Lomu 13:13 - The Keyagana NT and 25 OT books

¹³ Ha le yateʼmo neʼmaiya vayaʼmogimo nehaya agufa fatago kavaʼmo higetao. Lusi neʼyaʼmo netapa alita anupa hutapa maiʼnetapaeʼmo hosu kavaʼmo osuge aniʼmo netetapa negi nagi gemo osuge kumai kavaʼmo osuge alu kava alu kavatetiʼmo muki kumai kavaʼmo osuge ge oʼvaige lapaipa kafa ohapaege hutapa maiyo.

Lomu 13:13 ပူးပေါင်းရင်းမြစ်များ

Mai'naya kavane 23:20

Kagaemo lokiya aniʼmo nege lusi neʼyaʼmo nege nehaya vayaʼmo alika kao yaʼmo osuvo.

Luki 1:6

Ani yalavelaʼmoganimo Goti aulagaleʼmo alagepa kavaʼmo huteʼana muki Goti keʼaepa geʼamo akame huteʼana alagepa huʼana maiʼnaʼae.

Luki 16:19

Yesuʼa hunoʼaeʼmo, mago kagemi yaʼamo haneʼniya vekamoʼmo muki afinaʼmo alagepa kukena yaʼmo hogote kukenaʼageʼmo vaige alagepa neʼyaʼageʼmo nege huno maiʼniye.

Luki 21:34

Lapakaitapileʼmo alagepa huta yagaita lapateyo. Fiku yanageta lusi yagita huge lokiya aniʼmo netetapa negi nagi gemo huge ma mopafi yafeʼmo lapakesa alaʼamo afige lapausoli huge nehisageno ani afinaʼmo malage huno kesi katetiʼmo afole aigiye.

Apa 2:15

Lapakaemo hutapaeʼmo, Ani vayaʼmogi aniʼmo neteʼa negi nagi nehae, hutapa lapakesamo neʼafiyaʼmonanafa hemenimo netepiʼmo yegemo ago leno hakale huʼniya afinaʼmogeʼa negi nagi nosae.

1 Kolitiyani 3:3

Lapakufamoʼmo hauʼniya kavaʼmo akame huʼnayanagetapa hemeniʼeʼmo afaʼageʼmo akame nehae. Lapakaitapifiʼmo lapaipa kafa hapaege ge vaige alita fako hutapa alu vaya alu vayaʼmo maige hutapa maiʼnetapaeʼmo lapakufamoʼmo hauʼniya kavaʼmo akame nehutapa ma mopafi vayakana hutapa maiʼnae.

Galesiya 5:19

Muki vayaʼmogimo atafa apaipa apakesamoʼmo hauʼniya kavaʼmo ago ageʼnae. Ani kavaʼmo haneʼniyana veʼalavefatiʼmo kumai kavaʼmo huge mafaʼnefatiʼmo kumai kavaʼmo huge oʼaniʼya kavaʼmo huge apavagage osigeʼa kalamogi nehaya agufa kavaʼmo huge nehae.

Galesiya 5:21

Hosu apaipa kalige kamitimo apamagige lusi aniʼmo neteʼa negi nagi gemo huge lusi kava huʼa ogefage huʼa apavamusa valeʼa negi nagi huge magoʼe huʼa ani agufa hosu kavaʼmo huge nehae. Hogoteʼna lapa paiʼnovanageʼna hemenimo halate magoʼe gemo huʼnaeʼmo, ehetapiye, huʼna lapa nepauve. Afole oʼaiʼniya afinaʼmo hogoteʼna lapa paiʼnaeʼmo mani agufa hosu kavaʼmo nehaya vayaʼmogimo Gotiʼa yagaino neʼapateya kopiʼmo uʼa haiʼa mafaʼneʼapimogimo afoʼapimogi yaʼmo neʼaliya kava huʼa Gotitegatiʼmo hetamaʼapimo afaʼa oʼaligae.

Efasasi 4:1

Inagi nagaemo Ala kava netefeʼmo kalavusi huʼneʼnaeʼmo, Gotiʼa alagepa kavaʼmo hutapa maisayafeʼmo keya aeno ge huʼniya agufa kavaʼmo hutapa maiyo, huʼna aliʼna he tiʼna nelapatove.

Efasasi 4:17

Ani kavaʼmo hutapa maiʼnayaʼmofeʼmo nagaemo Ala kava neʼmo agiʼaletiʼmo lokiya gemo huʼna lapa paiʼnaeʼmo, Malaga vayaʼmogi nehaya agufa kavaʼmo hogotetapa huʼnayaʼmonanafa hemenimo magoʼe hutapa osiyo. Fikumo apakesamo neʼafigenoʼaeʼmo apaipa apakesamoʼmo hani huʼnigeno apaipamo lokiya vaiʼniyaʼmofeʼmo noʼagayaʼmofeʼmo Gotiʼa afaʼa maisaya yaʼmo neʼapamiya yaʼmo oʼaliʼa malaga vayaʼmo maiʼnae.

Efasasi 5:15

Huʼniyaʼmofeʼmo muki afinaʼmo alu kava alu kavaʼmo nehutapaeʼmo alagepa hutapa yagaita maiyo. Negi vayaʼmogi kavaʼmo osutapa ageteʼa afiʼnaya vayaʼmogi kavakeʼmo hutapa maiyo.

Efasasi 5:18

Lusi aniʼmo netetapa negi nagi gemo osigenoʼao lapakufamo alino hosu huno olapateno. Osutapa Goti Aunemeʼamoʼmo lapaipafiʼmo havai teno.

Efasasi 5:8

Hogotetapa hanipiʼmo maiʼnayaʼmonanafa hemenimo Ala kava nepiʼmo maiʼnetapaeʼmo ha le yakana hutapa maiʼnayaʼmofeʼmo ha le mafaʼneʼamogimo hisaya agufa kavaʼmo hiyo.

Filipai 1:27

Lapakaemo magoke kavaʼmo hutapa Kalaisifeʼmo alagepa faigoko geʼamo akame hutetapa alagepa kavaʼmo hutapa maiyo. Maiʼnisageʼnaeʼmo lapakaetegamo uʼna lapakesufi olapakesufigeʼa mago vayaʼmogimo, oʼataleʼa magoke apaipa apakesamo aliteʼa Kalaisifeʼmo alagepa faigoko geʼalefeʼmo magokepi lokaeʼa maiʼneʼa kamemo nehae, huʼa lapava gemo huʼa naha paisageʼna afiguve.

Filipai 2:3

Lapakaitapiekeʼmo lapakesamo afitapa lapakitapileʼmo alita asaga hisayafeʼmo mago kavaʼmo alagi osiyo. Lapakufamo alita afepi atetetapa konagatapieʼmo, alagepa vayaʼmogeʼa ago aeʼa lagaseʼa maiʼnae, hutapa lapakesamo afiyo.

Kolosi 1:10

Gotiʼa ani kavaʼmo hisigeta ala agiʼamo amisaya kavaʼmo hutapa maisageno alagepa kavaʼmoʼa lapaipafatiʼmo alagagana huno afole aisigetapa Gotiʼmo magoʼe magoʼe hutapa agesaya kavaʼmo hutapa maisayafeʼmo nunumuʼmo nehune.

Kolosi 3:5

Aligayaʼmofeʼmo ma mopafi haneʼniya lapakufafiʼmo alu ya alu yatapiletiʼmo nehaya kavaʼmo amagita falita ataleyo. Kumai kavanagi oʼaniʼya kavanagi hosu lapaipa nekaliya kavanagi hosu kavafeʼmo lapaka neteya kavanagi ma mopafi yafeʼmo lapaʼye nehiya kavanagi hutapa amagitapa falita ataleyo. Ma mopafi yafeʼmo hapaʼye nehisiya vayaʼmogi aigofe gotitefeʼmo mono nehae.

1 Tesaloniyani 2:12

Gotiʼa yagaino neʼapateya koteʼmo uta haitapa maiʼnetapaeʼmo ha le konali yaʼamo alisayafeʼmo keya aeno ge huʼniya agufa kavaʼmo hutapa maiye.

1 Tesaloniyani 4:12

Malaga vayaʼaitegamo alagepa kavaʼmo hutetapa kafu osisayafeʼmo aliʼyaʼmo aliyo.

1 Tesaloniyani 5:17

Muki afinaʼmo oʼataletapa nunumuʼmo hiyo.

Yemisi 4:5

Goti mukufiʼmo haneʼniya gemoʼa hunoʼaeʼmo, lapakaepiʼmo neʼmaiya lapaunelapameʼmoʼa hosu kavafeʼmo nehaigenoʼaeʼmo haʼye nehiye, huno huʼniya gemo afa gemo haneʼniye, hutapa lapakesamo neʼafifiye.

1 Yoni 2:6

Agaepiʼmo alagi maiʼnone, huʼa nehisaya vayaʼmogimo Yesuʼa huʼniya kavaʼmo akame huʼa hugae.

2 Yoni 1:4

Mago mafaʼne anagakamogimo muki yaʼmo Afoʼamoʼa akame hiyo, huno laha paiʼniya keʼaepa geʼamo lama geʼamo akame nehageʼna apaketeʼnaeʼmo lusi kava huʼna namogaga aiʼnove.

Yuti 1:23

Hugayaʼmonanafa alu vayaʼmogi apakufamo alita katita apatetetapaeʼmo koli hiyo. Apakufamoʼmo hauʼniya kavaʼmo nehaya kavaʼmoʼa kukena yaʼapileʼmo oʼaniʼya faigekana agufa kavaʼmo nehiye. Hapa maesayafeʼmo apame oʼalitapa koli huʼnetapaekeʼmo atafatiʼmo atafaeta apateyo.