Lomu 13:3 - The Keyagana NT and 25 OT books

³ Gamani vayaʼmogimo alagepa kavaʼmo huʼa neʼmaiya vayaʼmogimo koli hisayafeʼmo yagaiʼa noʼapatafa hosu kavaʼmo nehaya vayaʼmogimo koli hisayafeʼmo yagaiʼa neʼapatae. Gamani vayaʼaifeʼmo koli osisayafeʼmo lahapauʼnifiye. Lahapauʼnisiyaʼmoʼmo alagepa kavaʼmo higeʼapao alagepa kavaʼmo nehae, huʼa hiyo.

Lomu 13:3 ပူးပေါင်းရင်းမြစ်များ

Mai'naya kavane 14:35

Kini vekamoʼmo afiteno ageʼneno aliʼyaʼamo neʼaliya vekaeʼmo haoke neheyaʼmonanafa avagage yaʼmo alino neʼamiya vekaeʼmo aipamo leno ateno maiʼniye.

Mai'naya kavane 20:2

Kini vekamoʼmo aipamo neleya kavaʼmoʼa laiyonimoʼmo alopa gefatiʼmo age neʼaiya gegana huno haneʼniye. Aipamo leno apatesiya agufa kavaʼmo hisaya vayaʼmo apakaiʼapigeʼmo aliʼa hosu huʼa apategae.

Lomu 13:2

Apateʼniyaʼmofeʼmo gamani vayaʼai geʼapimo amagiʼa neʼatalaya vayaʼmogi Goti geʼaʼeʼmo ago amagiʼa neʼatalayanageno kayoʼmo apamigiye.

Lomu 13:4

Apakaemo alagepa hutapa maisayafeʼmo Gotiʼa apamiʼniya aliʼyaʼmo neʼaliye. Apakaemo afaʼa yagaiʼa noʼapatayaʼmonanafa kayoʼmo apamisagetapa apaketetapaeʼmo lapakaemo hosu kavaʼmo nehisayana koli hugae. Gotiʼa apakaemo hosu kavaʼmo nehaya vayaʼmo kayoʼmo apamisayafeʼmo lekana paino apateʼniye.