Lomu 14:11 - The Keyagana NT and 25 OT books

¹¹ Goti mukufiʼmo haneʼniya geeʼmo Ala kava neʼmoʼa hunoʼaeʼmo, Nagiʼniletiʼmo alagi lama gemo nehuve. Muki vayaʼamogi nagaetegamo eʼa apaleʼyaʼmo faiʼneʼapaeʼmo, Gotigamo alika fako huka latesana vekamo maiʼnane, huʼa aeʼa hakalo huʼa naha paigae, huno huʼniye.

Lomu 14:11 ပူးပေါင်းရင်းမြစ်များ

Samu 72:11

Muki kini vayaʼamogimo agaeteʼmo ape huʼa maisageʼapaeʼmo muki alu nofi vaya alu nofi vayaʼmogimo geʼamo afiteʼa akame hugae.

Aiyeya 49:18

Alika maku huka maiʼneka aulu heka agelika ugeka huka apako. Muki ve mafaʼne anagakamo magokepi aliʼa anupa huteʼa kagaetegamo neʼae. Ala kava neʼmoʼa agoʼyamo ataletenoʼaeʼmo, Alagi lama gemo huʼnaeʼmo, A kanomoʼmo veleʼmo maisiyafeʼmo kanale konalimo aliteno amogaga neʼaiya agufa kava huka mafaʼne anagakamo apavaleka kamogaga aigane.

Sefanaiya 2:9

Nagaemo afaʼa maiʼnove, huʼna huʼnova gemo lama gemo haneʼniya kava huʼna nagoʼyamo ataleʼna alagi lama gemo huʼnaeʼmo, Nagaemo Satomi taonifiʼmo maiʼnaya vayaʼmo aliʼna hano huʼna apataleʼnovanageno muki mopaʼapimo alagi hosuʼniya kava huno Movapu vayaʼmogi mopaʼapimo alagi hosugiye. Nagaemo Gomola taonifiʼmo maiʼnaya vayaʼmo aliʼna hano huʼna apataleʼnogeno muki mopaʼapimo alagi hosuʼniya kava huno Emoni vayaʼmogi mopaʼapimo alagi hosugiye. Kahaumo muki mopaʼapileʼmo aino atagu faeno lagisigeno hagemo neʼaliya kelimo alino hamalesigeno ani koʼmo alagi alino hosu huteno hanege hanege hunoʼageʼmo hanegaiye. Nagae vayaʼmo asole vayapatiʼmo logufaʼamo maisaya vayaʼmogi kame huteʼa kagemi yaʼapimo aliteʼa mopaʼapileʼmo maigae.

Napa 14:21

nagaemo afaʼa maiʼnova kava huʼna lama gemo nehuʼnaeʼmo, Ala kava neʼmoʼna ha le konali yaʼnimoʼmo muki haopalegamo ma mopafiʼmo aino atagu faeno hanelinuneno huno haneno havaitegaiye.

Napa 14:28

Lanakaemo mani geʼnimo apakaefeʼmo hapa paiʼao. Ala kava neʼmoʼnamo lama gemo huʼnaeʼmo, Afaʼa maiʼnove, huʼna huʼnova kava huʼna naha paiʼnaya kavaʼmo lapakaetegamo huguve.

Matiyu 10:32

Muki vayaʼai apaulagaleʼmo nagiʼnimo neʼaya vayaʼai apakiʼapimo kokuʼnapi Afoʼnimo aulagaleʼmo aegauve.

Lomu 10:9

Kagaemo hukaeʼmo, Gotiʼa Yesuʼmo faliʼniyatetiʼmo ago alino he tino ateʼniye, huka kaipafiʼmo kagesamo afika fatago hutekaeʼmo, Yesuʼa Ala kava netimo maiʼniye, huka kavayafatiʼmo aeka hakalo nehisanana Gotiʼa kagufamo alino katino kategaiye, huta lapa nepaune.

Lomu 15:9

Ani kavaʼmo huno alu nofi vayaʼaifeʼmo Gotiʼa hau huno apateʼniyaʼmofeʼmo agiʼaleʼmo aliʼa asaga huʼa atesayafeʼmo uno aliʼyaʼamo aliʼniye. Goti mukufi gemoʼa ani kavatefeʼmo hunoʼaeʼmo, Alu nofi vayaʼai folagapiʼmo maiʼneʼnaeʼmo kagikaleʼmo aliʼna asaga huʼna kateteʼna kagikalefeʼmo mono yokemo huguve, huno huʼniye.

1 Yoni 4:15

Gotiʼa muki vayaʼmogi, Yesuʼa Goti mafaʼneʼamo maiʼniye, huʼa aeʼa hakalo huʼa hapa nepaiya vayapiʼmo alagi maiʼnigeʼa apakaemo agaepiʼmo alagi maiʼnae.

2 Yoni 1:7

Asole vayaʼmogimo vayaʼaifeʼmo humi neʼapataya vayaʼmo ma mopafiʼmo umenitata nehae. Apakaemo huʼapaeʼmo, Yesu Kalaisiʼa ma mopafi vayaʼmogi agufamo aliteno vayaʼmo hamaleʼniye, huʼa aeʼa hakalo nosae. Ani gemo nosaya vayaʼmo Kalaisi kame vayaʼamo maiʼnae.

Leveleseni 5:14

Loleʼe loleʼe vayaʼmogimo huʼapaeʼmo, He lama ge, huʼa huʼnageʼapaeʼmo tuveti foʼa vayatama vayaʼmo asagauʼa aiteʼa maige maige huno maino hano osuno maisiya vekaeʼmo mono huʼnae.