufa geletiʼmo lapayateʼmo heʼa lapavayu huliʼa ugayanagi ehetapiye. Alagepa kavanageno Gotiʼa fikumo lapa maeno nelapamiya gemoʼa lapaipa lapakesamo alino lokiya vaino lapategaiye. Neʼyafeʼmo, neyo, huʼa huge oʼneyo, huʼa huge nehaya gemoʼa lapaipa lapakesamo alino lokiya vaino olapategaiye. Ani gemo akame nehaya vayaʼmo hapa oʼmaeʼniye.


Ani agufa kavaʼmo amega apakufale kavaʼmo haneʼniyana neʼyanagi aninagi sese nehaya kavanagi huno haneʼniye. Ani kavaʼmo haneme haneme neʼesigenoʼaeʼmo saufa afinaʼmo Gotiʼa alino alagepa huno apatesiya afinaʼmo afole aisigenoʼaeʼmo hano hugiye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ