Lomu 13:7 - The Keyagana NT and 25 OT books

⁷ Muki vayaʼmo afaʼa apataletapa apamisaya yaʼmo apamiyo. Anonatapilefeʼmo takesi monimo lapakitapileʼmo apamige alu takesi monimo apamige hiyo. Apaiyafiʼmo maiʼnisaya vayaʼai apaiyafiʼmo maiyo. Apakiʼapileʼmo aliʼa asaga hisaya vayaʼai apakiʼapileʼmo alita asaga hiyo.

Lomu 13:7 ပူးပေါင်းရင်းမြစ်များ

Hatu maeno apate'niya gemae 20:12

Itatapi afotapimogi apakiʼapileʼmo alita asagautetapa geʼapimo afitetapa akame hiyo. Ala kava neʼmo Gotitapimoʼnamo magoʼe huʼna yatala afinaʼmo lapamisugetapa ma mopafiʼmo maigayanagi.

Mai'naya kavane 24:21

Mafaʼneʼnimogae, huʼna, Ala kava nefeʼmo koli nehukaeʼmo kini vekaeʼefeʼmo koli huvo. Gamani vayaʼmo hapa faita apatalegaune, huʼa nehaya vayaʼeʼmo magokepi lokaeka oʼmaiyo.

Mai'naya kavane 3:27

Mago vekamoʼmo anonaʼamo haneʼnisigekaeʼmo alagepa yakaleʼmo atafauka alagi huka oʼmaika amiyo. Amisana kava huka aliʼnisana yaʼmo amiyo.

Matiyu 17:25

Pitaʼa nopiʼmo uno haiʼnigenoʼaeʼmo Yesuʼa hogoteno ge huno afi geʼniye, Saimoniyo, huno, na agufa kagesamo neʼafine. Ma mopafiʼmo yagaiʼa neʼapataya ala vayaʼapimogi haiya vayaʼaitetiʼmo kagemi yatefeʼmo neʼaliya takesiʼe apakilefeʼmo neʼaliya takesiʼeʼmo neʼaliye. Mafaʼneʼapiletiʼeʼmo neʼalifi alu kotega vayaʼaitetiʼeʼmo neʼaliye, huno afi geʼnigenoʼaeʼmo,

Maki 12:17

Sisa yaʼamo Sisana amitetapa Goti yaʼamo Gotina amiyo, huno hapa paiʼnigeʼa hapau aiʼnae.

Luki 20:22

Humi atesayafeʼmo lagaemo Goti keʼaepa geʼamo akame hisunafeʼmo takesi monimo gamani vekamo yagaino nelateya vekamo Sisana amisupi oʼamisune, huʼa ge huʼa afi geʼnageno

Luki 20:25

Sisa yaʼamo Sisana amiteta Goti yaʼamo Gotina amiyo, huno hapa paiʼnigeʼa

Luki 23:2

Apakaemo aepa faiʼa agoti huʼa ateʼapaeʼmo, mani vekamoʼmo hunoʼaeʼmo, Gamani vayaʼmogi gemo oʼafiyo. Alatapimo Sisaʼmo takesi monimo oʼamiyo. Nagaemo Kalaisi vekamo alatapimo kini vekamo maiʼnove, huno laha paiʼnigeta afiʼnone, huʼa ha paiʼnageno

Lomu 12:10

Magoke konagamogimo nehaya kava hutapa yuna lapaipa kaliʼnetapa lahapau lapayamopafiʼmo lahapaino. Apakava oʼmaitapa hogotetapa apakiʼapileʼmo alita asaga hutapa apateyo.

Lomu 13:6

Gamani vayaʼmogi Goti aliʼyaʼamo neʼaliyanageʼa takesi monimo neʼaliyaʼmofeʼmo takesi monimo afaʼa apamiyo.

Efasasi 5:33

Siosilefeʼmo nehuvaʼmonanafa lapakaitapieʼmo lapau lapayamopafiʼmo nelapaiya kava hutapa lapamete lapamete hutapa aʼnetapieʼmo lapaino. Inagi aʼnemogimo anauʼapimogi apakiʼapileʼmo aliʼa asaga huteʼa geʼapimo afiteʼa akame hiyo.

Efasasi 6:5

Aliʼyaʼmo neʼaliya vayaʼmogitapae, huʼna, lapakaemo Ala kava neʼmo geʼamo neʼafiya kava hutapa aliʼyaʼmo afoʼamogi geʼapimo afiyo. Fiku yanagetapa lole lapakesamo afigayanagi koli hutetapa atete nehutapaeʼmo lapaipafatiʼmo geʼapimo afiyo.

1 Timoti 5:13

Magoʼe huʼa hosu kavaʼmo huʼa aliʼyaʼmo oʼaliʼa alu nopi alu nopiʼmo uʼeʼa nehuʼapaeʼmo hosu faigoko gemo hulitata huge himuʼnamu kavaʼmo huge nagaekeʼmo ageteʼna afiʼnove, huʼa huge osisaya agufa gemo afaʼa huge nehae.

1 Timoti 5:17

Yagaiʼa neʼapataya vayatama vayaʼmogi alagepa aliʼyaʼmo alisayana siosi vayaʼmogi hapao ke heteʼa alagepa miyaʼapimo apamisaya kavaʼmo huʼnae, huʼa hugae. Goti geʼamo aeʼa hakalo huʼa aliʼa apaya neʼmalaya vayatama vayaʼmo hogoteʼa miyaʼapimo afaʼa apamigae.

1 Timoti 6:1

Kalavusi aliʼyaʼmo neʼaliya vayaʼmogi aliʼyaʼmo afoʼamo aiyafiʼmo maiʼneʼa geʼamo afisaya kavaʼmo huʼa maiʼnae. Geʼamo afigeʼapao Goti agiʼaleʼe alita apaya neʼmalona geleʼefeʼmo huʼa faipa huʼa oʼateyo.

1 Pita 3:7

Anauʼapimogitapae, huʼna, aʼnetapieʼmo hutapaeʼmo, apakufamo lokiya oʼvaiʼniye, hutapa lapakesamo afitetapa apakaeʼeʼmo alagepa hutapa magokepi lokaeta maiyo. Gotiʼa maige maige hutapa maisaya yaʼmo fikumo lapa maeno lapamisiya kava huno aʼnetapiʼeʼmo apamigiyaʼmofeʼmo apakiʼapileʼmo alita asaga hutapa apateyo. Fiku yanageno nunumuʼmo hisaya getapimoʼmo alagepa huno afole oʼaigiyanagi mani kavaʼmo hiyo.

1 Samiyo 12:18

Inagi Samiyoʼmo Ala kava nefeʼmo keya aeno ge huʼnigeno ani afinakeʼmo Ala kava neʼmoʼa hiyapatiʼmo hakalu nehigeno koʼmo ailino emineʼniye. Emineʼnigeʼa muki vayaʼmogimo ageteʼapaeʼmo Ala kava neʼe Samiyoʼeʼmo lusi kava huʼa koliʼanimo huʼnae.