Lomu 14:1 - The Keyagana NT and 25 OT books

¹ Mago konagatapimogimo Goti geʼaeʼmo lokiya vaiʼa apakesamo afiʼa fatago nosisaya konagatapimogimo siosifiʼmo apavalelitapa eyo. Lapakaemo ge hapaisageʼapaeʼmo alu apakesa afisayafeʼmo apavalelita oʼmetapa fikumo apavalelitapa eyo.

Lomu 14:1 ပူးပေါင်းရင်းမြစ်များ

Aiyeya 40:11

Agaemo sipisipileʼmo yagaiʼa neʼapataya vayaʼmogimo sipisipileʼmo alagepa huʼa yagaiʼa neʼapataya agufa kavaʼmo huno ve aʼneʼaleʼmo alagepa huno yagaino apategaiye. Agaemo yagaino neʼapateya vekamoʼmo sipisipi apanaʼaumo apavaleno haifiʼyafiʼmo apateteno apavalelinuneno hugiye. Agaemo vase vase huno neʼunoʼaeʼmo aikeli sipisipiʼeʼmo maiʼnaya sipisipi anagaʼmo visaya kaʼmo alino apave ligiye.

Aiyeya 42:3

Hopamo aiseʼamo aino lo aeʼniya hopa kayoʼmo alino lo oʼaegaiye. Lamufi vikimoʼmo hokanufaʼageʼmo haneʼnigeno halinamo neʼaiya vikimo alino yu osegaiye. Agaemo lama geʼaletiʼmo fatago kavaʼmo alino afole aino ategaiye.

Matiyu 12:20

Hopamo aiseʼamo aino lo aeʼniya hopa kayoʼmo alino lo oʼaegaiye. Lamufi vikimoʼmo hokanufaʼageʼmo haneʼnigeno halinamo neʼaiya vikimo alino yu osegaiye. Ani kava osugiyaʼmonanafa aliʼyaʼmo alime alime neʼvisigeno fatago kavaʼaeʼmo ava gemo alino atesigeno visigenoʼaeʼmo aliʼyaʼaletiʼmo neʼyaʼamo alagi afole aigiye. Afole aisigeʼa alu kotega alu kotegamo maiʼnaya vayaʼmogimo agaefeʼmo aliʼa amufa amigae, huno avoʼmo kae maleʼniye.

Matiyu 14:31

Yesuʼa malage huno eno ayateʼmo alino he tino atetenoʼaeʼmo, aiseʼamo kagesamo afika fatago nehana vekagi na kava higekaeʼmo lole kagesamo neʼafine, huno ha paiʼniye.

Matiyu 18:10

Ehetapiye, huno, aise mafaʼne anagaʼaifeʼmo ina agufa vayane, hutapa osiyo. Lapa nepauve, huno, yagaiʼa neʼapataya enisole vayaʼmogimo muki afinaʼmo kokuʼnapi afoʼnimo augosafiʼmo ageʼnae.

Maki 7:19

Na kava higeno alino hosu huno oʼapategaiye. Apaipafiʼmo uno nolamifa apakupafikeʼmo haneʼnigeʼa aifamo leʼa neʼatalae. Ina kava huno muki neʼyaʼmo alino alagepa huno neʼate, huno hapa paiʼniye.

Luki 17:2

Lusi hanageke yaʼmo aligayaʼmonanafa mago vekamoʼmo ani agufa aise mafaʼnemoʼmo hosu kavaʼmo hisiyafeʼmo hogoteno ayateʼmo oʼaliʼnisigeʼapaeʼmo atafauʼa alopa yafateʼmo nofi aeteʼa lugoʼafiʼmo aeteʼa avaleliʼuʼa solovala anipiʼmo yaga auʼa atalesagenoʼaeʼmo aise hanageke yaʼmo aligiye.

Yoni 13:20

Lama gemo lapa nepauve, huno, Ina lagimo aliʼna apateʼnogeʼa neʼvaya vayaʼaina aliʼa falu fala huʼa neʼapatesafigeʼa ani kava huʼa nagaeʼeʼmo aliʼa falu fala huʼa neʼnatae. Ina lagimo nagaemo aliʼa falu fala huʼa neʼnatesafigeʼa ani kava huʼa alino nateʼnigeʼna emiʼneʼnova vekaʼeʼmo aliʼa falu fala huʼa neʼatae, huno hapa paiʼniye.

Apa 28:2

Ani Moleta kotega ve aʼnemogimo aliʼa falu fala huʼa lateteʼapaeʼmo koʼmo aiʼnigeno yasimo lahauʼnigeʼapaeʼmo atamo kaeʼa loto huʼa lateʼnae.

Lomu 11:15

Gotiʼa Yu vayaʼmo apataleʼniya kavatetiʼmo muki ma mopafi vayaʼmo alino nanu aeno neʼapatesiyaʼmoʼmo agaetegamo esageno alino falu huno apatesiya kavatetiʼmo na agufa kavaʼmo afole aigiye. Vaehae, huʼna, faliʼnayatetiʼmo alino he tino neʼapateya agufa kavaʼmo afole aigiye.

Lomu 14:2

Mago vayaʼmogimo apakesamo afiʼa fatago nehuʼapaeʼmo, muki agufa neʼyaʼmo afaʼa negaune, huʼa nehageʼapaeʼmo mago lokiya vaiʼa apakesamo afiʼa fatago nosaya vayaʼmogimo ameʼamo noʼnae.

Lomu 14:21

Lapakaemo konagatapimo asagauʼa oʼaisayafeʼmo ameʼamo oʼnege lokiya aniʼmo nofi alagafati aniʼmo oʼnege muki agufa kavaʼmo alita hosu hutapa apatesaya agufa kavaʼmo osuge nehisayana alagepa kavaʼmo nehae.

Lomu 14:3

Muki agufa neʼyaʼmo afaʼa neʼnaya vayaʼmogimo ameʼamo noʼnaya vayaʼaifeʼmo, ina agufa vayaʼmo maiʼnae, huʼa osisaya kavaʼmo haneʼniye. Gotiʼa muki agufa neʼyaʼmo neʼnaya vayaʼmo afaʼa apavaleʼniyaʼmofeʼmo ameʼamo noʼnaya vayaʼaifeʼmo, hosu kavaʼmo nehae, huʼa osisaya kavaʼmo haneʼniye.

Lomu 15:1

Lokiya vaita lagesamo afita fatago nehuna vayaʼmogitamo lagaitiekeʼmo lagesamo afiteta lahauʼnisiya kavaʼmo osuta lokiya oʼvaiʼnaya vayaʼmogimo afiʼa ha leʼa noʼafiya kavatefeʼmo vase vase huta hapa maesuna kavaʼmo haneʼniye.

Lomu 15:7

Inagi Gotiʼa ala agiʼamo alisiyafeʼmo Kalaisiʼa ago lapavaleʼniya kava hutapa lapakaemo muki konagatapimogimo apavaleyo.

Lomu 4:19

Emalehamuʼa kafugaʼamoʼmo vani hataleti hisiyafeʼmo hogo huʼniya kafugafiʼmo maiʼnenoʼaeʼmo, kolaʼnimoʼmo aliʼyaʼmo oʼaliʼnigeno aʼnimo aipamo ago alino kalagu kiʼnigeno laʼagufamo faligekana huno haneʼniye, huno huʼniyaʼmonanafa ani kavafeʼmo agesa afifi huno maiʼnenoʼaeʼmo aiseʼamo agesamo afino fatago osuʼniyaʼmonanafa magoʼe huno lokiya vaino agesamo afino fatago huʼniye.

1 Kolitiyani 9:22

Maiʼneʼna apavaleliʼna esuvafeʼmo alagepa huʼa oʼafiʼnaya Goti mafaʼneʼaitegamo uʼna aliʼyaʼmo neʼaliʼnaeʼmo apakaekana huʼna maiʼnove. Alu kava alu kavatetiʼmo magoʼe vayaʼmo apavaleliʼna esuvafeʼmo alu kava alu kavaʼmo nehaya vayaʼaitegamo uʼna aliʼyaʼmo neʼaliʼnaeʼmo alu kava alu kavaʼmo nehuve.

Filipai 2:29

Agetetapaeʼmo, konagatimogae, hutetapa, lapamogaga neʼaitapa alita falu fala hutapa ateyo. Lapakaemo afagitega maiʼnayaʼmofeʼmo afaʼa eta naha oʼmaegayaʼmofeʼmo uʼna ha maegauve, huno huteno nagaetegamo eʼniye. Falisiya kavafeʼmo koli osuno Kalaisi aliʼyaʼaletiʼmo falisiya kavaʼmo huʼniyaʼmofeʼmo agiʼaleʼmo alita asaga huteta ani agufa vayaʼai apakiʼapileʼmo alita asaga hiyo.

1 Tesaloniyani 5:14

Konagatimogitapae, huta, lapao ke honanagi alagaʼmo nehapaegeʼa afaʼa neʼmaiya vayaʼaifeʼmo, ehetapiye, huta, alagaʼmo olapaeno, hutapa hapa paiyo. Koli nehaya vayaʼai apaipamo alita lokiya vaitapa apateyo. Lokiya noʼvaiya vayaʼaina hapa maeyo. Muki vayaʼaitegamo vase vase hutapa falu fala kavaʼmo hiyo.

Himulu 5:14

Alopa vayaʼmogimo lokiya neʼyaʼmo neʼnae. Muki afinaʼae afinaʼaeʼmo afime afime neʼayaʼmofeʼmo alagepa geʼe hosu geʼeʼmo alagepa huʼa afaʼa aliʼa fako huʼa neʼafiye.

2 Yoni 1:10

Mago vekamoʼmo lapakaetegamo enoʼaeʼmo mani agufa gemo alinino oʼmesiyana alita falu fala hutapa oʼatetapa notapifiʼmo avalelitapa oʼviyo.