Lomu 13:9 - The Keyagana NT and 25 OT books

⁹ Keʼaepa gemoʼa hunoʼaeʼmo, kumai kavaʼmo osiyo, huno huge vayaʼmo kamitimo oʼapamagiyo, huno huge kumaya oʼaliyo, huno huge lahapaʼye osino, huno huge huʼniye. Ani geʼe magoʼe keʼaepa geʼeʼmo haneʼnisiyaʼmoʼmo aepaʼamo haneʼniyana lapakaitapieʼmo lahapau lapayamopafiʼmo nelahapaiya kava huta lapaopaleʼmo maiʼnaya vayaʼaifeʼmo lahapau lapayamopafiʼmo lahapaino.

Lomu 13:9 ပူးပေါင်းရင်းမြစ်များ

Matiyu 22:39

Napa tu keʼaepa geʼe napa vani keʼaepa geʼeʼmo magoke agufa gelaʼmo haneʼniye. Napa tu keʼaepa gemoʼa hunoʼaeʼmo, kagaikaeʼmo kahau kayamopafiʼmo nekahaiya kava huka kahaopaleʼmo maiʼnaya vayaʼaifeʼmo kahau kayamopafiʼmo kahaino.

Maki 10:19

Keʼaepa gemo ago afiʼnanana vayaʼmo ohapao. Kumai kavaʼmo oso. Kumayaʼmo oʼaliyo. Aigofe gemo osuvo. Aigofe ge huteka kumayaʼmo oʼaliyo. Itaka afokamogani anaiyafiʼmo maiteka geʼanimo afiyo, huno huʼnigenoʼaeʼmo,

Maki 12:31

Lole keʼaepa gemoʼa hunoʼaeʼmo, lapakaitapieʼmo lapau lapayamopafiʼmo nelapaiya agufa kavaʼmo huno lapaopaleʼmo maiʼnaya vayaʼaifeʼmo lapaino, huno huʼniye. Huno hutenoʼaeʼmo, mani lole keʼaepa gelaʼmoʼa muki keʼaepa geʼamo ago aeno aga seʼniye, huno ha paiʼniye.

Luki 10:27

Ala kava neʼmo Gotikamofekeʼmo muki kaipafatinagi muki kagupi mafaʼnefatinagi muki himamukafatinagi muki kagesamo neʼafina yapatinagi huka kahau kayamopafiʼmo kahaino. Kagaikaeʼmo kahau kayamopafiʼmo kahauʼniya kava huka kahaopaleʼmo maiʼnaya vayaʼaifeʼmo kahaino, huno ha paiʼnigenoʼaeʼmo,

Luki 18:20

Goti keʼaepa geʼamo ago afiʼnanana, kumai kavaʼmo osuvo, vayaʼmo kamitimo apamagigeʼa ofaliyo, kumayaʼmo oʼaliyo, aigofe gemo osuvo, itakaʼafokalaʼmogani anaiyafiʼmo maiʼneka geʼanimo afiyo, huno ha paiʼnigenoʼaeʼmo,

Galesiya 5:13

Konagaʼnimogitapae, huʼna, kalavusifiʼmo oʼmaitapa afaʼa maisayafeʼmo Gotiʼa lapakaefeʼmo ge huʼniye. Afaʼa maiʼnayaʼmonanafa fiku yanagetapa ani kavatetiʼmo lapakufamoʼmo hauʼniya kavaʼmo hisaya kaʼmo valitapa ategae. Valitapa oʼatetapa konagatapieʼmo lapau lapayamopafiʼmo lapauʼninagetapa hapa maeyo.